မောင်တော ကျောင်းဆရာတဦး ပစ်ခတ်ခံရ

မောင်တောမှာ ပစ်ခတ်ခံရတဲ့ကျောင်းဆရာ ဆေးကုသမှုခံယူ

ရခိုင်ပြည်နယ် မြောက်ပိုင်းဒေသက မတည်မငြိမ်ဖြစ်နေဆဲ မောင်တောဒေသမှာနေ ထိုင်တဲ့ ကျောင်းဆရာတဦး ပစ်ခတ်ခံရတာကြောင့် အရေးပေါ် ခွဲစိတ်မှု လုပ်နေရ တယ်လို့ ပြည်နယ်အစိုးရ တာဝန်ရှိသူတွေက ထုတ်ဖော်ပြောဆို ပါတယ်။ မောင်တောနဲ့ ဘူးသီးတောင် မြို့ပေါ်ကို လူရာနဲ့ချီပြီး ပြောင်းရွှေ့ လာနေ ကြသလို တချို့တတွေကတော့ စစ်တွေနဲ့ တခြားမြို့တွေကို ပြောင်း ရွေှ့နေကြ တာကြောင့် စားနပ်ရိက္ခာ ခက်ခဲတာတွေရှိနေသလို ကျေးရွာတွေကို စားနပ် ရိက္ခာ ပို့ဖို့မှာလဲ လုံခြုံရေးကြောင့် ပို့ ဖို့ခက်နေ ပါတယ်။ လုံခြုံရေးပိုင်း ယူထားပေးပေမယ့် အကြောက်တရားတွေကြောင့် နေရပ်စွန့်ခွာရသူတွေများနေတယ်လို့ဒေသခံတွေ က ပြောပါတယ်။ ရခိုင်ပြည်နယ်မြောက်ပိုင်းက နောက်ဆုံးအခြေအနေကို ဗွီအိုအေ မြန်မာပိုင်းရဲ့ သတင်းထောက် မေခက တင်ပြထားပါတယ်။

အစိုးရတပ်မတော် ကမောင်တော၊ ဘူးသီးတောင်နဲ့ ရသေ့တောင် ၃မြို့နယ်ကို စစ်ဆင်ရေး နယ်မြေအဖြစ် မနေ့ကဘဲသတ်မှတ် ထားပါတယ်။ စဉ်ဆက်မပြတ်လုံခြုံရေးတွေရယူနေတုန်းမှာဘဲ အခုလိုကျောင်းဆရာတဦးကို ပစ်ခတ်ခံရမှုဖြစ်ခဲ့တာပါ။ ပစ်ခတ် ခံရတာနဲ့ပတ်သတ်လို့ အသေးစိတ်မသိရသေးဘူးလို့ ရခိုင်ပြည်နယ် လူမှုရေးဝန်ကြီး ဒေါက်တာ ချမ်းသာကခုလိုပြောပြတာပါ။

ဒီလ ၉ရက်နေ့က အကြမ်းဖက် တိုက်ခိုက်တာတွေဖြစ်ပြီးနောက် နယ်မြေ မတည်မငြိမ်ဖြစ်ခဲ့တဲ့ ရခိုင်ပြည်နယ် မောင်တော မြို့နယ် အတွင်းက ဆက်သွယ်ရေး ခက်ခဲတဲ့ဒေသတွေမှာ ရိက္ခာပြတ်လပ် တာတွေ ဖြစ်ပေါ်လာနေ တာနဲ့ပစ်ခတ်တာတွေ ဆက်လက်ဖြစ်ပေါ်နေ တာကြောင့် ကျေးလက်က တိုင်းရင်းသားတွေဟာ မြို့ပေါ်ကို ပြောင်းရွှေ့လာနေကြတာတွေလည်း ရှိ နေပါတယ်။

မောင်တောမြို့ပေါ်ကိုတော့ ကျေးလက်က လူတွေရာနဲ့ချီပြီး ရောက်ရှိလာနေသလို တချို့တွေကတော့ မောင်တောမြို့ပေါ်ကနေ တခြား အရပ်ကို ပြောင်းရွှေ့နေ တယ်လို့ မောင်တောမြို့ အရေးပေါ်ကူညီထောက်ပံရေး ကော်မတီဥက္ကဋ္ဌ ဦးခင်မောင်သန်းက ပြောပါတယ်။ လက်ရှိနေရပ်စွန့်ခွာနေရတဲ့ ဒုက္ခသည်တွေနဲ့ပတ်သတ်ပြီးသူကခုလိုပြောပြတာပါ။

ဘူးသီးတောင်မြို့နယ်အတွင်းက ကျေးလက်နေသူတွေပြည်သူတွေနဲ့ မောင်တောဖက်က ပြည်သူတချို့ကလည်း ဘူးသီး တောင်မြို့ပေါ်ကို ပြောင်းရွှေ့လာနေတယ်လို့ ဘူးသီးတောင်မြို့နယ် ပြည်နယ်လွှတ်တော် ကိုယ်စားလှယ် ဦးထွန်းအောင်သိန်းက ပြောပါတယ်။ လောလော ဆယ်မှာတော့ မောင်တောနဲ့ ဘူးသီးတောင်ကို ရောက်ရှိလာတဲ့ စစ်ရှောင်သူတွေကို ရပ်ရွာလူမှုအသင်း အဖွဲ့တွေက ကူညီစောင့်ရှောက် ထားပါတယ်။ ပြည်နယ်အစိုးရဘက်ကလည်း စားဝတ်နေရေးအတွက်ဖြေရှင်း ပေးနေပေမယ့် ရက်ရှည်လာရင် အခက်ခဲဖြစ် လာနိုင်တယ်လို့ ပြောပါတယ်။

ပြောင်းမလာသေးဘဲရွာတွေမှာကျန်နေသေးတဲ့ ဒေသခံတွေအတွက်က ရိက္ခာပြတ်တောက်လာနိုင်တဲ့ အခြေအနေတခုမှာ ရှိနေပြီး သွားရောက် ပို့ဆောင်ဖို့မှာလဲ လုံခြုံရေးအရစိတ်မချတာကြောင့် ခက်ခဲတွေဖြစ်နေတယ်လို့ လူမှုကယ်ဆယ်ရေးလုပ်နေတဲ့ ဦးအောင်ကျော်မင်းက လက်ရှိကြုံနေရတဲ့အခက်အခဲကိုခုလိုပြောပြပါတယ်။

အောက်တိုဘာ ၉ ရက်ကစလို့ မောင်တောဒေသတွင် ဖြစ်ပွား နေတဲ့ အကြမ်းဖက်မှုတွေဟာ အကာလ်မူလ်မူဂျာဟီ ဒင်န် အဖွဲ့ကနေ လုပ်ဆောင်နေ တာဖြစ်ပြီး နယ်မြေရှင်းလင်းမှု များကို တပ်မတော်နှင့် နယ်ခြား စောင့် ရဲတပ်ဖွဲ့ ဝင်များ ပါဝင် တဲ့ ပူးပေါင်းစစ်ကြောင်းများက ဆောင်ရွက်နေတယ်လို့ အစိုးရဘက်က ထုတ်ပြန်ထားပါတယ်။ မနေ့ကလည်း အမျိုးသား ကာကွယ်ရေး နဲ့ လုံခြုံရေးဆိုင်ရာ အထူးအစည်း အဝေးကို နေပြည်တော်က သမ္မတအိမ်တော်မှာ ကျင်းပခဲ့ပါတယ်။ ရခိုင်ပြည် နယ်အတွင်းဖြစ်ခဲ့တဲ့ကိစ္စဟာ အကြမ်းဖက်တိုက်ခိုက်မှုဖြစ်တဲ့ အတွက် မြန်မာ အစိုးရအနေနဲ့ ဒါကို သည်းခံမှာမဟုတ်ပဲ၊ ဒါကို ထိထိရောက်ရောက် အရေးယူသွားမယ်လို့ ထုတ်ဖော်ပြောဆိုထားပါတယ်။

 မေခ / ဗွီအိုအေ (မြန်မာပိုင်း)
http://burmese.voanews.com