မြန်မာဘက်က မူးယစ်စက်ရုံဖျက်သိမ်းဖို့ ဘင်္ဂလားဒေ့ရ်ှတောင်းဆို


စိတ်ကြွဆေးပြားများ ဖမ်းဆီးရမိစဉ်
ဘင်္ဂလားဒေ့ရ်ှနိုင်ငံအနေနဲ့ နယ်စပ်ဖြတ်ကျော် မူးယစ်ဆေးဝါး ကူးသန်း ရောင်းဝယ် မှုတွေရဲ့ ဒဏ်ကို ခံနေရတဲ့အတွက် မြန်မာနိုင်ငံ အတွင်းမှာ ရှိနေတဲ့ ယာဘမူး ယစ်ဆေးဝါး ထုတ်လုပ်တဲ့ နေရာတွေကို ဖျက်ဆီးပေးဖို့ ပြည်ထဲရေးဝန်ကြီး Asaduzzaman Khan က အောက်တိုဘာလ ၂၉ ရက်နေ့မှာ မြန်မာအစိုး ရကို တောင်းဆိုလိုက်တယ်လို့ ဘင်္ဂလားဒေ့ရ်ှက သတင်းမီဒီယာ တွေ မှာ ရေးသား ဖော်ပြကြပါတယ်။

ဘင်္ဂလားဒေ့ရ်ှနိုင်ငံအတွင်းမှာ မူးယစ်ဆေးဝါးတွေကို ထုတ်လုပ်ခြင်း မရှိပေမယ့် လည်း သူ့နိုင်ငံအတွင်းက ပြည်သူ ပြည်သားတွေအနေနဲ့ အိမ်နီး ချင်း နိုင်ငံဘက် ကနေ နယ်စပ်ဖြတ်ကျော် မူးယစ် မောင်ခိုမှုတွေရဲ့ဒဏ်ကို ခံနေကြရတယ်လို့ သီရိလင်္ကာနိုင်ငံမှာ ကျင်းပနေတဲ့ အိန္ဒိယသမုဒ္ဒယာ ၀န်းကျင် နိုင်ငံတွေ က ပြည် ထဲရေးဝန်ကြီးတွေရဲ့ မူးယစ်ဆေးဝါး တိုက်ဖျက်ရေး ညီလာခံမှာ ဘင်္ဂလားဒေ့ရှ် ပြည် ထဲရေးဝန်ကြီးက အဲဒီလို ပြောကြား လိုက်တာ ဖြစ်ပါတယ်။

မူးယစ် မှောင်ခိုတွေဟာ ယာဘ မူးယစ်ဆေးဝါးတွေကို မြန်မာနယ်စပ် ဘင်္ဂလားဒေ့ရ်ှနိုင်ငံအတွင်း စစ်တကောင်းဒေသကို ဖြတ်ကျော် သယ်ဆောင်လာ ကြတယ်လို့ ၀န်ကြီးက ပြောပါတယ်။ ဘင်္ဂလားဒေ့ရ်ှအစိုးရအနေနဲ့ မူးယစ်ဆေးဝါး မှောင်ခိုကူးမှု၊ သုံးစွဲမှုတွေနဲ့ပတ်သက်လို့ လုံးဝ လက်မခံ တဲ့ ပေါ်လစီကို ချမှတ်ကျင့်သုံးနေကြောင်းလည်း ၀န်ကြီးက ပြောပါတယ်။

ဘင်္ဂလားဒေ့ရ်ှနိုင်ငံရဲ့ အရှေ့တောင်ပိုင်း မြန်မာနိုင်ငံနဲ့ နယ်နိမိတ်ချင်း ထိစပ်နေတဲ့ Taknaf ဒေသကနေ မူးယစ်ဆေးဝါးတွေကို အဓိက တင်သွင်းခြင်းဖြစ်တယ်လို့ ဘင်္ဂလားဒေ့ရှ် နယ်ခြားစောင့်တပ်ဖွဲ့နဲ့ ရဲတပ်ဖွဲ့တို့က ပြောပါတယ်။

ကုလသမဂ္ဂ မူးယစ်ဆေးဝါးနဲ့ ရာဇ၀တ်မှုနှိမ်နင်းရေးအဖွဲ့ရဲ့ အကူအညီနဲ့ ဘင်္ဂလားဒေ့ရှ်၊ Comoros ၊ အိန္ဒိယ ၊ အီရန်၊ Madagascar ၊ မိုဇမ်ဘစ်၊ Seashells နဲ့ တန်ဇန်းနီးယားနိုင်ငံတို့ဟာ သီရိလင်္ကာနိုင်ငံ၊ ကိုလံဘိုမြို့မှာ ဒီ မူးယစ်ဆေးဝါး တိုက်ဖျက်ရေး ညီလာခံကို ကျင်းပနေတာ ဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ