မင်းလှမြို့၌ တရားမဝင် လူငါးဦးအား အခကြေးငွေယူပြီး ပို့ဆောင်မည့်သူများအား ဖမ်းမိ


မင်းလှ စက်တင်ဘာ ၆

မင်းလှမြို့နယ် မကျီးကိုင်းကျေးရွာ၌ တရားမဝင် ဝင်ရောက်လာသော လူ ငါးဦးနှင့် ၄င်းတို့အား အခကြေးငွေယူ၍ ပို့ဆောင်သူ သုံးဦးတို့အား စက်တင်ဘာ ၄ ရက် ညပိုင်း က ဖမ်းဆီးရမိခဲ့ကြောင်း နယ်မြေခံရဲစခန်းမှ သိရသည်။

ဖြစ်စဉ်မှာ စက်တင်ဘာ ၄ ရက် ညနေ ၆ နာရီခွဲခန့်က ရေနံမ နယ်မြေရဲစခန်းမှ ဒုရဲအုပ်စိုးအေးနှင့်အဖွဲ့ နယ်မြေအတွင်း ကင်းလှည့်ဆောင်ရွက်နေစဉ် မင်းလှမြို့နယ် သွေ့ကျောက်ကျေးရွာအုပ်ချုပ်ရေးမှူး ဦးရုန်းနှင့်အဖွဲ့က မကျီးကိုင်းကျေးရွာ၌ မသင်္ကာ ဖွယ်လူတစ်စုအား ဖမ်းဆီးရမိထားကြောင်းသတင်းပို့သဖြင့် သက်သေများနှင့်အတူ သွားရောက်ခေါ်ယူစစ်ဆေးခဲ့ရာမှ ဖမ်းဆီးရမိခဲ့ခြင်းဖြစ်သည်။

 ဖမ်းဆီးရမိသူများမှာ မြောက်ဦးမြို့နယ် ပေပင်ရင်းကျေးရွာနေသူများဖြစ်သော အန်မာစတစ်(ခ)အန်မစောသိန်း (၂၂ နှစ်)၊ ရွှေမောင်သိန်း(ခ)ရွှေမောင်သီး (ခ)မဟာပါတု (၁၆ နှစ်)၊ မူဟင်းတိ(ခ)မွှေးသီး (၁၆ နှစ်)၊ ခင်မောင်လှ(ခ)မာရဟိ(၂ဝ နှစ်)နှင့် မောင်လှရွှေ(ခ)နူးဟာ(၂ဝ နှစ်) ငါးဦးတို့ဖြစ်သည်။

၎င်းတို့အား အမ်းမြို့နယ် လုံးကျေးရွာနေ သိန်းတင် (၄၈ နှစ်)ပါ သုံးဦးတို့က အခကြေးငွေယူပြီး ရခိုင်ရိုးမတောင်တန်းရှိ တောလမ်းမှတစ်ဆင့် မြောက်ဦးမြို့နယ် ပေပင်းရင်းကျေးရွာလမ်းအတိုင်း ခြေကျင်ခေါ်ဆောင်လာခဲ့ကြောင်း၊ သိန်းတင် (၄၈ နှစ်)ပါ သုံးဦးတို့အား မင်းလှမြို့နယ် ရေနံမ နယ်မြေရဲစခန်းက အမှုဖွင့်စစ်ဆေး ဆောင်ရွက်လျက်ရှိပြီး တရားမဝင် ဝင်ရောက်လာသူ ခင်မောင်လှ(၂ဝ နှစ်)ပါ ငါးဦးနှင့်ပတ်သက်၍ အရေးယူဆောင်ရွက်နိုင်ရန် မင်းလှမြို့နယ် လူဝင်မှုကြီးကြပ် ရေးနှင့် အမျိုးသားမှတ်ပုံတင်ရေးဦးစီးဌာနနှင့် ညှိနှိုင်းဆောင်ရွက်လျက်ရှိကြောင်း သိရသည်။

ကျော်ဇေယျ၊ သန်းနိုင်ဦး(ငဖဲ)
Myanmaalinn
https://www.facebook.com/MYANMAALINNNEWS
မင်းလှမြို့၌ တရားမဝင် လူငါးဦးအား အခကြေးငွေယူပြီး ပို့ဆောင်မည့်သူများအား ဖမ်းမိ  မင်းလှမြို့၌ တရားမဝင် လူငါးဦးအား အခကြေးငွေယူပြီး ပို့ဆောင်မည့်သူများအား ဖမ်းမိ Reviewed by THITHTOOLWIN on 09:26 Rating: 5
Powered by Blogger.