အုပ်စုဖွဲ့၍ ဘုရားမှပြန်လာသူများအား ဓားဖြင့် လိုက်ခုတ်၊ ဆိုင်ကယ်ဖျက်ဆီးပြုလုပ်သူ များအား ဖမ်းဆီးအရေးယူ


ဘားအံ - စက်တင်ဘာ ၂၇

ကရင်ပြည်နယ်၏ အထင်ကရနေရာဖြစ်သော ဘားအံမြို့နယ်၊ ကော့ကသောင်ဂူဘုရားမုဒ်ဝတွင် စက်တင်ဘာလ(၂၆)ရက်နေ့၊ ညနေ(၅)နာရီ၊ မိနစ်(၃၀) အချိန်ခန့်က အရက်မူးနေသည့် (၇)ဦးပါဝင်သော အဖွဲ့ဖြင့် ဘုရားမှ ပြန်လာသည့် ဆိုင်ကယ်များအား တားဆီးကာ ဓားဖြင့် လိုက်ခုတ်ခြင်း၊ ထွက်ပြေးသူများ၏ ဆိုင်ကယ်များအား ဖျက်ဆီးခြင်းတို့ပြုလုပ်နေ၍ လုံခြုံရေးအဖွဲ့နှင့် ပတ်ဝန်းကျင်မှ ဝိုင်းဝန်းဖမ်းဆီးရာ ဘားအံမြို့နယ်၊နောင်ထလုံးကျေးရွာတွင် နေထိုင်သည့် မြင့်ဦး၊၂၂နှစ်အား ဖမ်းဆီးရမိခဲ့သည်။

ယင်းအဖွဲ့မှ ဓားဖြင့်ခုတ် ဆိုင်ကယ်စီးဦးထုပ်တို့ဖြင့် ရိုက်ခဲ့သည့်အတွက် ဘားအံမြို့နယ်၊ အိန္ဒဲကျေးရွာအုပ်စု၊ကော့ဝုန်းကျေးရွာနေ အောင်ထွန်းမျိုး၊ ၂၁နှစ်တွင် ခါးယာဘက်ခြမ်း၌ ပြတ်ရှ ဒဏ်ရာ(၁)ချက်၊ ယာလက်ဖဝါးပြတ်ရှ ဒဏ်ရာ(၁)ချက်၊ ဦးခေါင်းပေါက်ပြဲဒဏ် ရာ(၁)ချက်တို့ရရှိခဲ့ပြီး ၎င်းမှပင် တရားလိုပြုလုပ်ကာ အိန္ဒုနယ်မြေရဲစခန်း၌ (ပ)၇၁/၂၀၁၆၊ရာဇသတ်ကြီးပုဒ်မ ၃၂၆/၁၁၄တို့ဖြင့်အမှုရေးဖွင့်ထားပြီး နယ်ထိန်းခေါင်းဆောင်ဒုရဲအုပ်လင်းထွန်းမှစစ်ဆေးခဲ့ကြောင်း သိရသည်။

စစ်ဆေးပေါ်ပေါက်ချက်အရ ပြစ်မှုကျူးလွန်ရာတွင် ပါဝင်သူများမှာ ဘားအံမြို့နယ်အတွင်း နေထိုင်ကြသည့် လှိုင်ဝါးကျေးရွာနေအဂျိုင်း၊၂၃နှစ်၊ ကော့ဝါးဆူးကျေးရွာ နေအောင်ဇော်ဦး၊ ၁၈နှစ်၊ ဖာလင်ကျေးရွာနေ နေမင်းထွန်း(ခ)ချာပေါင်၊ ၁၈နှစ်၊ လှိုင်ကားကျေးရွာနေ အောင်မြင့်ဦး(ခ)အခိန်၊၁၆နှစ်၊ ကော့ပရံကျေးရွာနေ ကျော်အဲခလိန်း၊ ၁၈နှစ်နှင့်ကော့ဒိုင်းကျေးရွာနေဇော်ဝမ်း(ခ)မီးသီး၊ ၁၉နှစ်တို့ဖြစ်ကြောင်း စစ်ဆေးသိရှိရ၍ အိန္ဒုနယ်မြေရဲစခန်းမှ နယ်ထိန်းတပ်ဖွဲ့ဝင်များ၏ ကြိုးစားဖော်ထုတ်မှုကြောင့် စက်တင်ဘာလ(၂၇)ရက်နေ့နံနက်(၁)နာရီအချိန်တွင် လှိုင်ဝါးကျေးရွာအတွင်းမှ ပြစ်မှုကျူးလွန်ရာတွင် ပါဝင်သူ(၆)ဦးအား သက်သေခံ ပစ္စည်းများနှင့်အတူ ဖမ်းဆီးရမိခဲ့၍ အိန္ဒုနယ်မြေရဲစခန်းမှ ဥပဒေနှင့်အညီ ဆောင်ရွက်လျက်ရှိကြောင်း သိရသည်။

မင်းသူ(ဘားအံ)
ဘားအံသတင်း

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ