ဆီးရီးယားမှာ ဆက်တိုက် ဗုံးခွဲ၊ ၄၀ ကျော် သေဆုံး

 တာ့တပ်စ်မြို့မှာ ဗုံးခွဲ တိုက်ခိုက်မှု ၂ ကြိမ် ဆက်တိုက် ဖြစ်ပွား။
ဆီးရီးယား နိုင်ငံမှာ ဒီကနေ့ တနင်္လာနေ့က အစိုးရ ထိန်းချုပ်တဲ့ နယ်မြေတွေမှာ ဗုံးခွဲ တိုက်ခိုက်မှု ၄ ကြိမ်နဲ့ ကာဒစ်ရှ် ထိန်းချုပ်တဲ့ မြို့မှာ ဗုံးခွဲမှု တစ်ကြိမ် ဆက်တိုက် ဖြစ်ပွားခဲ့လို့ အနည်းဆုံး လူ ၄၀ သေဆုံးတယ်လို့ ဆီးရီးယား အစိုးရ သတင်းဌာနက ကြေညာပါတယ်။

ဒမတ်စကတ်၊ ဟုမ်းစ်၊ တာ့တပ်စ်နဲ့ ဟာဆာကာ မြို့တွေမှာ တစ်နာရီ အတွင်း ဆက်တိုက် ဗုံးခွဲမှုတွေ ပေါ်ပေါက် ခဲ့တာပါ။ အဲဒီ တိုက်ခိုက်မှုတွေ အချင်းချင်း အချိတ်အဆက် ရှိသလား ဆိုတာတော့ မကွဲပြားပါဘူး။

မြေထဲပင်လယ် ကမ်းခြေက ရုရှား ရေတပ် စခန်းရှိရာ တာ့တပ်စ် မြို့က နှစ်ကြိမ်ဆက် ဗုံးခွဲမှုကတော့ အသေအပျောက် အများဆုံး ဖြစ်ပြီး လူ ၃၀ လောက် သေဆုံးကာ ၄၅ ယောက် ဒဏ်ရာ ရခဲ့ပါတယ်။

ဟုမ်းစ်မြို့က စစ်ဆေးရေး ဂိတ်မှာ ဖြစ်ခဲ့တဲ့ ဗုံးခွဲ တိုက်ခိုက်မှုမှာ စစ်သား ၂ ဦး သေဆုံးပြီး ကာဒစ်ရှ် တပ်ဖွဲ့တွေ အခြေစိုက်တဲ့ ဟာဆာကာ မြို့မှာတော့ ၅ ယောက် သေဆုံးပါတယ်။

ဟာဆာကာ မြို့က တိုက်ခိုက်မှုကိုတော့ IS အစ္စလာမ္မစ် နိုင်ငံအဖွဲ့က သူတို့ လက်ချက်လို့ ပြောပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ