နယ်စပ်က ဒုက္ခသည် ပြည်တွင်းက ဒုက္ခသည်

ကချင်ပြည်နယ်တွင်း က စစ်ဘေးရှောင် ဒုက္ခသည် တွေ
ကုလသမဂ္ဂ က ကြီးမှူးကျင်းပတဲ့ ဒုက္ခသည်များနဲ့ ရွှေ့ပြောင်း ဝင်ရောက်သူများဆိုင်ရာ ထိပ်သီးညီလာခံ ကျင်းပဖို့ နီးလာတဲ့အချိန်မှာပဲ ကချင်ဒုက္ခသည်အရေး ကိုကူညီစောင့်ရှောက်ပေး နေတဲ့ နိုင်ငံတကာ အဖွဲ့အစည်းတွေ အနေနဲ့ အကန့်အသတ်တွေနဲ့ ကြုံနေရပါတယ်။

ကချင်ပြည်နယ်တွင်းမှာ ရှိတဲ့ ဒုက္ခသည်တွေ ရဲ့အရေး ကို ကူညီဆောင်ရွက်ပေးနေတဲ့ ငြိမ်းဖောင်ဒေးရှင်း က ကို အက်စ ဂျွန်မိုင် က အရင်က နိုင်ငံတကာ အန်ဂျီအိုတွေ အနေနဲ့ မြစ်ကြီးနား၊ဝိုင်းမော်စတဲ့ မြို့နယ်တွေမှာ ရှိနေတဲ့ ပြည်တွင်း ဒုက္ခသည်စခန်းတွေ ကို လွတ်လွတ်လပ်လပ် သွားလာခွင့် ရှိခဲ့ပေမယ့် အခုအခါမှာတော့ သွားလာနိုင်ရေး ခွင့်ပြုချက်ရဖို့ တလကျော်ကြာ စောင့်ဆိုင်းနေရကြောင်း ဘီဘီစီ ကို ပြောပြပါတယ်။

ကချင်ပြည်နယ်တွင်းမှာပင် ဒုက္ခသည်ပေါင်း တသိန်း နှစ်သောင်းကျော် ရှိနေတယ်လို့ အကူအညီပေးရေးအဖွဲ့တွေ က ပြောနေကြပြီး အခြားပြည်နယ်တွေမှာလည်း စစ်ဘေးရှောင် ဒုက္ခသည်တွေ ရှိနေပါတယ်။

ဒီဒုက္ခသည်တွေအနေနဲ့ အခြေခံစားဝတ်နေရေး လိုအပ်ချက် တွေ ကိုပင်လျှင် ရရှိနိုင်ရေး ခက်ခဲနေတယ်လို့ သူတို့အရေးကို ကူညီဆောင်ရွက်ပေးနေသူတွေ က ပြောပါတယ်။

မြန်မာအစိုးရ စစ်တပ်နဲ့ ကချင်လက်နက်ကိုင်အဖွဲ့ ကေအိုင်အေ တို့အကြား တိုက်ပွဲတွေ စပြီးပြန်ဖြစ်ခဲ့တဲ့ ၂၀၁၁ ခုနှစ်က စပြီး စစ်ဘေးရှောင်ဒုက္ခသည် စခန်းတွေမှာ သူတို့နေနေကြရတာမို့ အခုဆိုရင် ၅နှစ်ကျော် ကြာလာပါပြီ။

ထိုင်းမြန်မာနယ်စပ်တလျှောက် က ဒုက္ခသည် စခန်းတွေမှာ လည်း နောက်ထပ် ဒုက္ခသည် တသိန်းကျော် ခိုလှုံနေရပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ