ဒလမြို့  ကျောင်းပေါင်းစုံ ဘောလုံးပွဲ ရုန်းရင်းဆန်ခတ်ဖြစ် ရဲတပ်ဖွဲ့က သေနတ်ပစ်ဖောက် လူစုခွဲ


ရန်ကုန်၊ စက်တင်ဘာ ၂၂

ရန်ကုန်တိုင်း ဒေသကြီး ဒလမြို့နယ်၊ ကမာကသွယ်ရပ်ကွက်ရှိ ဗိုလ်တေဇအားကစားကွင်းတွင် မြို့နယ်အားကစားဖွံ့ဖြိုး တိုးတက်ရေး အစီအစဉ်ဖြင့် ဒလမြို့နယ်၊ စီမံခန့်ခွဲမှု ကော်မတီဥက္ကဌဖလား၊ အခြေခံပညာကျောင်းပေါင်းစုံ အသက်(၁၅)နှစ်အောက် ဘောလုံးပြိုင်ပွဲအား ကျင်းပပြုလုပ်လျက်ရှိရာ စက်တင်ဘာလ ၂၂ ရက်  ညနေ ၅ နာရီ ၃၀ မိနစ်ခန့် က ဘောလုံးပြိုင်ပွဲတွင် ရှုံးနိမ့်သည့် အသင်းဘက်မှ ပရိသတ် အင်အား ၅၀၀ ခန့် ကွင်းအတွင်း ဝင်ရောက်ပြီး အကြမ်းဖက်ခဲ့သောကြောင့် ရဲတပ်ဖွဲ့က သေနတ်ပစ်ဖောက်ကာ ထိန်းသိမ်းခဲ့ရကြောင်း ရန်ကုန်တိုင်း ဒေသကြီး ရဲတပ်ဖွဲ့ ၏ သတင်းထုတ်ပြန်ချက် အရသိပါသည်။


၂၂.၉.၂၀၁၆ ရက်နေ့ ၁၅၃၀ အချိန်ခန့်တွင် အကြိုဗိုလ်လုပွဲအဖြစ် ဒလမြို့နယ်၊ အမှတ်(၁)အခြေခံ ပညာအထက်တန်းကျောင်း ဘောလုံးအသင်းနှင့် အမှတ်(၂)အခြေံပညာ အထက်တန်းကျောင်း ဘောလုံးအသင်း
တို့ယှဉ်ပြိုင်ကစားကြရာ မိနစ် ၉၀ ပွဲသိမ်းခရာမှုတ်ချိန်၌ အမှတ်(၂)အခြေခံပညာ အထက်တန်းကျောင်းဘောလုံးအသင်းမှ ၂ ဂိုး ၁ ဂိုးဖြင့် အနိုင်ရရှိခဲ့ကြောင်း သိရှိရပါသည်။


 ၎င်းရလာဒ်အား အမှတ်(၁)အခြေခံပညာ အထက်တန်းကျောင်း ဘောလုံးအသင်း၏ ပရိတ်သတ် ၅၀၀ ဦးခန့်မှ ဒိုင်အဖွဲ့နှင့် ဘောလုံးပွဲ ကျင်းပရေးကော်မတီတို့အား မကျေနပ်၍ ဘောလုံးကွင်းအတွင်းသို့ အုပ်စုလိုက်ဝင်ရောက်လာရာ ပြိုင်ပွဲဖြစ်မြောက်ရေးကော်မတီနှင့် ဒလမြို့နယ် အထွေထွေအုပ်ချုပ်ရေးဦးစီးဌာနမှ တာဝန်ရှိသူများက လူစုခွဲထွက်ခွာရန် အသံချဲ့စက်ဖြင့် မေတ္တာရပ်ခံ အသိပေးကြေညာခဲ့သော်လည်း အော်ဟစ်၍ ဆက်လက်ဝင်ရောက်လာသဖြင့် လုံခြုံရေးတာဝန်ကျရဲတပ်ဖွဲ့မှ ခြောက်လှန်၍ မိုးပေါ်သို့ Pump Action (၁၂)ဗို့ ပြောင်းချောသေနတ်ဖြင့် (၁)ချက် ပစ်ခတ်ထိန်းသိမ်းခဲ့ရပါသည်။

လူအုပ်စုမှာ သေနတ်သံကြား၍ ၁၇၃၀ အချိန် လူစုခွဲကာ အေးချမ်းစွာပြီးဆုံး သွားခဲ့ကြောင်းနှင့် ထိခိုက်ဒဏ်ရာရရှိမှုမရှိကြောင်း ရန်ကုန်တိုင်း ဒေသကြီး ရဲတပ်ဖွဲ့ ၏ သတင်းထုတ်ပြန်ချက်တွင် ဖော်ပြထားပါသည်။

by သစ်ထူးလွင်

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ