လူ့အခွင့်အရေးကော်မရှင် အဖွဲ့ဝင်တွေ နှုတ်ထွက်ပေးဖို့ ပြည်မြို့မှာ ဆန္ဒပြ

( မြန်မာနိုင်ငံ အမျိုးသား လူအခွင့်အရေးကော်မရှင် အဖွဲ့ဝင်တွေ နှုတ်ထွက်ပေးဖို့ စက်တင်ဘာလ ၂၆ ရက်နေ့က ပြည်မြို့မှာ ဆန္ဒပြနေစဉ် ) Photo: ဇော်ထွန်း/ Facebook
မြန်မာနိုင်ငံ အမျိုးသားလူအခွင့်အရေးကော်မရှင် အဖွဲ့ဝင်တွေ နှုတ်ထွက်ပေးဖို့ ပဲခူးတိုင်းဒေသကြီး ပြည်မြို့နယ်မှာ လူ့အခွင့်အရေးလှုပ်ရှားနေသူ ၆၀ လောက်က ဒီနေ့ ဆန္ဒပြတောင်းဆိုကြပါတယ်။

အင်းဝအပ်ချုပ်ဆိုင်ပိုင်ရှင်တွေက အိမ်အကူမိန်းကလေး ၂ ဦးအပေါ် ညှဉ်းပန်းနှိပ်စက် ခဲ့တဲ့အမှုကို ငွေကြေးနဲ့ ကျေအေးဖို့ ဆုံးဖြတ်ပေးခဲ့တာကြောင့် ကန့်ကွက်တာလို့ ဆန္ဒပြပွဲမှာပါဝင်တဲ့ ကိုဇော်ထွန်းက ပြောပါတယ်။

"ဒီအိမ်ဖော်ကလေးမလေး နှစ်ယောက်နဲ့ပတ်သက်ပြီး လူ့အခွင့်အရေးကော်မရှင်ရဲ့ ဆောင်ရွက်ချက်တွေကို ရှုတ်ချပြီး ကန့်ကွက်ဆန္ဒပြတာ၊ ဒီအမှုကို အလုပ်ရှင်အလုပ် သမားပုံစံမျိုးနဲ့ ညှိနှိုင်းဖြန်ဖြေ ငွေကြေးနဲ့ ဆုံးဖြတ်တာကို ကန့်ကွက်တယ်၊ ဒီအဖွဲ့အစည်းထဲမှာ ပါဝင်ပတ်သက်ပြီး ဆုံးဖြတ်ချက်ချခဲ့တဲ့သူတွေကို ကျနော်တို့က ထွက်စေချင်တယ်" လို့ ကိုဇော်ထွန်း က ပြောပါတယ်။

ကျောက်တံတားမြို့နယ်က အင်းဝအပ်ချုပ်ဆိုင်ပိုင်ရှင်တွေက အိမ်အကူ မိန်းကလေး ၂ ဦးအပေါ် ညှဉ်းပန်းနှိပ်စက်ခဲ့ပြီး လစာမပေးပဲထားခဲ့တဲ့အပေါ် တစ်ဦးကို ကျပ်သိန်း ၅၀ ကျန်တစ်ဦးကို ကျပ် ၁၀ သိန်းနဲ့ နစ်နာကြေးပေးတဲ့နည်းနဲ့ ကျေအေးဖို့ မြန်မာနိုင်ငံ အမျိုးသားလူ့အခွင့်အရေးကော်မရှင်က ညှိနှိုင်းပေးခဲ့တာဖြစ်ပါတယ်။

RFA Burmese
https://www.facebook.com/rfaburmese
လူ့အခွင့်အရေးကော်မရှင် အဖွဲ့ဝင်တွေ နှုတ်ထွက်ပေးဖို့ ပြည်မြို့မှာ ဆန္ဒပြ  လူ့အခွင့်အရေးကော်မရှင် အဖွဲ့ဝင်တွေ နှုတ်ထွက်ပေးဖို့ ပြည်မြို့မှာ ဆန္ဒပြ Reviewed by THITHTOOLWIN on 16:18 Rating: 5
Powered by Blogger.