ရေယာဉ်နစ်မြုပ်မှုမှာ သေဆုံးသူ ၂ဝ ကျော်ရဲ့ရုပ်အလောင်းတွေ တွေ့ရှိ

( အောင်စိုးမိုးကျော် အမြန်ရေယာဉ်နစ်မြုပ်မှုကြောင့် သေဆုံးခဲ့တဲ့ ရုပ်အလောင်းတွေကို အောက်တိုဘာလ ၁၇ ရက်နေ့က ထပ်မံဆယ်ယူ ရရှိထားစဉ် ) Photo: Myanmar Fire Services Department/ Facebook
စစ်ကိုင်းတိုင်းဒေသကြီး၊ ကနီမြို့နယ်၊ မိချောင်းတွင်းကျေးရွာအနီးမှာ အောင်စိုးမိုးကျော်အမြန်ရေယာဉ် နစ်မြုပ်မှုကြောင့် သေဆုံးနေတဲ့ ရုပ်အလောင်း ၂၀ ကျော်ကို ဒီနေ့ ထပ်မံဆယ်ယူရရှိထားတယ်လို့ ကယ်ဆယ်ရေးဆောင်ရွက်နေသူတွေက ပြောပါတယ်။

ကနီမြို့နယ်၊ တိုင်းဒေသကြီးလွှတ်တော်ကိုယ်စားလှယ် ဦးထွန်းထွန်းဝင်းက သေဆုံးသူတွေထဲမှာ အမျိုးသမီးတွေ များတယ်လို့ ပြောပါတယ်။

"ဒီနေ့ ဖြစ်တဲ့နေရာက လေးလောင်း အခုလောလောဆယ်တွေ့တယ်။ ကနီမှာ ၁၁ လောင်း၊ မုံရွာမှာ ၅ လောင်း၊ ချောင်းဦးဘက်မှာ ၁ လောင်း အဲဒါဒီနေ့တွေ့ထားတဲ့ စာရင်းအရပေါ့နော်။ စုစုပေါင်း ၂၇ လောင်း ပေါ့။ အထူးသဖြင့်တော့ အမျိုးသမီးတွေပဲဖြစ်တယ်။ ယောင်္ကျားလေးအလောင်းက ၁ လောင်း ပဲ တွေ့သေးတယ်။ ကျန်တာကတော့ အမျိုးသမီးနဲ့ ကလေး နှစ်ယောက်ပါတယ်။အသက် ၂၀ နဲ့ ၃၀ ကြား အမျိုးသမီးလေးတွေပါ။" လို့ လွှတ်တော်ကိုယ်စားလှယ် ဦးထွန်းထွန်းဝင်း က ပြောပါတယ်။

ရေယာဉ်စတင်နစ်မြုပ်တဲ့နေမှာ အလောင်း ၅ လောင်း၊ အောက်တိုဘာလ ၁၆ ရက်နေ့ မနေ့က အလောင်း ၂ လောင်းနဲ့ ဒီနေ့မှာ ၂၁ လောင်း ဆယ်ယူရရှိခဲ့တာပါ။

အလောင်းတွေကို ကနီမြို့နယ်အနီးက ကျွန်းငယ်တစ်ခုမှာ စုထားပြီး သက်ဆိုင်ရာမိသားစုဝင်တွေကို တစ်ရက်စောင့်ဆိုင်းပြီးမှ သဂြိုလ်ဖို့ ပြင်ဆင်ထားပါတယ်။ သေဆုံးသူတွေရဲ့ လက်ဝတ်လက်စားတွေနဲ့ ရရှိတဲ့ အထောက်အထားပစ္စည်းတွေကို ရဲတပ်ဖွဲ့ဘက်က မှတ်တမ်းပြုစုနေတယ်လို့ ဦးထွန်းထွန်းဝင်း က ပြောပါတယ်။

နစ်မြုပ်ခဲ့တဲ့ အောင်စိုးမိုးကျော်ရေယာဉ်ကို ရေငုတ်သမားတွေက ဒီနေ့မနက်က ဆယ်ယူနေပေမယ့် ရေစီးသန်တာကြောင့် ညနေပိုင်းအထိ ဆယ်ယူလို့ မရသေးဘူးလို့လည်း ပြောပါတယ်။

RFA Burmese
https://www.facebook.com/rfaburmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ