မြန်မာ့ဓါတ်ငွေ့ ဘင်္ဂလားဒေ့ရှ် လိုချင်


မြန်မာ့သဘာဝဓာတ်ငွေ့တင်သွင်းနိုင်အောင် အိန္ဒိယနိုင်ငံရဲ့ အကူအညီရရှိဖို့ ဘင်္ဂလားဒေ့ရ်ှနိုင်ငံက ကြိုးစားနေတယ်လို့ ဒက္ကာမြို့ထုတ် Daily Sun သတင်းစာမှာ မနေ့က ဖော်ပြလိုက်ပါတယ်။

အိန္ဒိယရေနံဝန်ကြီးနဲ့ နယူးဒေလီမြို့မှာ တွေ့ဆုံဆွေးနွေးတဲ့အခါ Turkmenistan- အာဖဂန်နစ္စတန်- အိန္ဒိယနဲ့ ဘင်္ဂလားဒေ့ရှ် လေးနိုင်ငံ သဘာဝဓာတ်ငွေ့ ပိုက်လိုင်းစီမံကိန်းမှာ မြန်မာနိုင်ငံက သဘာဝဓာတ်ငွေ့လည်း တင်သွင်းဖို့ ဘင်္ဂလားဒေ့ရှ် လျှပ်စစ်နဲ့ စွမ်းအားဝန်ကြီးက အဆိုပြုမယ်လို့ အစိုးရတာဝန်ရှိသူတယောက်က Daily Sun သတင်းစာကို ပြောပါတယ်။

ထိုင်းနဲ့ တရုတ်နိုင်ငံဟာ မြန်မာ့သဘာဝဓာတ်ငွေ့ကို အများဆုံးဝယ်ယူနေပြီး မကြာခင်နှစ်ပိုင်းတွေမှာ မြန်မာနိုင်ငံကတင်ပို့တာ ကျဆင်းသွားတဲ့အတွက် ဒီနေရာကို ပြည်တွင်းဝယ်လိုအား တရိပ်ရိပ်ပုံမှန်တက်နေတဲ့ ဘင်္ဂလားဒေ့ရ်ှက အစားထိုးနိုင်တယ်လို့ဆိုပါတယ်။

သဘာဝဓာတ်ငွေ့ရည် ဝယ်ယူတင်သွင်းဖို့ လိုအပ်ချက်ကို ပြည့်မီအောင်လည်း ဘင်္ဂလားဒေ့ရ်ှအစိုးရက ဆောင်ရွက်နေပါတယ်။ ဘင်္ဂလားဒေ့ရ်ှနိုင်ငံအတွက် သဘာဝဓာတ်ငွေ့ရည်တင်သွင်းမယ့် ပထမဆုံး အဆောက်အအုံတွေကိုလည်း စတင်ဆောက်လုပ်နေပါတယ်။

RFA Burmese
https://www.facebook.com/rfaburmese/
မြန်မာ့ဓါတ်ငွေ့ ဘင်္ဂလားဒေ့ရှ် လိုချင် မြန်မာ့ဓါတ်ငွေ့ ဘင်္ဂလားဒေ့ရှ် လိုချင် Reviewed by THITHTOOLWIN on 09:30 Rating: 5
Powered by Blogger.