ကျူးကျော်စာရင်းကောက်ယူမှု ယာယီရပ်ဆိုင်းထား

ကျူးကျော်စာရင်းကောက်ယူနေကြစဉ်။ ဓာတ်ပုံ-ဟံသာဟိန်း
ရန်ကုန်၊စက်တင်ဘာ ၁၂။

ရန်ကုန်တိုင်းဒေသကြီးအတွင်း ကျူးကျော်စာရင်းကောက်ယူနေမှုကို နည်းပညာလိုအပ်ချက်များရှိနေခြင်းကြောင့် ယာယီရပ်ဆိုင်းထားကြောင်း ရန်ကုန်တိုင်းဒေသကြီး အစိုးရအဖွဲ့ထံမှ သိရှိရသည်။

ကျူးကျော်စာရင်းများကောက်ယူရာတွင် ဒဂုံမြို့သစ်(တောင်ပိုင်း)မြို့နယ်အား စက်တင်ဘာလပထမအပတ်က စတင် ကောက်ယူခဲ့သော်လည်း နည်းပညာလိုအပ်ချက်ကြောင့် ယာယီပြန်လည်ရပ်နားခဲ့ရကြောင်း ရန်ကုန်တိုင်းဒေသကြီးအစိုးရအဖွဲ့မှတာဝန်ရှိသူတစ်ဦးက ပြောကြားသည်။

''လက်ဗွေစနစ်၊မျက်လုံးအမှတ်အသားစနစ်နဲ့ အခြားအချက်အလက်တွေကို ကွန်ပျူတာစနစ်နဲ့ကောက်ယူတယ်။ကျူးကျော်စာရင်းကောက်ယူတဲ့နေရာမှာ ဆော့ဝဲလ်ပိုင်းလိုအပ်ချက်တွေရှိနေတဲ့အတွက် ယာယီရပ်ဆိုင်းထားပါတယ်။နည်းပညာဆိုင်ရာ လိုအပ်ချက်တွေ ဆောင်ရွက်ပြီး ပြန်လည်ကောက်ယူသွားမှာပါ'' ဟု ၄င်းကဆိုသည်။

ဒဂုံမြို့သစ်(တောင်ပိုင်း)မြို့နယ်တွင် ရပ်ကွက် ၂၀ ရှိ ကျူးကျော်စာရင်းများကို ကောက်ယူရန် စီစဉ်ထားသော်လည်း ဆော့ဝဲပိုင်းလိုအပ်ချက်ကြောင့် ၁၂ဦးသာ ကောက်ယူနိုင်ခဲ့ကြောင်း ကျူးကျော်စာရင်းများကောက်ယူမှုအဖွဲ့ထံမှ သိရှိရသည်။

ကျူးကျော်စာရင်းများကောက်ခံမည့် အဖွဲ့ကို ဇွန်လဆန်းတွင် စတင်ဖွဲ့စည်းခဲ့ပြီး ယင်းအဖွဲ့တွင် မြို့နယ်အထွေအထွေအုပ်ချုပ်ရေးမှူးမှဦးဆောင်ကာ မြို့နယ်စည်ပင်သာယာအုပ်ချုပ်ရေးမှူး၊ကြေးတိုင်နှင့် မြေစာရင်းဦးစီးဌာန၊လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာန၊လွှတ်တော်ကိုယ်စားလှယ်များနှင့် ရပ်ကွက်ကျေးရွာအုပ်ချုပ်ရေးမှူးများဖြင့် ဖွဲ့စည်းထားကြောင်း သိရှိရသည်။

ရန်ကုန်တိုင်းဒေသကြီး ခရိုင်လေးခုအတွင်း တရားမ၀င်နေထိုင်သည့် ကျူးကျော်အိမ်ခြေ ၁၀၅၄၄၉ ရှိပြီး အိမ်ထောင်စု ၁၆၇၇၃၈ ရှိကာ ကျူးကျော်နေထိုင်သူဦးရေ ၄၃၁၀၅၀ခန့်ရှိကြောင်း သိရှိရသည်။

ဟံသာဟိန်း
Central News Myanmar
https://www.facebook.com/CNMyanmar

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ