မြန်မာလက်ဖက် အမေရိကန် ပိတ်ပင်

( ရိုးမမြန်မာ ဖန်ချိုခါး လက်ဖက်ထုပ်ကို တွေ့ရစဉ် )Photo: teasalad.com

အမေရိကန်ပြည်ထောင်စု မက်ဆီချူးဆက်ပြည်နယ် အော်စတွန်မြို့မှာရှိတဲ့ Yoma Myanmar Tea ကုမ္ပဏီက ရောင်းချတဲ့ ချဉ်စပ်လက်ဖက်ဘူးတံဆိပ်မှာ မြေပဲပါတယ်လို့ မဖော်ပြထားမိတဲ့အတွက် ဒီလက်ဖက်ဘူးတွေကို ကုမ္ပဏီက သူ့အလိုအလျှောက် ပြန်သိမ်းယူနေတယ်လို့ အမေရိကန် ပြည်ထောင်စု FDA စားသောက်ကုန်နဲ့ ဆေးဝါးအဖွဲ့က မနေ့က ကြေညာပါတယ်။

မြေပဲနဲ့ ဓာတ်မတည့်သူတွေ စားမိရင် အသက်အန္တရာယ် ထိခိုက်နိုင်တဲ့အတွက် ပြန်သိမ်းယူတာဖြစ်ပြီး ၂၀၁၈ ဇွန် ၁၅ ရက်မှာ သက်တမ်းကုန်မယ်လို့ ၇ အောင်စ၀င် ရိုးမချဉ်စပ် လက်ဖက်ဘူးမှာ တံဆိပ်ရိုက်ထားတယ်လို့ ဆိုပါတယ်။ ခုထိတော့ ဒီလက်ဖက်စားလို့ နာမကျန်းဖြစ်ရတယ်ဆိုတဲ့ သတင်းတော့ မရရှိသေးပါဘူး။

ရိုးမကုမ္ပဏီဟာ နိုင်ငံတဝန်းက လက်လီဆိုင်တွေကို လက်ဖက်ဘူးတွေ ဖြန့်နေပြီး အမှာလာရင် စာတိုက်ကပေးပို့ ရောင်းချနေပါတယ်။

နယူးယောက်မြို့ အစားအစာ အန္တရာယ် ကင်း-မကင်း စုံစမ်းရေးအဖွဲ့က အစားအစာနမူနာကို ပုံမှန်စစ်ဆေးချိန်မှာ မြေပဲပါတာ မဖော်ပြတာကို တွေ့ရှိရတာပါ။

RFA Burmese
https://www.facebook.com/rfaburmese