ဟစ်တလာနဲ့ နှိုင်းတဲ့ ဖိလစ်ပိုင်သမ္မတ အမေရိကန်ဝေဖန်

ဖိလစ်ပိုင်သမ္မတ Duterte (အလယ်)။
ဖိလစ်ပိုင်သမ္မတ Rodrigo Duterte က သူ့ကိုယ်သူ နာဇီခေါင်းဆောင် ဟစ်တလာနဲ့ ခိုင်းနှိုင်းပြောဆိုတဲ့ မှတ်ချက်တွေဟာ စိုးရိမ်စရာကောင်းပြီး - လူ့ဂုဏ်သိက္ခာအတွက် အဓိကစံတန်ဖိုးတွေအဖြစ် အမေရိကန်နဲ့ ဖိလစ်ပိုင်နိုင်ငံတို့ အရင်တုန်းက လက်ခံထားခဲ့တာတွေကနေ သိသိသာသာ လွဲချော်လာနေတယ်လို့ အမေရိကန်ပြည်ထောင်စု က ပြောဆိုလိုက်ပါတယ်။

ပြဿနာကို စောစောစီးစီး အဆုံးသတ်တဲ့ ဖြေရှင်းနည်းတခုအဖြစ် မူးယစ်ဆေးဝါး သုံးစွဲသူတွေနဲ့ ရာဇ၀တ်မှုကျုးလွန်သူ ၃ သန်းလောက်ကို သတ်ပစ်ဖို့ ၀န်မလေးဘူးလို့ ဖိလစ်ပိုင်သမ္မတ Duterte က ပြောဆိုခဲ့တာပါ။ စကားလုံးတွေဟာ၊ အထူးသဖြင့် နိုင်ငံ့ခေါင်းဆောင်တွေ ပြောတဲ့အခါမျိုးမှာ အဓိပ္ပါယ်ရှိတဲ့အကြောင်း အမေရိကန် နိုင်ငံခြားရေးဝန်ကြီးဌာန လက်ထောက် ပြောခွင့်ရပုဂ္ဂိုလ် Mark Toner က ပြောဆိုခဲ့သလို၊ ဖိလစ်ပိုင်နိုင်ငံမှာ ဥပဒေမဲ့ သတ်ဖြတ်မှုတွေ ကျုးလွန်နေတဲ့ သတင်းတွေအပေါ် အမေရိကန်ပြည်ထောင်စုအနေနဲ့ နက်နက်ရှိုင်းရှိုင်း စိုးရိမ်မိကြောင်း သောကြာနေ့က ပြုလုပ်တဲ့ ပုံမှန်သတင်းစာ ရှင်းလင်းပွဲ မှာ ပြောဆိုခဲ့ပါတယ်။

ဖိလစ်ပိုင်နဲ့ အမေရိကန်ရဲ့ မိတ်ဘက်ဆက်ဆံရေးဟာ ကာလကြာရှည် တည်ရှိနေခဲ့ တာဖြစ်သလို - လူ့အခွင့်အရေးနဲ့ လူ့ဂုဏ်သိက္ခာအပေါ် ယုံကြည် တန်ဖိုးထားမှုတွေ လို ၂ နိုင်ငံစလုံးက လက်ခံထားတဲ့ စံတန်ဘိုးတွေအပေါ် အခြေခံ ထားတယ်လို့လည်း ပြောခွင့်ရသူက ပြောဆိုခဲ့ပါတယ်။ မူးယစ်ဆေးဝါးနှိမ်နင်းရေး အစီအစဉ်ကို သက်တမ်းတိုးပေးဖို့အတွက် အထက်လွှတ်တော်ကို တောင်းဆိုထားတဲ့ သမ္မတ Duterte ကတော့ - မူးယစ်ဆေးစွဲသူတွေကို ဆက်လက် နှိမ်နင်းသွားမယ့် သူ့အစီအစဉ်ကို လူ့အခွင့်အရေးစုံစမ်းစစ်ဆေးသူတွေ ဟန့်တားလို့ မရဘူးလို့လည်း အရင်က ပြောဆိုခဲ့ဖူးပါတယ်။

ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ