တကၠသိုလ္ေက်ာင္းသားအခ်င္းခ်င္း ဂီတာငွားရာမွ ဓားထိုးမႈျဖစ္


ဗန္းေမာ္ စက္တင္ဘာ ၂၄

ကခ်င္ျပည္နယ္ ဗန္းေမာ္နည္းပညာ တကၠသိုလ္ စတုတၴႏွစ္ ေက်ာင္းသား တစ္ဦးအား ညအခ်ိန္ ေက်ာင္းေရွ႕ ေဘာ္ဒါေဆာင္၌ ဓားထိုးခံရ၍ ဒဏ္ရာ ရရွိၿပီး ေသဆုံးမႈျဖစ္ပြားခဲ့သည္။

နည္းပညာတကၠသိုလ္ စက္မႈ အင္ဂ်င္နီယာဌာနသ႐ုပ္ျပ ဦးစည္သူ ေအာင္ (၃ဝႏွစ္)သည္ ေက်ာင္းဝင္း အတြင္းရွိ ဆရာေဆာင္တြင္ရွိေနစဥ္ စက္တင္ဘာ ၂၃ ရက္ ည ၁ဝ နာရီ မိနစ္ ၅ဝ က ေက်ာင္းေရွ႕မီဒီယာေဆာင္ဘက္မွ ဆူညံသံၾကားရ၍ သြားေရာက္ၾကည့္႐ႈ ရာ နည္းပညာတကၠသုိလ္မွ စတုတၴႏွစ္ ေက်ာင္းသား သန္႔ဇင္ဝင္း(၂၂ႏွစ္) ေဒါင့္ႀကီးေက်းရြာ ကသာၿမိဳ႕နယ္ စစ္ကိုင္း တိုင္းေဒသႀကီးေနသူအား ဂီတာငွားေသာ ကိစၥႏွင့္ပတ္သက္၍ စကားမ်ားရာမွ နည္းပညာတကၠသိုလ္ ပထမႏွစ္ ေက်ာင္းသား ေမာရွယ္က ဓားျဖင့္ထိုးၿပီး ထြက္ေျပးသြားေၾကာင္း၊ သန္႔ဇင္ဝင္းကို ေဆး႐ုံသို႔ ပို႔ေဆာင္ခဲ့ေၾကာင္း ပထမႏွစ္ ေက်ာင္းသား ဘိုဘိုေနဝင္းက ေျပာသည္။

ေဆး႐ုံသို႔ သြားေရာက္ၾကည့္႐ႈခဲ့ရာသန္႔ဇင္ဝင္း၏ ယာဘက္ရင္အုံေအာက္ တြင္ ထိုးသြင္းဒဏ္ရာတစ္ခ်က္ျဖင့္ ေသဆုံးေနသျဖင့္ ဥပေဒအရ အေရးယူ ေပးပါရန္ တရားလိုျပဳလုပ္တိုင္တန္းရာ ဗန္းေမာ္ၿမိဳ႕မရဲစခန္းက စစ္ေဆး အေရးယူ ေဆာင္ရြက္လ်က္ရွိေၾကာင္း သိရသည္။

ဆီမီးခုံ-နန္းရီ
MOI Webportal Myanmar
https://www.facebook.com/MOIWebportalMyanmar

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ