ဖိလစ်ပိုင်နဲ့ ကန် ပူးတွဲစစ်ရေးလေ့ကျင့်မှု ရပ်တန့်ဖို့ Duterte ဆုံးဖြတ်


အမေရိကန် ပြည်ထောင်စုနဲ့ ဖိလစ်ပိုင်နိုင်ငံတို့အကြား လာမယ့် သီတင်းပါတ်အတွင်း ပူးတွဲ စစ်ရေး လေ့ကျင့်ဖို့ စီစဉ်ထားတာဟာ ၂ နိုင်ငံကြား နောက်ဆုံး ပူးတွဲလေ့ကျင့်မှု ဖြစ်ကြောင်း ဖိလစ်ပိုင်သမ္မတ Rodrigo Duterte ကပြောကြားလိုက်ပါတယ်။

ဖိလစ်ပိုင်နိုင်ငံအနေနဲ့ သူတို့ရဲ့ လက်ရှိ လုံခြုံရေး သဘောတူညီမှုတွေကို လေးစားမှာ ဖြစ်ပေမယ့် တောင်တရုတ်ပင်လယ်ထဲ အမေရိကန်နဲ့ ပူးတွဲ ကင်းလှည့်တာတွေကို လုပ်ဆောင်တော့မှာ မဟုတ်ဖူးလို့ ပြောပါတယ်။ ဒါဟာ အမေရိကန်နဲ့ တရုတ် အစိုးရတို့ကြား ပဋိပက္ခ တစုံတရာ ဖြစ်စေတာမျိုးကို ရှောင်ရှားနိုင်ဖို့ လို့လည်း ပြောပါတယ်။

နှစ်စဉ်ပြုလုပ်တဲ့ Amphibious landing ပူးတွဲ လေ့ကျင့်ရေးဖြစ်တဲ့ ရေတပ်သင်္ဘောတွေနဲ့ ဝေဟင် မြေပြင် ကမ်းတက်တိုက်ပွဲအတွက် လေ့ကျင့်မှုတွေကို အောက်တိုဘာလ ၄ ရက် အင်္ဂါနေ့မှာ စတင်မှာ ဖြစ်ပါတယ်။ ၉ ရက်ကြာလေ့ကျင့်မှုကို ဖိလစ်ပိုင်နိုင်ငံ Luzon ကျွန်းမကြီးရဲ့ တောင်ပိုင်းမှာ ပြုလုပ်မှာ ဖြစ်ပါတယ်။

ဖိလစ်ပိုင်နိုင်ငံ အနေနဲ့ လက်ရှိမှာ တရုတ်နိုင်ငံနဲ့ နယ်မြေပိုင်ဆိုင်မှု အငြင်းပွါးနေတဲ့ ကိစ္စတွေ ပိုပြီး မဆိုးလာစေဖို့ ကာကွယ်တဲ့ အနေနဲ့ နောင်မှာ တောင်တရုတ်ပင်လယ်ပြင်ထဲ လာမယ့် အမေရိကန် ဦးဆောင်တဲ့ လှည့်ကင်းတွေကို မောင်းထုတ်မှာ ဖြစ်ကြောင်းလည်း ပြောပါတယ်။ ဒါပေမယ့်လည်း သူ့အစိုးရဟာ ဒေသတွင်း ကိုယ့်ရဲ့နယ်မြေ ပိုင်ဆိုင်ခွင့်အတွက် ရအောင်လုပ်ဖို့် နှောင့်နှေးနေတယ် ဆိုတဲ့ ပြောကြားချက်ကိုတော့ ငြင်းဆိုပါတယ်။

ဒီလ အစောပိုင်းတုန်းကတော့ ဖိလစ်ပိုင်တောင်ပိုင်းမှာ ချထားတဲ့ အမေရိကန် အထူးတပ်တွေကို ပြန်ရုတ်သိမ်းဖို့ Duterte က အမေရိကန် အစိုးရကို တောင်းဆိုခဲ့ပါတယ်။ အဲဒီဒေသမှာ မူစလင် အစွန်းရောက်တပ်ဖွဲ့တွေကို တိုက်ခိုက်နေတဲ့ ဒေသခံတပ်တွေကို အမေရိကန် တပ်ဖွဲ့တွေက အကြံပေးနေတာဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ