ရေကြည်မြို့နယ် ကွမ်းသီးကုန်းကျေးရွာတွင် အဓမ္မပြုကျင့်မှုကြောင့် ပထမတန်းကျောင်းသူသေဆုံး


ဧရာဝတီတိုင်းဒေသကြီး ပုသိမ်ခရိုင်၊ ရေကြည်မြို့နယ်၊ ကက္ကူကြီးကျေးရွာအုပ်စု၊ ကွမ်းသီး ကုန်းကျေးရွာရှိ ကြယ်နီသုံးလုံး နှစ်ရှည်ပင်စိုက်ပျိုးခြံအတွင်း စက်တင်ဘာ (၂၆)ရက် ည(၇) နာရီအချိန်မှာ စက်စက်ယိုအခြေခံပညာမူလတန်းကျောင်းမှာ တက်ရောက်နေတဲ့ ပထမတန်း ကျောင်းသူ မလှသူဇာဝေ အဓမ္မပြုကျင့်ခံရပြီး သေဆုံးသွားတယ်လို့ သိရပါတယ်။

 စက်တင်ဘာ(၂၆)ရက် ည(၇)နာရီခွဲအချိန် ကုန်းပြင်နယ်မြေရဲစခန်းမှာ ဒုရဲအုပ်ဝင်းမြင့်ရှိနေစဉ် ရေကြည်မြို့နယ်၊ ကက္ကူကြီး ကျေးရွာအုပ်စု၊ ကွမ်းသီးကုန်းကျေးရွာနေ ဦးရွှေနီရောက်ရှိလာပြီး သူ့ရဲ့မြေးဖြစ်သူ မလှသူဇာဝေကျောင်းဆင်းချိန်ကျော်လွန်ပေမယ့်လည်း ပြန်မရောက်လာ တဲ့အတွက်ကူညီရှာဖွေပေးဖို့လာရောက်ပြောကြားချက်အရစက်စက်ယိုကျေးရွာက ရပ်မိရပ်ဖဦးပေါက်တူး၊ ဦးအန်းတို့နဲ့အတူ သတင်းစုံစမ်းရှာဖွေရာမှာ မလှသူဇာဝေကို ကျောင်းဆင်းချိန်မှာအကိုဝမ်းကွဲတော်စပ်သူမိုးဇော်ဦးမှ ခေါ်ဆောင်သွားကြောင်းသတင်းရရှိတဲ့အတွက်မိုးဇော်ဦးကိုခေါ်ယူစစ်ဆေးရာ ငွေကြေးအခက်အခဲရှိတဲ့အတွက်ဇနီးဖြစ်သူမ၀င်းလဲ့ဇင်နဲ့တိုင်ပင်ပြီးညီမ၀မ်းကွဲတော်သူမလှသူဇာဝေကျောင်းဆင်းချိန်မှာ သွားရောက်စောင့်ခေါ်ကာ နားဆွဲယူဖို့စီစဉ်ခဲ့တယ်လို့ သိရပါတယ်။

အဲဒီနောက် ကျောင်းဆင်းချိန်မှာ မိုးဇော်ဦးဟာ ဇနီးဖြစ်သူနဲ့အတူကျောင်းကိုသွားကာ စောင့်ခေါ်ခဲ့ပြီးနောက် ဇနီးဖြစ်သူကိုကားလမ်းမှာစောင့်ခိုင်းခဲ့ပြီးမလှသူဇာဝေကိုကြယ်နီသုံးလုံးနှစ်ရှည်ပင်စိုက်ခြံအတွင်း ခေါ်သွားခဲ့တယ်လို့ သိရပါတယ်။

 ဆက်လက်ပြီး အစ်ကိုဝမ်းကွဲဖြစ်သူ မိုးဇော်ဦးက မလှသူဇာဝေကို လည်ပင်းညစ်ပြီး သားမယားအဖြစ်ပြုကျင့်စဉ်သေဆုံးသွားတဲ့အတွက် နားဆွဲ(၁)စုံခန့်မှန်း တန်ဖိုး(၈၀၀၀)ကျပ်ခန့်ကိုချွတ်ယူပြီးအလောင်းကိုခြံအတွင်းရှိ မြောင်းအတွင်းထားခဲ့ကြောင်းစစ်ဆေးပေါ်ပေါက်ခဲ့ပါတယ်။

မလှသူဇာဝေကိုလည်ပင်းညစ်ကာ သားမယားအဖြစ်ပြုကျင့်ပြီး နားဆွဲ(၁)စုံအားချွတ်ယူသူ မိုးဇော်ဦးနဲ့ မ၀င်းလဲ့ဇင်နှစ်ဦးတို့ကိုဒုရဲအုပ်ဝင်းမြင့်ကတရားလိုပြုလုပ်တိုင်တန်းခဲ့တဲ့အတွက် စက်တင်ဘာ(၂၆)ရက် ည(၁၁)နာရီအချိန်မှာ ကုန်းပြင်နယ်မြေရဲစခန်း(ပ)၆၆/၂၀၁၆၊ ရာဇသတ်ကြီးပုဒ်မ (၃၀၂/၃၇၆/၃၉၂/ ၁၁၄(အမှုကြီးအမှတ်စဉ် ၁/၂၀၁၆)နဲ့ အမှုဖွင့်လှစ်ခဲ့ပြီး စစ်ဆေးဆောင်ရွက်လျက်ရှိကြောင်း မင်းဇော်ဦး(ရေကြည်)ရဲ့ သတင်းပေးပို့ချက်အရ သိရပါတယ်။ ဒီသတင်းကို Central News Bureau က ပေးပို့တာဖြစ်ပါတယ်။

Central News Bureau
https://www.facebook.com/skynetcnb

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ