(၂၂)ဘီးတွဲကား ယာဉ်နောက်လိုက် ကားအောက် ဝင်အိပ်ရာမှ ကားကြိတ်သေဆုံး

ရန်ကုန်တိုင်း ဒေသကြီး အင်းစိန်မြို့နယ် စက်မှုဇုန်(၃) ဦးထွန်းညိုလမ်းသွယ်အတွင်း 23.9.2016 စက်တင်ဘာလ (၂၃)ရက်နေ့ နံနက်(၁)နာရီ အချိန်ခန့်တွင် (၂၂)တွဲကား ယာဉ်နောက်လိုက်မှ တွဲကား အောက်တွင်အိပ်ပျော်နေစဉ် ကားကြိတ်သေဆုံးမှု ဖြစ်ပွားခဲ့သည်။

ဖြစ်စဉ်မှာ ရွှေကျွန်းမဏ္ဍိုင် ပဲဂိုထောင်တွင် ကုန်ပစ္စည်းများတင်ရန် ဦးထွန်းညိုလမ်းသွယ် အတွင်း 1K-9886 (၂၂)တွဲကား/ယာဉ်မောင်းဖြစ်သူ ဦးထွန်းအေး မှ ၎င်း၏တွဲကားအားအလှည့်စောင့်ရင်း ရပ်နားထားခဲ့သည်။
၎င်းအချိန်တွင် ယာဉ်နောက်လိုက်ဖြစ်သူ ဦးမြို့စံ မှ တွဲကားအောက်တွင် ပလပ်စတစ်မြက်ဖြာခင်းကာ ဝင်
ရောက် အိပ်ပျော်နေခဲ့သည်။ တွဲကားမှာ အလှည့်ကျ၍ ထွက်ခွာစဉ် တွဲကား ဘယ်ဘက်နောက်ဘီးဖြင့် ကြိတ်မိကာ ဦးမြို့စံသည် ဘယ်ဘက်ဦးခေါင်း ကွဲကြေကာ ဦးနှောက်ထွက်၍ နေရာတွင် သေဆုံး
ခဲ့သည်။

၎င်းဖြစ်စဉ်အရ ယာဉ်မောင်းဖြစ်သူအား အင်းစိန်မြို့မရဲစခန်းမှ ယာဉ်(ပ)၈၃/၁၆ ပုဒ်မ ၃၀၄(က)ဖြင့် အမှုဖွင့်လှစ်ပြီး အမှုစစ်ရဲအုပ်အောင်ဇော်ဝင်းမှ စစ်ဆေးဆောင်ရွက်နေကြောင်း သိရှိရသည်။

နေထက်ပိုင်

by သစ်ထူးလွင်