အသံချဲ့စက်ကြိုးအား ဆွဲဖြုတ်သည့် နယ်သာလန် နိုင်ငံသားကို ပထမဆုံးအကြိမ်ရုံးထုတ်


မန္တလေး၊ စက်တင်ဘာ ၂၈။

မန္တလေးမြို့ မဟာအောင်မြေမြို့နယ် တမာကုန်း ရပ်ကွက်ရှိ သုစရိတဓမ္မရုံတွင်မှ အသံချဲ့စက် ဖွင့်ထားသည့်ကြိုးအား ဆွဲဖြုတ်သည့် နယ်သာလန် နိုင်ငံသား Mr.Klaas Haijtema အား စက်တင်ဘာလ ၂၈ ရက်နေ့ က မဟာအောင်မြေမြို့နယ် တရားရုံးတွင် ပထမဆုံးအကြိမ် ရုံးထုတ်စစ်ဆေးခဲ့သည်။

ယင်းနိုင်ငံသားအား သာသနာတော် ညှိုးနွမ်းစေမှု ပုဒ်မ ၂၉၅၊ လဝက အက်ဥပဒေပုဒ်မ ၄(၂) / ၁၃ (၁) တို့ဖြင့် အမှုဖွင့်ထားခဲ့သည် ။

"ကျွန်တော်တောင်းပန်ပါတယ်။ ဘာသာရေး အဆောက်အအုံမှန်း မသိတဲ့အတွက် ဒီလိုလုပ်လိုက်ရတာ ဖြစ်တယ်။ ကျွန်တော်ပင်ပန်းပြီး ဟိုတယ်မှာ အိပ်နေတာ ဆူနေလို့ အိပ်မပျော်ဘူး။ အဲ့ဒီနားက ကလေးတွေမေးတော့ နားမလည်ကြဘူး ။ ဒါ့ကြောင့်ဆွဲဖြုတ်လိုက်တာပါ"ဟု Mr . Klaas Haijtema က တရားရုံးတွင် ထွက်ဆိုခဲ့သည် ။

မဟာအောင်မြေတရားသူကြီးမှ ယင်းအမှုအား အမြန်ပြီးပြတ်စေရန်အတွက် စက်တင်ဘာလ ၂၉ ရက်နေ့တွင် ထပ်မံချိန်းဆိုပေးခဲ့သည်။ ထို့အပြင် နယ်သာလန်နိုင်ငံသား Mr . Klaas Haijtemaမှ လည်း အမှုအား အမြန်ပြီးချင်ကြောင်း ပြောသည်။

ဓာတ်ပုံ-နိုင်လင်းဦး
Central News Myanmar
https://www.facebook.com/CNMyanmar/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ