ပါကစ္စတန်အလယ်ပိုင်းတွင် ရထားနှစ်စင်းတိုက်မိ၍ ၆ဦးသေ၊ ၁၅၀ဦးဒဏ်ရာရရှိ

ပါကစ္စတန်အလယ်ပိုင်းတွင် တိုက်မိခဲ့သည့် ရထားနှစ်စင်းအားတွေ့ရစဉ် (ဓါတ်ပုံ-အင်တာနက်)
    အစ္စလာမ်မာဘတ်၊ စက်တင်ဘာ ၁၅ ရက် (ဆင်ဟွာ)

    ပါကစ္စတန်နိုင်ငံ အလယ်ပိုင်း Multan ခရိုင် တွင် စက်တင်ဘာလ ၁၅ရက် နံနက်ပိုင်းက  ခရီးသည်တင်ရထားတစ်စီး နှင့် ကုန်တင်ရထားတစ်စီး တိုက်မိခဲ့ရာ အနည်းဆုံး လူခြောက်ဦးသေဆုံးပြီး လူ ၁၅၀ကျော် ဒဏ်ရာရရှိခဲ့ကြောင်း ဒေသခံ တာဝန်ရှိသူများကပြောကြားခဲ့သည်။

မြို့နယ်ရဲအရာရှိ Muhammad Rizwan က ဒဏ်ရာရရှိသူ များအနက် အချို့မှာ ဒဏ်ရာပြင်းထန်သောကြောင့် သေဆုံးသူဦးရေသည် ၁၅ဦးအထိ မြင့်တက်လာနိုင်ကြောင်း နှင့် ခရီးသည်တင်ရထား၏ အင်ဂျင်စက်ခန်းနှင့် တွဲလေးတွဲမှာ လမ်းချော်ခဲ့ကြောင်း သိရသည်။

ခရီးသည်တင်ရထား သည် နိုင်ငံအနောက်မြောက်ဘက် ပက်ရ်ှဝါမြို့မှ တောင်ဘက် ကရာချိဆိပ်ကမ်းမြို့သို့ သွားနေစဉ် Multan ခရိုင် ရှိ Bucch ဘူတာရုံ မှ ထွက်ခွာပြီး ၁၅မိနစ်အကြာတွင် ကုန်တင်ရထားနှင့်  တိုက်မိခဲ့ခြင်းဖြစ်ကြောင်း ၄င်းက ပြောကြားခဲ့သည်။

ဒုတိယကော်မရှင်နာမင်းကြီး Multan Nadir Chattha က ကုန်တင်ရထား သည် ကိုယ့်ကိုကိုယ် သတ်သေရန် ကြံစည်နေသည့် အမျိုးသားတစ်ဦးအား တက်ကြိတ်ပြီးနောက် ရပ်တန့်ခဲ့ရာ တူညီသော ဦးတည်ချက်မှ မောင်းနှင်လာသည့် ခရီးသည်တင်ရထားနှင့် တိုက်မိခဲ့ခြင်းဖြစ်ကြောင်း ပြောကြားခဲ့သည်။

ဒဏ်ရာရရှိသူများအား မြို့အတွင်းရှိ ဆေးရုံများသို့ ကယ်ဆယ်ရေးအဖွဲ့များက ပို့ဆောင်ပေးခဲ့ပြီး တစ်ချိန်တည်းမှာပင် ရထားလမ်းအာဏာပိုင်များက အသက်ရှင်ကျန်ရစ်သူများ လိုရာခရီးဖြစ်သည့် Karachi သို့ ဆက်လက်သွားရာက်နိုင်ရန် အခြား ရထားတစ်စီးဖြင့် ပြောင်းလဲစီစဉ်ပေးခဲ့ကြောင်း သိရသည်။

ကယ်ဆယ်ရေးအဖွဲ့က ခရီးသည်တင်ရထား၏ အောက်တွင် ပိတ်မိနေသည့် လူတစ်ချို့ကျန်ရှိနေသေး၍ သေဆုံးသူများပြားလာနိုင်ကြောင်း ပြောကြားခဲ့သည်။

Punjab ပြည်နယ် ဝန်ကြီးချုပ် Shahbaz Sharif က မတော်တဆဖြစ်ရပ်အတွက် ဝမ်းနည်းပါကြောင်း နှင့် ဒဏ်ရာရရှိသူများအား အကောင်းဆုံး ဆေးကုသမှုများ ဆောင်ရွက်ပေးသွားရန် ဆေးရုံအာဏာပိုင်များကို ညွှန်ကြားခဲ့သည်။

(Xinhua)
http://www.xinhuamyanmar.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ