အမြန်လမ်းမကြီးနံဘေး ဆည်အတွင်းသို့ ကားထိုးကျ၊ တစ်ဦးသေ

ဖြူး စက်တင်ဘာ ၅

ပဲခူးတိုင်းဒေသကြီး ဖြူးမြို့နယ် ရန်ကုန်-နေပြည်တော် အမြန်လမ်း မိုင်တိုင် အမှတ် ၁၁၃/၄ နှင့် ၁၁၃/၅ အကြား တွင် စက်တင်ဘာ ၅ ရက် နံနက် ၇ နာရီ ခွဲခန့်က အိမ်စီးယာဉ်တစ်စီး အရှိန်မထိန်း နိုင်ဘဲ အမြန်လမ်းမကြီးနံဘေးရှိ ဆည် အတွင်းသို့ ထိုးကျတိမ်းမှောက်မှုဖြစ်ပွား ခဲ့ကြောင်း သိရသည်။

ယာဉ်မောင်း ဦးထွန်းကျော်အောင် (၃၈ နှစ်) ဖျာပုံမြို့နေသူ မောင်းနှင်လာ သော 9H/---- တိုယိုတာယာဉ်သည် ယာဉ်မောင်းအပါအဝင် အမျိုးသားငါးဦး အားတင်ဆောင်၍ ရန်ကုန်ဘက်မှ နေပြည်တော်ဘက်သို့ မောင်းနှင်လာစဉ် အခင်းဖြစ် မိုင်တိုင်အရောက်တွင် အရှိန် မထိန်းနိုင်ဘဲ လမ်း၏ယာဘက်ခြမ်း ရှိ ဖြူးချောင်းရေပိုလွှဲဆည်အတွင်းသို့ ထိုးကျခဲ့သည်။

 ယာဉ်ပေါ်၌ လိုက်ပါလာ သူများအနက် ဦးဌေးဝင်းမှာ ဖြူးဆေးရုံ သို့ တင်ပို့စဉ် ရရှိသောဒဏ်ရာဖြင့် သေဆုံး သွားပြီး ကျန်သူများဖြစ်ကြသည့် ဦးအောင်ထူး (၅၈ နှစ်)၊ ဦးခင်မောင် ကျော် (၅ဝ နှစ်) နှင့် ဦးတာနိုင် (၆၃ နှစ်) တို့ ဒဏ်ရာများရရှိ၍ အတွင်းလူနာ (မစိုးရိမ်ရ)အဖြစ် ဆေးကုသမှုခံယူ လျက်ရှိကြောင်း သိရသည်။

ဖြစ်စဉ်နှင့်ပတ်သက်၍ ယာဉ်မောင်း ဦးထွန်းကျော်အောင်အား ဖြူးအမြန် လမ်းမကြီးရဲစခန်းက အမှုဖွင့် အရေးယူ ဆောင်ရွက်ထားကြောင်း သိရသည်။

ခင်ကို(ကျောက်တံခါး)
MOI Webportal Myanmar
https://www.facebook.com/MOIWebportalMyanmar