မြန်မာစစ်တပ်အတွင်း မြောက် ကိုးရီးယားနဲ့ ဆက်သွယ်သူတွေ ရှိနိုင်သေးဟု ကန် ပြောကြား

၆၇ နှစ်မြောက် လွတ်လပ်ရေးနေ့အတွက် ဗိုလ်ရှုခံအခမ်းအနားကို နေပြည်တော်မှာပြုလုပ်စဉ်။ Photo: Myo Thant Khaing/RFA
မြန်မာတပ်မတော်အတွင်းက လူတချို့နဲ့ မြောက်ကိုးရီးယားနိုင်ငံအကြား စစ်ရေးအဆက်အသွယ်တွေ ဆက်လက် ရှိနေနိုင်တယ်လို့ အမေရိကန် ထိပ်တန်းအရာရှိတစ်ဦးက ပြောပါတယ်။

နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်နဲ့ အမေရိကန် သမ္မတ အိုဘားမားတို့ စက်တင်ဘာလ ၁၄ ရက်နေ့ အိမ်ဖြူတော်မှာ တွေ့ဆုံခဲ့စဉ်က အရင်မြန်မာအစိုးရလက်ထက်မှာ မြောက်ကိုးရီးယားနဲ့ ဆက်သွယ်ခဲ့တဲ့ လူဟောင်းလက်ကျန် တချို့ဟာ အခုလည်း ဆက်လက်လှုပ်ရှားနေတယ်လို့ အမေရိကန်ပြည်ထောင်စုက ယူဆကြောင်းနဲ့ အဲဒီ လူတွေကို ရှာဖွေဖယ်ရှားဖို့ အထူးအရေးကြီးကြောင်း ပြောဆိုခဲ့တယ်လို့ အမေရိကန် လက်ထောက် နိုင်ငံခြားရေးဝန်ကြီး ဒန်နီယယ် ရပ်ဆဲလ် Daniel Russel က ဗုဒ္ဓဟူးနေ့ ကျင်းပတဲ့ အထက် လွှတ်တော် ကြားနာပွဲမှာ ပြောကြားခဲ့ပါတယ်။

မြန်မာစစ်အစိုးရကို နိုင်ငံတကာ ပိတ်ဆို့မှုတွေပြုလုပ်ခဲ့စဉ်က ကာကွယ်ရေးပစ္စည်းတွေကို မြောက်ကိုရီးယားက ဝယ်ယူခဲ့ပါတယ်။ မြန်မာအစိုးရနဲ့ မြန်မာ့တပ်မတော်အနေနဲ့ မိမိတို့ အမေရိကန်ပြည်ထောင်စုနဲ့ ပုံမှန်ဆက်ဆံမှု ထူထောင်လိုတယ်ဆိုရင် မြောက်ကိုရီးယားကို အဆက်ဖြတ်ဖို့အတွက် အဲဒီလူဟောင်းလက်ကျန်တွေကို ရှင်းပြစ်ဖို့ လိုတယ်လို့ အမေရိကန် လက်ထောက်နိုင်ငံခြားရေးဝန်ကြီး ဒန်နီယယ် ရပ်ဆယ်လ် က ကြားနာပွဲမှာ ပြောပါတယ်။

ဒီအတောအတွင်း အမေရိကန် ကာကွယ်ရေးဝန်ကြီး Ashton Carter အက်ခ်ျတွန် ကာတာက အမေရိ ကန်ပြည်ထောင်စုဟာ အာရှဒေသအတွင်း တရုတ်ပြည်ရဲ့ အင်အားချဲ့ထွင်မှုကို ချိန်ခွင်လျှာမျှဖို့ အတွက် မြန်မာ၊ ဗီယက်နမ်နဲ့ လာအိုနိုင်ငံတွေနဲ့ ဆက်ဆံရေးကို တိုးမြှင့်ခဲ့ကြောင်း မနေ့က ထုတ်ဖေါ်ပြောကြားခဲ့ပါတယ်။

ထပ်မံရရှိတဲ့ နောက်ဆုံးသတင်းတစ်ပုဒ်အရ အမေရိကန် နိုင်ငံခြားရေးဝန်ကြီးဌာန နိုင်ငံတကာ အလုပ်သမားရေး ရာ အထူးကိုယ်စားလှယ် Sarah Fox ဟာ မြန်မာနဲ့ ကမ္ဘောဒီးယားကို အောက်တိုဘာ ၅ ရက်နေ့အတွင်း သွားရောက်မှာဖြစ်ပါတယ်။ အဲဒီ အထူးကိုယ်စားလှယ် Sarah Fox ဟာ အမေရိကန်ပြည်ထောင်စု၊ ဂျပန်၊ ဒိန်းမတ်၊ ဥရောပနိုင်ငံများအဖွဲ့နဲ့ နိုင်ငံတကာအလုပ်သမားအဖွဲ့ ILO တို့ပူးပေါင်းပြီး မြန်မာနိုင်ငံရဲ့ အလုပ်သမား အခွင့်အရေး ပိုမိုမြင့်မားရေး အစပျိုးဖို့အတွက် မြန်မာအစိုးရတာဝန်ရှိသူတွေ အလုပ်သမားအဖွဲ့အစည်းတွေ လုပ်ငန်းရှင်တွေ နဲ့ တွေ့ဆုံမယ်လို့ အမေရိကန် နိုင်ငံခြားရေးဝန်ကြီးဌာနက ကြာသပတေးနေ့စွဲနဲ့ ကြေညာလိုက်ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ