လူသတ်ရန်ကြိုးပမ်းမှု နှင့် Rahami စွဲချက်တင်ခံရ

နယူးယောက်မြို့ ဗုံးဖောက်ခွဲမှုအတွက် သံသယဖြစ်ခံထားရသူ အသက် ၂၈ နှစ်အရွယ် Ahmad Rahami
လူ ၂၉ ဦး ထိခိုက်ဒဏ်ရာ ရသွားစေခဲ့တဲ့ နယူးယောက်မြို့ ဗုံးဖောက်ခွဲမှု ပြုလုပ်ခဲ့သူလို့ သံသယဖြစ်ခံထားရသူဟာ ရဲတပ်ဖွဲ့ဝင်တွေနဲ့ အပြန်အလှန် ပစ်ခတ်ရာက ရရှိသွားတဲ့ ဒဏ်ရာတွေကို ဆေးရုံမှာ ဆေးကုသမှု ခံယူနေတာမှာ ပြန်နာလန်ထူလာနေပြီ ဖြစ်ပါတယ်။

ရဲအရာရှိ ၂ ဦး ဒဏ်ရာရသွားခဲ့တဲ့ ရဲနဲ့ အပြန်အလှန် အပြန်အလှန် ပစ်ခတ်မှုကို အခြေခံပြီး လူသတ်ရန် ကြိုးစားမှု ၅ မှုနဲ့ အသက် ၂၈ နှစ်အရွယ် Ahmad Khan Rahami ကို အစိုးရရှေ့နေတွေက စွဲချက် တင်လိုက်ပြီ ဖြစ်ပါတယ်။

အသက် ၂၈ နှစ်အရွယ် Ahmad Rahami ကို ဗုံးဖောက်ခွဲမှုအတွက် စစ်ဆေး မေးမြန်းဖို့ အလိုရှိကြောင်း နယူးယောက် တမြို့လုံး အတိုင်းအတာနဲ့ ရဲတပ်ဖွဲ့က သူ့ဓါတ်ပုံနဲ့တကွ ကြေညာချက် ထုတ်ပြန်အပြီးမှာ Rahami ကို Manhattan နဲ့ မဝေးလှတဲ့ New Jersey ပြည်နယ် Linden မြို့မှာ ရဲတပ်ဖွဲ့က ဖမ်းဆီး ရမိလိုက်တာဖြစ်ပါတယ်။

Linden မြို့က အရက်ဆိုင်ပိုင်ရှင်တဦးက သူ့ဆိုင်တံခါးဝနားမှာ လူတယောက် အိပ်နေကြောင်း ဆိုင်ပိုင်ရှင်က ရဲတပ်ဖွဲ့ကို တနင်္လာနေ့မနက်က တိုင်ကြားခဲ့တာမှာ အဲဒီလူဟာ Rahami ဖြစ်နေတယ်ဆိုတာကို ရဲက သိရှိသွားခဲ့တာ ဖြစ်ပါတယ်။ အဲဒီနောက်မှာတော့ Rahami က သေနတ်နဲ့ ပစ်လိုက်တဲ့အတွက် ရဲတပ်ဖွဲ့ဝင် ၂ ဦး ထိခိုက် ဒဏ်ရာရသွားခဲ့ပြီး သူလည်း ဒဏ်ရာရသွားခဲ့ပါတယ်။ ထိခိုက်ဒဏ်ရာရမှု အားလုံးဟာ အသက်ကို အန္တရာယ်ပြုနိုင်တဲ့ အနေအထားမဟုတ်ဘူးလို့ ဆိုပါတယ်။

Rahami ဟာ ဗုံးဖောက်ခွဲမှုအတွက် သံသယဖြစ်ခံရသူအဖြစ် ဘယ်လို သိရှိသွားတယ်ဆိုတာကိုတော့ FBI ပြည်ထောင်စု စုံစမ်းရေးဗြူရိုက ပြောကြားခြင်း မရှိပါဘူး။ ဒါပေမယ့် ဗုံးပေါက်ကွဲမှု ဖြစ်သွားတဲ့ နေရာတွေအနီးမှာရှိတဲ့ စောင့်ကြည့် ကင်မရာတွေထဲမှာ Rahami ရဲ့ ပုံကို စုံစမ်း စစ်ဆေးသူတွေက အကြိမ်ကြိမ် တွေ့ရှိခဲ့ကြရတယ်လို့ ဆိုပါတယ်။ စုံစမ်း စစ်ဆေးရေးမှူးတွေအနေနဲ့ Rahami ရဲ့ လက်ဗွေရာတွေကို ဗုံးပေါက်ကွဲခဲ့တဲ့ အစအနတွေထဲမှာ တွေ့ခဲ့ရတယ်လို့ ဆိုပါတယ်။

နယူးယောက်မြို့တော်ဝန် Bill de Blasio က Rahami ဟာ လောလောဆယ်တော့ မသင်္ကာရသူ တဦးအနေနဲ့သာ ရှိသေးတယ်လို့ ပြောခဲ့ပါတယ်။ နယူးယောက်မြို့မှာ ရောက်ရှိနေတဲ့ သမ္မတ Barack Obama ကတော့ ဒီစုံစမ်း စစ်ဆေးမှုဟာ တိုးတက်မှုတွေ ရရှိနေပြီး ဖြစ်ရပ်မှန်ကို သိရှိနိုင်ဖို့ အားလုံးက ပူးပေါင်း ဆောင်ရွက်နေတယ်လို့ ပြောခဲ့ပါတယ်။

Rahami ဟာ အာဖဂန်နစ္စတန်နိုင်ငံကနေ အမေရိကန်ပြည်ထောင်စုမှာ ရွေ့ပြောင်းနေထိုင်ပြီး နိုင်ငံသား ခံယူထားသူ ဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ