ချင်းတွင်းမြစ်အတွင်း ရေယာဉ်တိမ်းမှောက်

( အောင်စိုးမိုးကျော် အမြန်ရေယာဉ်တိမ်းမှောက်ရာမှ အသက်ရှင်ကျန်နေတဲ့ ခရီးသည်တချို့ကို အောက်တိုဘာလ ၁၅ ရက်နေ့က အထက်ကင်းရွာဘုန်းတော်ကြီးမှာ တွေ့ရစဉ် ) Photo: ဟိတသုခလူမှုကူညီရေးအသင်း/ Facebook

စစ်ကိုင်းတိုင်းဒေသကြီး ချင်းတွင်းမြစ်အတွင်း ဟုမ္မလင်းမြို့ကနေ မုံရွာမြို့ကို ပြေးဆွဲတဲ့ အောင်စိုးမိုးကျော် အမြန်ရေယာဉ်ဟာ ဒီနေ့မနက် ၅ နာရီခန့်မှာ တိမ်းမှောက်ခဲ့ရာ လူဦးရေ ၁၅၀ ကျော်ကို ဆယ်ယူရရှိထားပြီး ၁၅၀ ခန့်က ပျောက်ဆုံးနေတယ်လို့ ကူညီကယ်ဆယ်ရေး ဆောင်ရွက်နေသူတွေက ပြောပါတယ်။

ကယ်ဆယ်ထားတဲ့ ၁၅၀ ကျော်ထဲက ဒဏ်ရာရရှိသူ ၃၀ ကျော်ကို ကနီမြို့နယ် ကင်းတိုက်နယ်ဆေးရုံကို ပို့ဆောင်ထားပြီး ကျန်တဲ့ ၁၀၀ ကျော်ကို အထက်ကင်းရွာဘုန်းတော်ကြီးမှာ နေရာချထားပေးတယ်လို့ ဟိတသုခလူမှုကူညီရေးအသင်း က ဦးသိန်းဇော် က ပြောပါတယ်။

ကနီမြို့နယ်၊ မိကျောင်းကွင်းကျေးရွာအနီးက ကျောက်ဆောင်ကို တိုက်မိတာကြောင့် ရေယာဉ် တိမ်းမှောက်ခဲ့တာဖြစ်တယ်လို့ သိရပါတယ်။

RFA Burmese
https://www.facebook.com/rfaburmese/