မေတ္တာညွန့်ရပ်ကွက်ရှိ ခေါက်ဆွဲစက်ရုံ မီးလောင်


ရန်ကုန် စက်တင်ဘာ ၃

ရန်ကုန်မြို့ တာမွေမြို့နယ် မေတ္တာညွန့် ရပ်ကွက် စက်မှုရတနာလမ်းမကြီး စက်မှု (၃)လမ်းနှင့် (၄)လမ်းကြားရှိ အောင်နိုင်သူအမည်ရှိ ခေါက်ဆွဲစက်ရုံ၌ စက်တင်ဘာ ၃ ရက် နံနက် ၃ နာရီ ၁၅ မိနစ်ခန့်က မီးလောင်မှုဖြစ်ပွားခဲ့သည်။

ဖြစ်စဉ်မှာ စက်မှု(၃)လမ်းနှင့် (၄)လမ်းကြား အိမ်အမှတ်(၇၇)ရှိ ဦးဇင်ကို (၂၂ နှစ်) ပိုင်ဆိုင်သော အောင်နိုင် သူအမည်ရှိ ခေါက်ဆွဲစက်ရုံတွင် လျှပ်စစ်ဝိုင်ယာကြိုးများ အပူ လွန်ကဲရာမှ မီးလောင်မှုဖြစ်ပွားရာ အောင်နိုင်သူခေါက်ဆွဲစက်ရုံနှင့် အမှတ် (၇၆)ရှိ မီးသွေးဂိုဒေါင်တစ်ဝက်ခန့် မီးလောင်ခဲ့ပြီး မီးလောင်မှုဖြစ်ပွား ရာသို့ မြို့နယ်မီးသတ်တပ်ဖွဲ့မှ အုပ်ချုပ်မှု ယာဉ် နှစ်စီး၊ မီးသတ်ယာဉ် ၁၀ စီးဖြင့် လာရောက် မီးငြှိမ်းသတ်ရာ နံနက် ၃ မိနစ် ၄၀ တွင် မီးငြိမ်းသွားခဲ့ကြောင်းနှင့် ထိခိုက် ဒဏ်ရာရရှိမှုမရှိကြောင်း သိရသည်။

မီးလောင်မှုနှင့် ပတ်သက်ပြီး ခေါက်ဆွဲစက်ရုံပိုင်ရှင် ဦးဇင်ကိုအား တာမွေမြို့မရဲစခန်းက ဥပဒေနှင့်အညီ အရေးယူ ဆောင်ရွက်ထားကြောင်း သိရသည်။

လှလှ
MOI Webportal Myanmar
https://www.facebook.com/MOIWebportalMyanmar
မေတ္တာညွန့်ရပ်ကွက်ရှိ ခေါက်ဆွဲစက်ရုံ မီးလောင်  မေတ္တာညွန့်ရပ်ကွက်ရှိ ခေါက်ဆွဲစက်ရုံ မီးလောင် Reviewed by THITHTOOLWIN on 07:17 Rating: 5
Powered by Blogger.