FIFA U-20 Women's World Cup ကွင်းလယ်ဒိုင်အဖြစ် အာရှတွင် ပထမဆုံးအဖြစ် သိန်းသိန်းအေးရွေးချယ်ခံရ

သိန်းသိန်းအေးဒိုင်အဖြစ်ဆောင်ရွက်နေစဉ် (ဓာတ်ပုံ-- MFF)
    ရန်ကုန်၊ စက်တင်ဘာ ၁၁ ရက် (ဆင်ဟွာ)

    FIFA U-20 Women's World Cup အတွက် ကွင်းလယ်ဒိုင်လူကြီး အဖြစ် ရွေးချယ်ခံရသည့် မြန်မာဒိုင်လူကြီး သိန်းသိန်းအေး သည် အာရှတွင် ပထမဆုံး အရွေးချယ်ခံရသည့် ပထမဦးဆုံး ကွင်းလယ်ဒိုင်ဖြစ်ကြောင်း မြန်မာနိုင်ငံဘောလုံးအဖွဲ့ချုပ်မှ တာဝန်ရှိသူဦးစိုးမိုးက ဆင်ဟွာကိုပြောသည်။

သိန်းသိန်းအေးသည် ၂၀၀၆ ခုနှစ်တွင် ပထမဆုံး နိုင်ငံတကာပြိုင်ပွဲအဖြစ် မလေးရှားနိုင်ငံတွင် ကျင်းပသော U-14 Football Festival အတွက် တာဝန်ထမ်းဆောင်ခဲ့ပြီး နိုင်ငံတကာ ပြိုင်ပွဲပေါင်း ၁၈ခုအထိ တာဝန်ယူကိုင်တွယ်ခဲ့သည်။ မကြာသေးမီက မြန်မာနိုင်ငံတွင် အိမ်ရှင်အဖြစ်ကျင်းပခဲ့သော AFF Women's Championship 2016 ပြိုင်ပွဲတွင်လည်း တာဝန်ယူခဲ့ပြီး အရေးကြီးသော ဆုံးဖြတ်ချက်များကို မှန်ကန်ရဲရင့်စွာ ချမှတ်ပေးနိုင်ခဲ့ကြောင်း သိရသည်။

ဦးစိုးမိုးက “ ဒီလို ကမ္ဘာ့အဆင့်ကွင်းလယ်ဒိုင်ဖြစ်ဖို့ AFC ဒိုင်အနေနဲ့ သူတာဝန်ယူခဲ့စဉ်မှာ အဆင့်ဆင့် အမှတ်ပေးတာတွေရှိတယ်။ ကမ္ဘာ့အဆင့်ကွင်းလယ်ဒိုင်ဖြစ်ဖို့ သူတို့အနေနဲ့ အဆင့်ဆင့်ရွေးချယ်ခဲ့တာဖြစ်တယ်။ အာရှမှာ ပထမဆုံး ရွေးချယ်ခံရတာဖြစ်လို့လည်း အရမ်းဂုဏ်ယူမိတယ်။’’ ဟုပြောသည်။

FIFA U-20 Women's World Cup အတွက် ရွေးချယ်ခံရသည့် မြန်မာဒိုင်လူကြီး သိန်းသိန်းအေးသည် ၂၀၀၅ ခုနှစ်တွင် ဒိုင်လူကြီးအဖြစ် ပြည်တွင်းအမျိုးသမီးဘောလုံးပြိင်ပွဲများတွင် စတင်ကိုင်တွယ်ခဲ့ပြီး ၂၀၀၈ ခုနှစ်တွင် FIFA အသိအမှတ်ပြု ဒိုင်လူကြီး ဖြစ်ခဲ့သည်။ ၂၀၀၅ ခုနှစ်မှ စတင်ကာ ပြည်တွင်းပြိုင်ပွဲများဖြစ်သော အမျိုးသမီး ယူ၁၆ ဘောလုံးပြိုင်ပွဲများ၊ အမျိုးသမီး ယူ ၁၉ ဘောလုံးပြိုင်ပွဲများ၊ ပြည်နယ်နှင့်တိုင်း အမျိုးသမီးဘောလုံးပြိုင်ပွဲများ ၊ဝန်ကြီးဌာနပေါင်းစုံ အမျိုးသမီးဘောလုံးပြိုင်ပွဲများကို ကိုင်တွယ်ခဲ့သည်။ အမျိုးသားပြိုင်ပွဲများအနေဖြင့် လူငယ်ပြိုင်ပွဲများ၊ ခြေစမ်းပွဲများကို ကိုင်တွယ်ခဲ့ကြောင်း မြန်မာနိုင်ငံဘောလုံးအဖွဲ့ချုပ်မှ ထုတ်ပြန်ခဲ့သည်။

(Xinhua)
http://www.xinhuamyanmar.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ