အငှားယာဉ်မောင်းအား သတ်ပြီး လုယက်သွားသူကို ဖမ်းဆီးရမိ


ရန်ကုန်တိုင်း ဒေသကြီး မရမ်းကုန်မြို့နယ်မှာ အောက်တိုဘာလ (၈)ရက်နေ့ က ဖြစ်ပွားခဲ့တဲ့  အငှားယာဉ်မောင်းအား သတ်ပြီး ပစ္စည်း လုယက်သွားသူကို အောက်တိုဘာလ (၂၂)ရက်နေ့ ညနေ (၆)နာရီခန့် မှာ ဖမ်းဆီး ရမိကြောင်း သိရပါတယ်။

ပြီးခဲ့တဲ့ အောက်တိုဘာလ (၈)ရက်နေ့ ညနေ (၄)နာရီခန့် က မရမ်းကုန်းမြို့နယ်၊ (၁၀)ရပ်ကွက်၊ ဦးဘဟန်လမ်းသွယ်အတွင်း AA---- TOYOTA Vista အမျိုးအစား အဖြူရောင်အငှားယာဉ်ပေါ်မှာ အမျိုးသားတစ်ဦး ဓားဒဏ်ရာများရရှိကာ ယာဉ်မောင်းထိုင်ခုံ ဘေး မှောက်လျက်အနေအထားနဲ့ သေဆုံးနေမှု ဖြစ်ပွားခဲ့ပါတယ်။

အဆိုပါ သေဆုံးသူကို ရဲတပ်ဖွဲ့မှ စိစစ်ခဲ့ရာ သေဆုံးသူမှာ ဒဂုံမြို့သစ်(တောင်ပိုင်း)မြို့နယ်နေ အငှားယာဉ်မောင်းနှင်သူ ဦးဝင်းလှိုင်၊ (၅၀)နှစ်ဖြစ်ကြောင်းပြီး၊ သေဆုံးသူရဲ့ ဇနီးဖြစ်သူမှ တိုင်တန်းချက်အရ မရမ်းကုန်းမြို့မရဲစခန်း(ပ)၇၉၉/၂၀၁၆၊ ရာဇသတ်ကြီးပုဒ်မ-၃၀၂ နဲ့  အမှုဖွင့်ကာ ပြစ်မှုကျူးလွန်သူအား ဖမ်းဆီးရမိရေး ရန်ကုန်တိုင်း ရဲတပ်ဖွဲ့ က စုံစမ်းဆောင်ရွက်ခဲ့ကြောင်း သိရပါတယ်။


 အမှုစစ် အထူးအဖွဲ့မှ အခင်းဖြစ်ယာဉ်ရဲ့  အနောက်ဘက် ၂၅ ပေခန့်အကွာ မြောင်းဘေးခြုံပုတ်အတွင်းမှ သွေးများ ပေကျံနေတဲ့ အရိုးအသွား ၁၀ လက်မခန့်ရှိ အ၀ါရောင်ကော်ရိုးတပ် ဓားဦးချွန်တစ်ချောင်းအား စတင် တွေ့ရှိ သိမ်းဆည်းရမိခဲ့ပါတယ်။ ဒါအပြင် ယာဉ်ရဲ့ နောက်ခန်း အတွင်းမှ တိတ်နဲ့ ကပ်ထားတဲ့ ဓားထည့်တဲ့ စက္ကူ အိတ်နဲ့ သွေးများသုတ်ထားတဲ့ မျက်နှာသုတ်ပုဝါ ၁ ထည်ကိုလည်း တွေ့ရှိ သိမ်းဆည်းရမိခဲ့ပါတယ်။

အမှုနဲ့ ပတ်သက်ပြီး စစ်ဆေးတွေ့ရှိချက်များအရ ပြစ်မှုကျူးလွန်သူမှာ မရမ်းကုန်းမြို့နယ်နေ ဇာနည်ထွန်းဖြစ်ကြောင်းသိရှိရကာ ဖမ်းဆီးရမိရေး စုံစမ်းရှာဖွေနေစဉ် အောက်တိုဘာလ (၂၂)ရက်နေ့ ညနေ (၆)နာရီခန့် က  မရမ်းကုန်းမြို့နယ်၊ ကမ္ဘာအေးဘုရားလမ်းရှိ ချော်တွင်းကုန်း မီးပွိုင့်အနီးမှ တွေ့ရှိဖမ်းဆီးရမိခဲ့တာ ဖြစ်ပါတယ်။

ပြစ်မှုကျူးလွန်သူ ဇာနည်ထွန်းအား စစ်ဆေးချက်အရ ၎င်းသည် ငွေကြေး သုံးစွဲရန်လိုအပ်နေတာကြောင့် လုယက်ရန်အတွက် အခင်းဖြစ်နေ့က စမ်းချောင်းမြို့နယ်၊ ဗားကရာလမ်းရှိ စတိုးဆိုင်တစ်ဆိုင်မှ ပြစ်မှုကျူးလွန်ရာတွင် အသုံးပြုခဲ့သည့် အ၀ါရောင်ကော်ရိုးတပ် ဓားဦးချွန် ၁ ချောင်းအား ငွေကျပ် ၃၀၀ နဲ့ ဝယ်ယူခဲ့ကာ ပြည်လမ်း၊ ဒဂုံစင်တာ ၂ ရှေ့မှ အငှားယာဉ်တစ်စီးအား မရမ်းကုန်းမြို့နယ်၊ ဦးဘဟန်လမ်းသွယ်သို့ ငှားရမ်းခဲ့ပြီး အခင်းဖြစ် နေရာအရောက် အမှုမှသေဆုံးသူ အငှားယာဉ်မောင်းအား ဓားဖြင့်ထောက်ကာ ငွေကြေးတောင်းခံရာမရရှိတကြောင့် ဓားဖြင့်ထိုးကာ အငှားယာဉ်မောင်းထံမှ Oppo အမျိုးအစား လက်ကိုင်ဖုန်း ၁ လုံးအား ယူဆောင်သွားခဲ့ကြောင်း ပေါ်ပေါက်ခဲ့ပါတယ်။

ပေါ်ပေါက်ချက်အရ ပြစ်မှုကျူးလွန်သူ ဇာနည်ထွန်း၊ (၂၈)နှစ်၊ မရမ်းကုန်းမြို့နယ်နေသူအား အမှုဖြင့် ဆက်လက်အရေးယူဆောင်ရွက်လျက်ရှိပြီး အခြားအမှုများကျူးလွန်ထားခြင်း ရှိ/မရှိ စစ်ဆေးဆောင် ရွက်လျက်ရှိ ကြောင်း ရန်ကုန်တိုင်း ဒေသကြီး ရဲတပ်ဖွဲ့ ရဲ့ သတင်းထုတ်ပြန်ချက်အရ သိရပါတယ်။

BY သစ်ထူးလွင်

အငှားယာဉ်မောင်းအား သတ်ပြီး လုယက်သွားသူကို ဖမ်းဆီးရမိ  အငှားယာဉ်မောင်းအား သတ်ပြီး လုယက်သွားသူကို ဖမ်းဆီးရမိ Reviewed by THITHTOOLWIN on 06:33 Rating: 5
Powered by Blogger.