သန်လျင်မြို့နယ်၊ အုတ်ဖိုစုဘူတာအနီးတွင် မီးရထားနှင့် မော်တော်ယာဉ်တို့ တိုက်မိ


ရန်ကုန်၊ စက်တင်ဘာ ၁၈

၁၈.၉.၂၀၁၆ ရက်နေ့ ၀၉၄၅ အချိန်တွင် သန်လျင်မြို့နယ်၊ အုတ်ဖိုစုရပ်ကွက်၊ အုတ်ဖိုစုဘူတာအနီးတွင် မီးရထားနှင့် မော်တော်ယာဉ်တို့ တိုက်မိမှုဖြစ်ပွားကြောင်းသတင်းအရ သန်လျင်မြို့မရဲစခန်းမှတပ်ဖွဲ့ဝင်များက သွားရောက်စစ်ဆေးခဲ့ပါသည်။


အဆိုပါနေရာတွင် ၀၈၃၀ အချိန်ခန့်၌ ရန်ကုန်ဘက်မှ ရန်ကုန်အရှေ့ပိုင်း တက္ကသိုလ်(တာဝ)သို့ ညောင်ရမ်း ၁ အဆန်၊ မြို့ပတ်ရထားမှမောင်းနှင်လာစဉ် အုတ်ဖိုစုရပ်ကွက်၊ သနပ္ပင်ကျေးရွာလမ်းရှိ မီးရထားလမ်းနှင့်
ကားလမ်းအကူးနေရာအရောက်တွင် အုတ်ဖိုစုရပ်ကွက်ဘက်မှ သနပ္ပင်ကျေးရွာဘက်သို့ သန်လျင်မြို့နယ်နေ ယာဉ်မောင်း ဟိန်းဇာနည်အောင်၊ (၂၉)နှစ်မောင်းနှင်လာသည့် 3E---- TOYOTA Vitz ယာဉ်မှာ ရထား
လမ်းအား ဖြတ်သန်းမောင်းနှင်စဉ် ရထား၏၀ဲဘက်ခေါင်းပိုင်းနှင့် တိုက်မိခဲ့ခြင်းဖြစ်ပြီး ယာဉ်ပျက်စီးခဲ့သော်လည်း လူထိခိုက်ဒဏ်ရာရရှိမှုမရှိကြောင်း သိရှိရပါသည်။

ယင်းသို့ ဖြစ်ပွားခဲ့သဖြင့် ဟိန်းဇာနည်အောင်အား သင်္ဃန်းကျွန်းမြို့နယ်ရှိ ရထားရဲတပ်ဖွဲ့စခန်းတွင် (ပ)၅/၂၀၁၆၊ ရထားပို့ဆောင်ရေးလုပ်ငန်းဥပဒေ ပုဒ်မ-၈၅ ဖြင့် အရေးယူဆောင်ရွက်လျက်ရှိကြောင်း သတင်းရရှိပါသည်။

Yangon Police
https://www.facebook.com/yangonpolice

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ