ဖိလစ်ပိုင် မူးယစ်ရောင်းဝယ်သူများ သတ်ဖြတ်ခံရမှု ကုလနဲ့ EU ကို စုံစမ်းခွင့်ပေးမည်

ဖိလစ်ပိုင်သမ္မတ Rodrigo Duterte
ဖိလစ်ပိုင်နိုင်ငံမှာ မူးယစ်ဆေးဝါး မှောင်ခိုရောင်းဝယ်သူတွေကို သတ်ဖြတ် နှိမ်နင်းတာနဲ့ပတ်သက်ပြီး စုံစမ်းစစ်ဆေးဖို့ ကုလသမဂ္ဂ နဲ့ ဥရောပသမဂ္ဂ EU တာဝန်ရှိသူတွေကို ဖိတ်ခေါ်မယ်လို့ သမ္မတ Rodrigo Duterte က ပြောလိုက်ပါတယ်။ အဲဒီကိစ္စအပေါ် အမေရိကန်နဲ့ တခြားနိုင်ငံတွေက စိုးရိမ်နေကြတာပါ။

ကြာသပတေးနေ့က မနီလာမြို့တော်မှာပြောတဲ့မိန့်ခွန်းထဲ သမ္မတ Duterte က အဲဒီလိုကမ်းလှမ်းသွားတာဖြစ်ပြီး သူ့ရဲ့ နှိမ်နင်း ဖြိုခွဲမှုအပေါ် ဝေဖန်သူတွေကိုလည်း တုန့်ပြန်ပြောဆိုပါတယ်။ ကုလသမဂ္ဂနဲ့ EU တာဝန်ရှိသူတွေက သူ့ရဲ့ဖိတ်ကြားချက်ကို လက်ခံတယ်ဆိုရင် လူ့အခွင့်အရေးကိစ္စတွေနဲ့ပတ်သက်ပြီး သူ့အနေနဲ့လည်း လူသိရှင်ကြား မေးမြန်းမှာဖြစ်တယ်လို့ ဆိုပါတယ်။

ပြီးခဲ့တဲ့ ဇွန်လ ၃၀ ရက်နေ့မှာ သမ္မတဖြစ်လာပြီးကတည်းက စလုပ်ခဲ့တဲ့ မူးယစ်ဆေးဝါးနှိမ်နင်းရေးအတွင်း မူးယစ်ဆေးဝါး ရောင်း ၀ယ်သူနဲ့ သုံးစွဲသူ ၃ ထောင်လောက်ကို သတ်ခဲ့ပြီးပါပြီ။

ပြီးခဲ့တဲ့လက လာအုိုနိုင်ငံမှာ ထိပ်သီးအစည်းအဝေး ကျင်းပချိန်အတွင်း သမ္မတ Duterte က သမ္မတ ဘရာ့ခ် အိုဘားမားရဲ့ မိခင်ကို ပုတ်ခတ်စော်ကားတဲ့စကားမျိုး ပြောခဲ့ပြီးတဲ့နောက် သမ္မတနှစ်ဦး တွေ့ဆုံမယ့်အစီအစဉ်ကို အမေရိကန်က ဖျက်ခဲ့ပါတယ်။ မူးယစ်ဆေးဝါးနှိမ်နင်းရေး သူ့အစိုးရရဲ့လုပ်ရပ်အပေါ် ဆရာမလုပ်ဖို့လည်း သမ္မတ Duterte က သမ္မတအိုဘားမားကို သတိပေးခဲ့ ပါတယ် နောက်ပိုင်းမှာတော့ သူ့ရဲ့ ပြောဆိုမှုအပေါ် စိတ်မကောင်းတဲ့အကြောင်း သမ္မတ Duterte က ပြန်ပြောခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com
ဖိလစ်ပိုင် မူးယစ်ရောင်းဝယ်သူများ သတ်ဖြတ်ခံရမှု ကုလနဲ့ EU ကို စုံစမ်းခွင့်ပေးမည် ဖိလစ်ပိုင် မူးယစ်ရောင်းဝယ်သူများ သတ်ဖြတ်ခံရမှု ကုလနဲ့ EU ကို စုံစမ်းခွင့်ပေးမည် Reviewed by THITHTOOLWIN on 21:19 Rating: 5
Powered by Blogger.