အသက်(၆၀)ကျော် အဘွားအိုတစ်ဦး ခေါင်းကို ဓားထိုးအသတ်ခံရ

ကလေး၊ စက်တင်ဘာ ၂၀။

စစ်ကိုင်းတိုင်းဒေသကြီး၊ကလေးမြို့နယ်၊ကံဦးကျေးရွာတွင် စက်တင်ဘာ ၁၉ရက်၊ နံနက် ၆နာရီ၃၀မိနစ်အချိန်ခန့်က အဘွားအိုးတစ်ဦး၏ ဦးခေါင်းတွင် ဓားစိုက်ဝင်လျှက် သေဆုံးမှုဖြစ်ခဲ့ကြောင်း ကလေးမြို့မရဲစခန်းမှ သိရသည်။

သေဆုံးသူမှာ ကံဦးကျေးရွာနေ ဒေါ်လမ်ဆွမ်းကျိန်၊၆၃နှစ်ဖြစ်ပြီး ဘယ်ဘက်လက်မောင်း ထိုးသွင်းဒဏ်ရာ၁ချက်၊ဘယ်ဘက်ချိုင်းကြားအောက် ထိုးသွင်းဒဏ်ရာ ၁ချက်၊ ဝဲဘက်နားထင်တွင် ဓါးဦးချွန်စိုက်ဝင်လျှက် ဓါးတန်းလန်းဖြင့် သေဆုံးနေခြင်း ဖြစ်သည်ဟု သိရသည်။

ဒေါ်လမ်ဆွမ်းကျိန်၏ သားဖြစ်သူထံသို့ တူမဖြစ်သူ အသက် ၁၂နှစ်က ငိုယိုပြီး အဖွားဘာဖြစ်သွားတာလဲ မသိဘူး လာကြည့်ပေးပါအုံးဟု အော်ဟစ်ပြောဆိုကာ နေအိမ်ဘက်သို့ ပြေးလာပြောသဖြင့် အိပ်ရာမှထပြီး နှစ်အိမ်ကျော်အကွာရှိ မိခင်ဖြစ်သူနေအိမ်ဘက်သို့ ပြေးသွားကြည့်ရာ မိခင်ဖြစ်သူမှာ အိပ်ယာပေါ်တွင် ဒဏ်ရာများဖြင့် သေဆုံးနေသည်ကို တွေ့ရှိခဲ့ရခြင်း ဖြစ်သည်။

ယင်းဖြစ်စဉ်နှင့်ပတ်သက်၍ စုံစမ်းဖော်ထုတ် အရေးယူပေးပါရန် သားဖြစ်သူ ဦးထောင်းကပ်ပေါင်းမှ တရားလိုပြုလုပ်၍ တိုင်တန်းထားကြောင်း ကလေးမြို့ မြို့မရဲစခန်းမှ သိရသည်။

စည်သူထွန်း
Central News Myanmar
https://www.facebook.com/CNMyanmar