မင်းသမီးကို မြွေကိုက်ခံရမည့်ရန်မှ ကယ်ရမည့်အခန်း ရိုက်ကူးရာ မင်းသားမြွေကိုက်ခံရ


မန္တလေး၊ အောက်တိုဘာ ၄။

မန္တလေးမြို့တွင် ရိုက်ကူးလျှက်ရှိသည့် "နှလုံးသွေးနဲ့ရေးတဲ့ ကဗ္ဗည်း"ဇာတ်ကားမှ မင်းသမီးကို မြွေကိုက်ခံရမည့်ရန်မှ ကယ်ရမည့်အခန်း ရိုက်ကူးရာ မင်းသားမြွေကိုက်ခံရသည့်အတွက် အောက်တိုဘာလ (၄) ရက်နေ့က မန္တလေးအထွေထွေ ရောဂါကုဆေးရုံကြီးတွင် ဆေးကုသမှု ခံယူနေရသည် ။

ယင်း"နှလုံးသွေးနဲ့ရေးတဲ့ ကဗ္ဗည်း"ဇာတ်ကားအား မင်းသားမင်းရာဇာနှင့် မင်းသမီး စိုးနန္ဒာကျော် တို့ဖြင့်ရိုက်ကူးလျှက်ရှိရာ အမရပူရမြို့နယ် ရှမ်းကလေးကျွန်းအနီးရှိ လယ်ကွင်းအတွင်း ရိုက်ကူးမှုများ ပြုလုပ်စဉ် မြွေကိုက်ခံရခြင်းဖြစ်သည်ဟု သိရသည်။

"ဇာတ်ကားထဲမှာ မင်းသမီးပိုးထိလို့ ကျွန်တော်က အဆိပ်ကို ပါးစပ်နဲ့ စုပ်ထုတ်ပေးပြီး သေသွားမယ့်အခန်းကိုရိုက်ရမှာဖြစ်တယ် ။လယ်ကွင်းထဲမှာ လမ်းလျောက်နေရင်း မင်းသမီးပိုးမထိပဲ ကျွန်တော်တကယ်ထိသွားတာပါ"ဟု သရုပ်ဆောင်မင်းသားမင်းရာဇာက ပြောသည်။

သရုပ်ဆောင် မင်းရာဇာ၏ ဘယ်ဘက်ခြေသလုံးကို အောက်တိုဘာလ ၄ ရက်နေ့ နံနက် ၁၀ နာရီခန့်က မြွေကိုက်ခံခဲ့ရပြီး စိုးရိမ်ရခြင်းမရှိသော်လည်း နှစ်နာရီခြားတစ်ခါ သွေးစစ်ခြင်း နှင့် စောင့်ကြည့်နေရသည့် အခြေအနေဖြစ်ကြောင်း သိရသည်။

နိုင်လင်းဦး
Central News Myanmar
https://www.facebook.com/CNMyanmar/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ