မောင်တောခရိုင်အတွင်း တရားမဝင်ဆောက်လုပ်ထားသော ဗလီအပါအ၀င် အဆောက်အဦများကို ဖျက်သိမ်းမည်


 စက်တင်ဘာ ၁၉

ရခိုင်ပြည်နယ် မောင်တောခရိုင်အတွင်း တရားမဝင်ဆောက်လုပ်ထားသော ဗလီအပါအ၀င် အဆောက်အဦများ ကို ဖျက်သိမ်းသွားမည်ဖြစ်ကြောင်း သိရသည်။

စက်တင်ဘာလ ၁၈ ရက်နေ့ မောင်တောမြို့နယ် အထွေထွေအုပ်ချုပ်ရေးရုံးတွင်ပြုလုပ်သော ရခိုင်ပြည်နယ်အစိုးရအဖွဲ့ဝင် ပြည်နယ်လုံခြုံရေးနှင့်နယ်စပ်ရေးရာဝန်ကြီး ၊ ပြည်နယ်ဥပဒေချုပ် အပါအ၀င် ဌာနဆိုင်များနှင့် မူဆလင်အုပ်ချုပ်ရေးမှူးများ တွေ့ဆုံပွဲ၌ အထက်ပါအတိုင်း ပြောကြားခဲ့ခြင်းဖြစ်သည်။


ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ထိန်လင်းက “ ကျွန်တော်တို့က တရားမဝင်အဆောက်အဦတွေကို ဆောက်ခွင့်မပြုဖို့နဲ့ လက်ရှိအဆောက်အဦများကို ဖျက်သိမ်းဖို့လုပ်ရ မှာဖြစ်တယ်။ လုပ်တဲ့အခါမှာလည်း ဥပဒေနဲ့အညီဆောင်ရွက်ဖို့လိုတယ်။ အဲဒီလို လုပ်တဲ့အခါ ကျွန်တော်တို့က ရက်အကန့်အသတ်နဲ့အမိန့်စာထုတ်မယ် ။ ထုတ်တဲ့အတိုင်းလိုက်နာဆောင်ရွက်ဖို့လိုတယ်။ မလိုက်နာရင် ဥပဒေအတိုင်းတရား စွဲသွားမယ်။ ဒါတွေကို မဖျက်လို့မရဘူး၊ ဒီလို နှစ်စဉ်နှစ်စဉ် တိုးပွားလာရင် ကျွန်တော့်တို့ ဘယ်လိုရှင်းကြမှာလဲ။ ဒီတရားမဝင်တာတွေကို ကျွန်တော်တို့ ဒီအတိုင်းကြည့်နေလို့မရဘူး၊ ကျွန်တော်ကတော့ တရားမဝင်အဆောက်အဦတွေ၊ ကျူးကျော်တဲ့ အဆောက်အဦတွေ အသစ်ဖြစ်လာတာမလိုချင်ဘူး၊ မတရားလုပ်နေတာမဟုတ်ဘူး ။ တရားသောနည်းနဲ့လုပ်နေတာ ဖြစ်ပါတယ် ” ဟု တက်ရောက်လာသော ဌာနဆိုင်ရာများအပါအ၀င် မူဆလင်ကျေးရွာအုပ်ချုပ်ရေးမှူးများအား ပြောကြားခဲ့သည်။

ယင်းသို့ တရားမ၀င် ဆောက်လုပ်ထားသော အဆောက်အဦများနှင့်ကျူးကျော်နေအိမ်များကိုလည်း ဖျက်သိမ်းနိုင်ရန်အတွက် အမိန့်စာများကိုလည်း အမြန်ဆုံး ထုတ်ပြန်သွားမည်ဖြစ်ကြောင်းလည်း သိရသည်။

အဆိုပါမောင်တောခရိုင်အတွင်း တရားမဝင်အဆောက်အဦအရေအတွက်မှာ ဗလီ ၁၂ လုံး၊ အာရ်ဗီကျောင်း ၃၅ ကျောင်း၊ လူနေအိမ် ၂၅၄၃ လုံး၊ ဈေးဆိုင် ၆၀၄ ဆိုင်နှင့် အခြားအဆောက်အဦး ၁၃၂ ခု ၊ စုစုပေါင်း ၃၃၂၆ ခု ရှိကြောင်း အမှတ်(၄) လူဝင်မှုကြီးကြပ်ရေးဌာနခွဲ၏ စာရင်းအရသိရသည်။

မောင်တောခရိုင် အထွေထွေအုပ်ချုပ်ရေးမှူး ဦးရဲထွဋ် က “ ကျွန်တော်တို့ ဒီလိုလုပ်ရတာဟာ နိုင်ငံတော်အဆင့် ဌာနတွေက ညွှန်ကြားလို့လုပ်ရတာမဟုတ်ဘူး၊ ဒါကျွန်တော်တို့အုပ်ချုပ်ရေးဌာနတွေရဲ့ လုပ်ရမယ့် ပင်မတာဝန် ဖြစ်တယ်၊ ဒီလိုလုပ်ရတဲ့အထဲမှာ ရပ်ကျေးအုပ်ချုပ်ရေးမှူးတွေ အဓိကကျတယ် ၊ လုပ်ဆောင်တဲ့အခါမှာလည်း တာဝန်ကိုတာဝန်အတိုင်း ဆောက်ရွက်ဖို့လိုတယ်၊ ခရိုင်က ရပ်/ကျေးတွေကို အာမခံချက်ပေးထားတယ် ။ တိကျအောင်လုပ်ရမယ်။ ဒီလိုလုပ်တာဟာ မည်သူတစ်ဦးတစ်ယောက်ကိုမှ ထိခိုက်နစ်နာအောင်လုပ်တာ မဟုတ်ဘူး ဥပဒေအတိုင်း ဆောင်ရွက်ရတာဖြစ်တယ် ” ဟု ပြောသည်။

အဆိုပါတွေ့ဆုံပွဲသို့ တက်ရောက်လာကြသော မူဆလင်အုပ်ချုပ်ရေးမှူးများက လယ်ယာမြေများ၊ လမ်းများ နှင့် သစ်တောကြိုးဝိုင်းများတွင် တရားမဝင်ကျုးကျော် နေသည်များကို ဖျက်သိမ်းပေးမည်၊ တစ်ချို့ နေအိမ်များကို ဖျက်သိမ်းလျှင် မရှိဆင်ရဲသားများ စားဝတ်နေရေးအခက်အခဲများရှိကြောင်း တင်ပြဆွေးနွေးကြသည်။

၎င်းခရိုင်အတွင်းရှိ မြို့နယ်အလိုက်တရားမဝင်အဆောက်အဦများမှာ မောင်တောမြို့နယ်အတွင်း ဗလီ ၉ လုံး၊ အာရ်ဗီကျောင်း ၂၄ ကျောင်း ၊ လူနေအိမ် ၁၆၆၇ လုံး ၊ ဈေးဆိုင် ၄၄၅ ဆိုင် နှင့် အခြားအဆောက်အဦ ၁၂၅ ခု ၊ စုစုပေါင်း ၂၂၇၀ ခု တည်ရှိပြီး ဘူးသီးတောင်မြို့နယ်၌် ဗလီ ၃ လုံး ၊ အာရ်ဗီကျောင်း ၁၁ ကျောင်း ၊ လူနေ အိမ် ၈၇၆ အိမ် ၊ ဈေးဆိုင် ၁၅၉ ဆိုင် နှင့် အခြားအဆောက်အဦ ၇ ခု ၊ စုစုပေါင်း ၁၀၅၆ ခု တည်ရှိနေခြင်းဖြစ် ကြောင်း အမှတ်(၄) လူဝင်မှုကြီးကြပ်ရေးဌာနခွဲ၏ စာရင်းအရသိရသည်။

ခိုင်မင်းညို
Rakhine Gazette
https://www.facebook.com/RakhineGazetteJournal/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ