ရခိုင်နယ်စပ် ကျေးရွာတွေမှာ ကျန်းမာရေး စောင့်ရှောက်မှု ကင်းမဲ့နေ

အစိုးရ ဝန်ထမ်းတွေဟာ လုပ်ငန်းခွင်တွေ ကနေ စွန့်ခွာ တိမ်းရှောင် ခဲ့ရ။
ရခိုင်ပြည်နယ် မောင်တော မြို့နယ် ထဲမှာ လုံခြုံရေး စိုးရိမ် မှုတွေကြောင့် ကျန်းမာရေး ဝန်ထမ်းတွေ အပါအဝင် အစိုးရ ဝန်ထမ်းတွေဟာ လုပ်ငန်းခွင် တွေကို စွန့်ခွာ တိမ်းရှောင် ခဲ့ရတဲ့ အတွက် ဒေသခံ အရပ်သားတွေ အတွက် အခက်အခဲတွေ ဖြစ်ပေါ် လာရပါတယ်။

ပတ်ဝန်းကျင် ရွာတွေ ကပါ မှီခို နေရတဲ့ အောင်သပြေ တိုက်နယ် ဆေးရုံမှာ ဝန်ထမ်း တစ်ယောက် မှ မရှိတော့တဲ့ အတွက် ရွာခံတွေ အနေနဲ့ ကျန်းမာရေး အတွက် အားကိုးရာ မရှိ ဖြစ်နေရတယ် လို့ အောင်သပြေ ရွာသား တစ်ယောက်က ပြောပါတယ်။

ဒါ့အပြင် လမ်းတွေ ဈေးတွေ ပိတ်ထားဆဲ ဖြစ်နေလို့ နေရေးစားရေး အထွေထွေ အခက်အခဲတွေ တွေ့ကြုံ နေရတယ်လို့လည်း ဆိုပါတယ်။

အောင်သပြေ၊ အောင်ချမ်းသာနဲ့ ဗန္ဓုလ အပါအဝင် ပတ်ဝန်းကျင် ရွာတွေဟာ မောင်တော မြို့နယ် မြောက်ဘက် အစွန်ဆုံး ဘင်္ဂလာဒေ့ရ်ှနဲ့ ကပ်ရပ် တည်ရှိတဲ့ ကျေးရွာတွေ ဖြစ်တယ်လို့ ဘီဘီစီ သတင်းထောက် က ပြောပါတယ်။

အဲဒီ့ ရွာတွေမှာ အစိုးရ ဝန်ထမ်းတွေ မရှိတော့ ပေမယ့် ရွာသားတွေတော့ ဆက်လက် နေထိုင် နေကြဆဲ ဖြစ်ပါတယ်။

ဘူးသီးတောင် မြို့နယ် တောင်ပိုင်းမှာ တိုက်ပွဲ ရှိမနေ ပေမယ့်လည်း လုံခြုံရေး ဆိုင်ရာ ကြောင့်ကြစိတ်တွေ ကြောင့် ကျောက္ကာတိုင်နဲ့ ငှက်ပျောချောင်း အပါအဝင် ရခိုင်ရွာ တချို့က ကျေးရွာသားတွေ နေရပ် စွန့်ခွာ ထွက်ပြေး ခဲ့ကြ ပါတယ်။

အဲဒီလို ထွက်ပြေး လာသူ အယောက် ၈ဝ လောက် ဟာ ဘူးသီးထောင် မြို့နယ် ထဲက စပါးထား ဆိုတဲ့ ရွာကို ရောက်လာ ကြတယ်လို့ ရွာခံ တစ်ယောက်က ပြောပါတယ်။

ရခိုင်ရွာ အနည်းစု ဖြစ်နေတဲ့ ဒေသတွေမှာ အစိုးရဘက်က လုံခြုံရေး တိုးမြှင့်ချ ပေးတာမျိုး မရှိတဲ့ အတွက် အခုလို ထွက်ပြေး ရတဲ့ အထိ စိုးရိမ်မှုတွေ တိုးမြင့် လာနေတယ် ဆိုတဲ့ ဝေဖန်သံတွေ ထွက်ပေါ် နေပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ