ပန်းတိုင် ခရီးသည်တင်ယာဉ်နှင့် ဆိုင်ကယ်တိုက် ဆိုင်ကယ်ပေါ်မှ အမျိုးသမီးနှစ်ဦး ပွဲချင်းပြီးသေဆုံး

အမြန်လမ်းတွင် မော်တော်ယာဉ်နှင့်ဆိုင်ကယ်တိုက် ဆိုင်ကယ်ပေါ်မှ အမျိုးသမီးနှစ်ဦး ပွဲချင်းပြီးသေဆုံး

မိတ္ထီလာ အောက်တိုဘာ ၁၇

မိတ္ထီလာမြို့နယ်သီးကုန်းအမြန် လမ်းမကြီးရဲစခန်းအပိုင်တွင် အောက်တိုဘာလ (၁၆)ရက်နေ့  ညနေက ခရီးသည်တင် မှန်လုံ အမြန်ယာဉ်နှင့် ဆိုင်ကယ်နှစ်စီး တိုက်မိခဲ့ကြရာ ဆိုင်ကယ်ပေါ်မှ အမျိုးသမီးနှစ်ဦးပွဲချင်းပြီး သေဆုံး သွားသည့် ယာဉ်တိုက်မှုတစ်ခုဖြစ် ပွားခဲ့သည်။

ဖြစ်ပွားပုံမှာ မကွေးမြို့မြင်သာ ရပ်နေ ယာဉ်မောင်းခင်မောင်မြင့် (၂၆နှစ်) မောင်းနှင်သည့် ပန်းတိုင် ခရီးသည်တင်ယာဉ် အမှတ်၉ခ/-----ကားသည် မန္တလေးမှ ရန်ကုန်သို့မောင်းနှင်လာစဉ် အမြန် လမ်းမိုင်တိုင်အမှတ် ၂၉၇/၆ အရောက်တွင် မိတ္ထီလာမြို့နယ် ဖက်ကုန်းရွာနေ မမာမာ(၂၅နှစ်) စီးလာသော HUNBO အနက် ရောင် ၁၁ဝ ဆိုင်ကယ်အမှတ် ၂၁ယ/---- ပေါ်တွင် နောက်မှ ဝမ်းတွင်းမြို့နယ် အင်းရင်းကျေး ရွာမှ မဝါဝါခိုင်(၂၁နှစ်)၊ဖက်ကုန်း ရွာမှ မယုမွန်(၂၇နှစ်)တို့ သုံးဦး စီးလာသောဆိုင်ကယ်နှင့်ဖက်ကုန်း ရွာမှရန်နိုင်ဦး(၂၂နှစ်)စီးလာသော ၃၈ယ/-----ZHINGG ၁၁ဝ အနက်ရောင်ဆိုင်ကယ်နောက်မှ ဖက်ကုန်းရွာနေ မခင်ချိုနွယ် (၃၆နှစ်)တို့စီးလာသော ဆိုင်ကယ် သည် ပန်းတိုင်မော်တော်ယာဉ်နှင့် တိုက်မိကြသည်။

ဤကဲ့သို့ ခရီးသည်တင်ပန်း တိုင်ယာဉ်နှင့် ဆိုင်ကယ်နှစ်စီးတို့ တိုက်မိကြရာ ဆိုင်ကယ်စီးသူ မမာ မာ(၂၅နှစ်)နှင့် ဆိုင်ကယ်နောက်မှ လိုက်လာသူ မယုမွန်(၂၇နှစ်)တို့မှာ ရရှိသောဒဏ်ရာဖြင့် နေရာတွင်ပင် ပွဲချင်းပြီး သေဆုံးသွားကြသည်။ ဆိုင်ကယ်စီးသူ ရန်နိုင်ဦး၊ မဝါဝါ ခိုင်နှင့်မခင်မျိုးနွယ်တို့မှာ ဒဏ်ရာ အသီးသီးရရှိသဖြင့် မိတ္ထီလာ ဆေးရုံကြီးတွင်အတွင်းလူနာအဖြစ် တင်ပို့ထားသည်။

 ယာဉ်တိုက်မှု ကို သီးကုန်းအမြန်လမ်းမကြီး ရဲစခန်းမှ ဆိုင်ကယ်စီးသူ မမာမာ (၂၅နှစ်)အား သီးကုန်းရဲစခန်း ယာဉ်(ပ)၅ဝ/၂ဝ၁၆ ပုဒ်မ-၃ဝ၄ (က)/၃၃၈ နှင့် ဆိုင်ကယ်စီးသူ ရန်နိုင်ဦး(၂၇နှစ်)အား သီးကုန်း ရဲစခန်း ယာဉ်(ပ)၅၁/၂ဝ၁၆ ပုဒ်မ ၃၃၈ ဖြင့် အမှုဖွင့်အရေးယူထား သည်။

တင်လှိုင်(မိတ္ထီလာ)
The Union Daily
https://www.facebook.com/uniondaily.net