ဖါးကန့်မှာ ရေကြီး

ဥရုချောင်းရေကြီးလို့ ဖားကန့်မြို့ မရှီကထောင်ကြိုးတံတား နစ်မြုပ်နေမှုကို ၂ဝ၁၅ ခုနှစ် ဇူလိုင်လ ၄ ရက်နေ့က တွေ့ရစဉ်။ Photo - U Tin Soe ( Pharkant Resident )
ကချင်ပြည်နယ် ဖားကန့်မြို့နယ်မှာ အခုရက်ပိုင်းအတွင်း မိုးဆက်တိုက်ရွာလို့ ဥရုချောင်းရေကြီးပြီး ဒီကနေ့မှာ ဖားကန့်မြို့ပေါ်က ရပ်ကွက်တချို့ ရေနစ်မြုပ်နေပါတယ်။

အခုနှစ်မိုးရာသီအတွက် ဖားကန့်မြို့မှာ ရေအများဆုံးတက်လာတာဖြစ်တယ်လို့ ဖားကန့်မြို့ခံ ဦးဟန်မြင့် ကပြောပါတယ်။

"လက်ရှိအချိန်မှာကတော့ ကြိုးတံတားကတော့ ပျက်စီးတဲ့အထိ မရောက်သေးဘူးပေါ့၊ ကတ္တရာ လမ်းပေါ်တော့ ၆ လက်မ၊ ၇ လက်မလောက် ရောက်သွားပြီ၊ ဒီနှစ်မိုးတွင်းရဲ့ ရေအကြီးဆုံးစံချိန်ကတော့ ဒါစံချိန်ချိုးနေတာပဲလေ၊ ခုလည်း တက်နေတုန်းပဲ၊ နောက်ထပ်လည်း တက်ဖို့အလားအလာ ရှိသေး တယ်လေ၊ မိုးက မပြတ်ဘူးလေ၊ ခု ကျွန်တော်တို့ ရပ်ကွက်ကတော့ ခုနကတော့ ဥက္ကဌကတော့ သူ့လှေလေးနဲ့ လိုက်ပတ်ပြီးတော့ အခြေအနေကို အကဲခတ်နေတယ်၊ ကြည့်နေတယ်"

ဖားကန့်ကျောက်စိမ်းတွင်းဒေသမှာ အင်အားကြီး စက်ယန္တရားတွေနဲ့ ကျောက်စိမ်းတူးဖော်ပြီး မြေစာတွေကို စည်းကမ်းမဲ့စွန့်ပစ်မှုတွေကြောင့် ဥရုချောင်းနဲ့ ဆက်စပ်နေတဲ့ ချောင်းလက်တက်တွေ တိမ်ကောလာတဲ့ အတွက် ရေကြီးရေနစ်မြုပ်မှုတွေဖြစ်နေတာပါ။

ဒါကြောင့် နှစ်စဉ် မိုးကာလမှာ ရေကြီးရေလျှံပြီး ဖားကန့်မြို့ပေါ် ငှက်ပျောတော၊ အေးမြသာယာ၊ မြို့မ၊ မရှီကထောင်နဲ့ လုံးခင်း၊ ဆိပ်မူ၊ ဝှေခါစတဲ့ကျေးရွာတွေတစ်ဝိုက်မှာ ရေနစ်မြုပ်ပြီး လူနဲ့ အိမ်ခြေတွေ ထိခိုက်ပျက်စီးနေတယ်လို့ ဒေသခံတွေက ပြောကြပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ