မန္တလေးတွင် လေလွင့်ကလေးပပျောက်ရေး အောက်တိုဘာလမှ စတင်လုပ်ဆောင်မည်

မန္တလေးတွင် လမ်းပေါ်နေကလေးများက လမ်းဆုံများတွင် တောင်းရမ်းမှုများ လုပ်ဆောင်နေသဖြင့် ယင်းကလေးငယ်များအား ထိန်းသိမ်းပြီးနောက်ကွယ်မှ ကြိုးကိုင်နေသူများအား ဖော်ထုတ်အရေးယူ ဆောင်ရွက်မည်ဖြစ်ကြောင်း မြို့တော်စည်ပင်သန့်ရှင်းရေးဌာနမှ ဦးစိုးတင့်အောင်က ပြောသည်။

''ရပ်ကွက်တွေက အပိုင်းလိုက် ပူးပေါင်းပါဝင်ပြီး သတင်းပေးဖို့ လိုပါတယ်။ မြို့တော်စည်ပင်အနေနဲ့ ကလေးငယ်များကိုထိန်းသိမ်းပြီး လူမှုဝန်ထမ်းဦးစီးဌာနကို ပို့ပေးမယ်။ နောက်ကွယ်ကကြိုးကိုင်သူတွေကို ဖော်ထုတ်ရာမှာ မြို့နေလူထုနဲ့ ရဲတပ်ဖွဲ့ကလည်း ပူးပေါင်းပါဝင်ကြရမှာ ပါ''ဟု ၎င်းက ပြောသည်။

''ကလေးတွေကို စေတနာနဲ့ အလှူငွေပေးလိုက်တော့ ဒီငွေနဲ့ကော်ရှူကြတယ်။ အလုပ်လုပ်ချင်စိတ်ပျောက် သွားရင်သူတို့ကိုချစ်ရာမရောက်ဘဲ နှစ်ရာရောက်တယ်။ ပေးကမ်းစွန့်ကြဲတာတွေ မလုပ်ဘဲကလေးတွေ
နဲ့ရင်းနှီးအောင်လုပ်ပြီး ခိုင်းစေတဲ့သူတွေကို အမိအရ ဖမ်းဆီး အရေးယူဖို့လိုပါတယ်''ဟု လူမှုဝန်ထမ်းဦးစီးဌာန ညွှန်ကြားရေးမှူးချုပ် ဦးစိုးကြည်က ပြောသည်။

ယင်းကဲ့သို့ဆောင်ရွက်ရန် မန္တလေး ၆ မြို့နယ်တွင် အများဆုံးတောင်းရမ်း စုဝေးတတ်သည့်နေရာများတွင် ကလေးငယ်များအား ခိုင်းစေသူများအား အရေးယူနိုင်သည့် ပြစ်ဒဏ်များနှင့် ပညာပေးစာသားများရေးသား
ဖော်ပြထားသည့် ဗီနိုင်းများချိတ်ဆွဲခြင်း၊ MobileTeam အဖွဲ့များဖြင့် ရပ်ကွက်အုပ်ချုပ်ရေးမှူးများ အကူအညီဖြင့် ကလေးမိဘများနှင့် တွေ့ဆုံအသိပညာပေးခြင်းများ ဆောင်ရွက်သွားမည်ဖြစ်သည်။

''အဲဒီကလေးတွေကို စည်ပင်သန့်ရှင်းရေးဌာနက ထိန်းသိမ်းခေါ်ဆောင်လာပြီး လူမှုဝန်ထမ်းကျောင်း အသီးသီးကို ပို့ပေးမယ်။ ကလေးတွေရဲ့ မိဘတွေနဲ့ တွေ့ဆုံပြီး အမျိုးသမီးရေးရာ၊ မိခင်နဲ့ ကလေးစောင့်ရှောက် ရေးအဖွဲ့များက ပညာပေးဆွေးနွေးမှုတွေလုပ်မှာပါ''ဟု ယင်းဌာနတိုင်းဒေသကြီးဦးစီးမှူးဦးကျော်ဝင်းက ပြောသည်။

မန္တလေးမြို့တွင် ဘူတာကြီး၊ ၂၆ လမ်းနှင့် လမ်း ၈၀ ထောင့်၊ ၂၆-လမ်း ထ ၆၆ ထောင့်၊ ၃၅-လမ်း × လမ်း ၈၀၊ ၂၆-လမ်း × လမ်း ၈၀ တို့တွင် လမ်းပေါ်နေ ကလေးများကို အများအားဖြင့် တွေ့ရှိရကြောင်း၊ World Vision က ၂၀၁၃ မှ ၂၀၁၆ ထိကောက်ယူခဲ့သည့် စာရင်းများအရ သုံးနှစ်အတွင်း လမ်းပေါ် နေကလေး ၅၇ ယောက်ကို ထိန်းသိမ်းခဲ့ပြီး ၂၂ ယောက်အား ကျောင်းပညာသင်ကြားပေးခဲ့ကြောင်း သိရသည်။

ခိုင်ဆက်ဝေ
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/