အမေရိကန်မှာ အကြမ်းဖက်ဝါဒ အခြေခံ တိုက်ခိုက်မှုတွေ ဖြစ်ပေါ်

ဗုံးကွဲမှု ကြောင့် လူပေါင်း ၂၉ ယောက် ထိခိုက် ဒဏ်ရာ ရ။
အမေရိကန် ပြည်ထောင်စုမှာ စနေည က ဖြစ်ပေါ် ခဲ့တဲ့ ဗုံးကွဲမှု နဲ့ ဓားနဲ့ တိုက်ခိုက် ခံ ခဲ့ ရမှု တွေ ဟာ အကြမ်းဖက် ဝါဒ ကို အခြေခံ တဲ့ လုပ်ရပ် ဖြစ်တယ်လို့ အမေရိကန် အာဏာပိုင် တွေက ပြော လာပါတယ်။

နယူးယောက် မြို့တော် ၊ မင်ဟက်တန် အပိုင်းက ချယ်ဆီး အရပ်မှာ ကွဲ ခဲ့တဲ့ ဗုံးဟာ အကြမ်းဖက် သမား တစ်ယောက်က ကျုးလွန် ခဲ့တာ လို့ နယူးယောက် ပြည်နယ် အုပ်ချုပ် ရေးမှုး အင်ဒရူး ကွာမို က ပြောပေမယ့် ၊ နိုင်ငံတကာ အကြမ်းဖက် အဖွဲ့အစည်း တွေ နဲ့ ဆက်စပ် နေတာ မျိုး တော့ မတွေ့ရ ဘူး လို့လည်း ဆိုပါတယ်။

အဲဒီ့ ဗုံးကွဲမှု ကြောင့် လူပေါင်း ၂၉ ယောက် ထိခိုက် ဒဏ်ရာ ရခဲ့ကြ ပြီး ဆေးရုံ တင်ထား ရသလို၊ ဗုံးကွဲခဲ့ရာ နေရာ နဲ့ သိပ် မဝေးလှ တဲ့ နေရာ မှာလည်း မကွဲသေးတဲ့ နောက်ထပ် ဗုံး တစ်လုံး တွေ့ ထားရပါတယ်။

အခု ဆိုရင် နယူးယောက် မြို့တော် တခွင် လုံခြုံရေး အတွက် ရဲ နဲ့ ပြည်စောင့်တပ် အဖွဲ့ဝင် အင်အား တစ်ထောင် ကျော် တိုးမြှင့် ချ ထားပါတယ်။

တခါ၊ မင်နီဆိုးတားပြည်နယ် စိန့် ကလောက်ဒ် ဆိုတဲ့ မြို့ က ကုန်တိုက် တစ်ခု မှာ ဖြစ်ခဲ့တဲ့ ဓားနဲ့ တိုက်ခိုက် ခံခဲ့ရမှု ကိုလည်း အကြမ်းဖက် ဝါဒ အခြေခံ လုပ်ရပ် အဖြစ် သဘောထားပြီး စုံစမ်း စစ်ဆေး နေတယ်လို့ အမေရိကန် ထောက်လှမ်းရေး FBI အဖွဲ့ က ပြောပါတယ်။

လုံခြုံရေး ဝန်ထမ်း ဝတ်စုံကို ဝတ်ဆင် ထားသူ ဟာ လူ ၈ ယောက် ကို ဓားနဲ့ ထိုး ခဲ့ပြီး၊ အဲဒီ့ သူလည်း တာဝန် ချိန်က ပြီး လာတဲ့ ရဲ အမှုထမ်း က ပစ်ခတ် လို့ သေဆုံး သွားပါတယ်။

အဲဒီ့ ဓား သမား ဟာ အစ္စလာမ်မစ် နိုင်ငံ အဖွဲ့ IS ကို ထောက်ခံ အားပေးသူ ဖြစ်တယ် လို့ IS အဖွဲ့ က ပြောတယ် ဆိုပြီး IS နဲ့ အဆက်အစပ် ရှိတဲ့ သတင်း ဌာန တစ်ခု က ဆိုပါတယ်။

ဓား နဲ့ ထိုးခံ ခဲ့ရ သူတွေ ဟာ အသက် အန္တရာယ် စိုးရိမ် ရ လောက် အောင်တော့ မထိခိုက် ခဲ့ပါဘူး။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ