ဝိုင်းမော်မြို့နယ် နောင်စီပေါကျေးရွာအရှေ့ဘက် ၃ မိုင်လောက်မှာရှိတဲ့ အင်ကြင်းတောင်မှာ စက်ယန္တရားတွေနဲ့ တရုတ်နိုင်ငံသားတွေ တရားမဝင် သစ်ခုတ် ယူနေစဉ်။ Photo: Kyaw Myo Min/RFA |
လမ်းပန်းဆက်သွယ်ရေးခက်ခဲ့တဲ့ အဲဒီဒေသဘက်မှာ အခုလိုဖမ်းဆီးရမိတာဟာ ပထမဆုံးအကြိမ်ဖြစ်ပြီး ဆက်လက်ရှာဖွေနေဆဲဖြစ်တယ်လို့ ပူတာအိုခရိုင် ရဲတပ်ဖွဲ့ရုံးက ဒုတိယရဲမှူး မြင့်ထွန်းဦးက ပြောပါတယ်။
ဖမ်းဆီးရမိတဲ့နေရာဟာ ခေါင်လန်ဖူးမြို့ရဲ့ အရှေ့မြောက်ဘက် ၆၅ မိုင်အကွာ ဇီးထန်နဲ့ ထမယ် ကျေးရွာတွေနား တဝိုက်မှာဖြစ်ပြီး ပါဝင်ပတ်သက်သူတွေကို စုံစမ်းနေဆဲဖြစ်တယ်လို့ ပြောပါတယ်။
ပြီးခဲ့တဲ့ရက်ပိုင်းက အမျိုးသားလွှတ်တော်ကိုယ်စားလှယ် ဦးဂျေယောဝူက တရုတ်-မြန်မာနယ်စပ် ခေါင်လန်ဖူး မြို့နယ်ထဲမှာ တရားမဝင် သစ်တွေခိုးထုတ်နေတာ၊ ယာဉ်ဝင်ထွက်သွားလာနေတာတွေ နဲ့ပတ်သက်ပြီး လွှတ်တော်မှာ မေးမြန်းခဲ့ပါတယ်။
ပြီးခဲ့တဲ့နှစ် နှစ်ဆန်းပိုင်းက ဝိုင်းမော်မြို့နယ်အတွင်းမှာ တရားမဝင် သစ်ခိုးထုတ်နေတဲ့ တရုတ်နိုင်ငံသား အယောက်တစ်ရာကျော်ကို မူးယစ်ဆေးဝါးနဲ့ သစ်ခိုးထုတ်ရာမှာ အသုံးပြုတဲ့ ယာဉ်ယန္တရားတွေနဲ့အတူ အစိုးရတပ်မတော်က ဖမ်းဆီးရမိခဲ့ပါတယ်။
RFA Burmese
http://www.rfa.org/burmese
တရုတ်မြန်မာနယ်စပ်မှာ သစ်တန်ချိန် ၈၀၀ ဖမ်းမိ
Reviewed by THITHTOOLWIN
on
17:52
Rating: