မောင်တောမှာ WY ဆေးပြား ၇ သိန်းနီးပါး ဖမ်းမိ

ရခိုင်ပြည်နယ် မောင်တောမြို့အနီးမှာ WY မူးယစ်ဆေးပြား ၇ သိန်းနီးပါးကို စက်တင်ဘာလ ၁၇ ရက်နေ့က ဖမ်းဆီးရမိစဉ်။ ဓါတ်ပုံ - မောင်တောခရိုင်ရဲတပ်ဖွဲ့
ရခိုင်ပြည်နယ် မောင်တောမြို့နယ် သုံးမိုင်ကျေးရွာမှာ ကာလတန်ဖိုးငွေကျပ် သိန်းပေါင်း ၁ သောင်း ၃ ထောင်ကျော် တန်ဖိုးရှိတဲ့ WY စိတ်ကြွမူးယစ်ဆေးပြားအရေအတွက် ၇ သိန်းနီးပါးကို မောင်တောခရိုင် ရဲတပ်ဖွဲ့က ဒီနေ့ ဖမ်းဆီးရမိခဲ့ပါတယ်။

အဲ့ဒီမူးယစ်ဆေးဝါးတွေကို သဲတင်ကားပေါ်က သဲထဲမှာမြုပ်ထားတာကို စစ်ဆေးတွေ့ရှိခဲ့တာ ဖြစ်တယ် လို့ မောင်တောခရိုင် ရဲတပ်ဖွဲ့မှူး ဒုတိယရဲမှူးကြီး ဉာဏ်ဝင်းဦးက ပြောပါတယ်။

အဲဒီမူးယစ်ဆေးဝါးတွေဟာ သုံးမိုင်ကျေးရွာ အုတ်၊ သဲ၊ ကျောက်ရောင်းဝယ်ရေးကွင်းကနေ လသာကျေးရွာကို သယ်ယူဖို့ ပြင်ဆင်တာ ဖြစ်တယ်လို့ ဒုတိယရဲမှူးကြီး ဥာဏ်ဝင်းဦး က ပြောပါတယ်။

အဲ့ဒီအမှုနဲ့ဆက်နွယ်ပြီး သဲတင်ကားမောင်းသူနဲ့ အုတ်၊ သဲ၊ ကျောက်ရောင်းဝယ်ရေးကွင်း လုပ်ငန်းစာရေး ကို ဖမ်းဆီးထားသလို ကားပိုင်ရှင်နဲ့ ကွင်းပိုင်ရှင်ကို လိုက်လံရှာဖွေနေတယ်လို့လည်း ပြောပါတယ်။

ရခိုင်ပြည်နယ်မှာ ပြီးခဲ့တဲ့ ဇန်နဝါရီလကနေ သြဂုတ်လ ၂၂ ရက်နေ့အထိ စိတ်ကြွဆေးပြား အရေအတွက် သိန်း ၃ဝ ကျော် ဖမ်းဆီးရမိခဲ့ပြီး ဆေးခြောက်နဲ့ အခြားမူးယစ်မှုပေါင်း ၁၂ဝ ကျော်နဲ့ တရားခံပေါင်း ၁၆ဝ ကျော်ကို အရေးယူနိုင်ခဲ့တယ်လို့လည်း သိရပါတယ်။

ဒါ့အပြင် ရသေ့တောင်မြို့နယ် အငူမော်ကမ်းခြေမှာရှိတဲ့ ကုန်တန်းကျေးရွာအနီးမှာ ပြီးခဲ့တဲ့ စက်တင်ဘာလ ၂ ရက်နေ့က WY မူးယစ်ဆေးပြား အလုံးရေ ၂၂ သိန်းကျော်ကို သိမ်းဆည်းရမိခဲ့ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ