ဘိုကလေးမြို့နယ်တွင် ရေငုပ်၍ ခရုကောက်သူ လူလတ်ပိုင်းတစ်ဦး မိကျောင်းဆွဲခံရ

ဘိုကလေး စက်တင်ဘာ ၁၃

ဧရာဝတီတိုင်းဒေသကြီး ဘိုကလေးမြို့နယ် ဆတ်ကျွန်းကျေးရွာအုပ်စု မြင်းကအုပ်ကျေးရွာ ငါးပိချောင်း ရေကျော်ချောင်းတွင် နေထိုင်သူတစ်ဦး ချောင်းအတွင်းရေငုပ်စဉ် မိကျောင်းကိုက်ချီ ဆွဲယူသွားခဲ့ရာ သေဆုံးသွားခဲ့ကြောင်း သိရသည်။

ကိုက်ချီဆွဲယူ

ဖြစ်စဉ်မှာ မြင်းကအုပ်ကျေးရွာ ငါးပိချောင်း ရေကျော်ချောင်းအနီးတွင် နေထိုင်သော လယ်ယာလုပ်ငန်းလုပ်ကိုင်ပြီး တစ်နိုင်တစ်ပိုင်ဘဲမွေးမြူသူ ကိုမျိုးထွန်း (၄ဝ)နှစ်သည် စက်တင်ဘာ ၁၂ ရက် မွန်းလွဲ ၂ နာရီခွဲက ဘဲစာကျွေးရန်အတွက် ရေကျော်ချောင်းအတွင်း ရေငုပ်ကာ ခရုကောက်နေစဉ် မိကျောင်းတစ်ကောင်က ကိုက်ချီဆွဲယူသွားခြင်းဖြစ်သည်။

အဆိုပါဖြစ်စဉ်ကို ကိုမျိုးထွန်း၏ အဒေါ်ဖြစ်သူ ဒေါ်ခင်မာရီက မြင်တွေ့ခဲ့ခြင်းဖြစ်သည်။ ဒေါ်ခင်မာရီသည် ထိုအချိန်က ပျိုးနုတ်ကောက်စိုက်ပြီး သောင်ဖုန်းဘက်ကမ်းမှ မြင်းကအုပ် ကျေးရွာသို့ပြန်လာစဉ် ရေကျချိန်ဖြစ်၍ ရေအနက် သုံးပေသာရှိသော ရေကျော်ချောင်းထဲသို့ဆင်းပြီး လမ်းလျှောက်ပြန်လာခဲ့ရာ ၁ဝ ပေအကျယ်ရှိသော ချောင်းအတွင်းတစ်နေရာ၌ အမြှုပ်တစီစီ ဖြစ်နေသည်ကို တွေ့လိုက်ရသည်။
ထိုနေရာတွင် လူတစ်ယောက်၏ လက်ပေါ်နေသည်ကို တွေ့လိုက်၍ စူးစိုက် ကြည့်နေစဉ် မိကျောင်းအဝါကျားကြီးတစ်ကောင်ပေါ်လာပြီး ဒေါ်ခင်မာရီထံ လာပြီး ကိုက်ဟပ်ရန် ကြိုးစားခဲ့သည်။

ထိုအခါ ဒေါ်ခင်မာရီက ကြောက်အားလန့်အားနှင့် ''လာကြပါဦး လူတစ်ယောက်ကို မိကျောင်းဆွဲနေလို့..မိကျောင်းဆွဲနေလို့''ဟု အော်ဟစ်ခဲ့ရာ အနီးအနားတွင် နေထိုင်ကြသော ကိုမျိုးဝင်း၊ ကိုလင်းလင်းတို့ ပြေးထွက်လာပြီး ကူညီကြသဖြင့် ဒေါ်ခင်မာရီ မိကျောင်းရန်မှ လွတ်မြောက်ခဲ့သည်။ မြင်းကအုပ် ရွာသား ကိုမျိုးဝင်းက'' ကျွန်တော်တို့ အော်သံကြားလို့ ပြေးထွက်ကြည့်လိုက်တော့ ကြောက်လန့်နေတဲ့ ဒေါ်ခင်မာရီကိုတွေ့ပြီး ချောင်းထဲဆင်းကူကြတယ်။ ချောင်းထဲမှာ ဘဲကျောင်းလှေတစ်စင်းကို သာတွေ့ရပြီး ကိုမျိုးထွန်း ပျောက်နေလို့ ရေထဲမှာ လိုက်ရှာကြည့်တာ ရေထဲမှာ ဒဏ်ရာတွေနဲ့ ကိုမျိုးထွန်း အလောင်းကို တွေ့ခဲ့ပါတယ်''ဟု ရှင်းပြသည်။ ကိုမျိုးထွန်းမှာ ညာလက်မောင်း၊ ညာရင်စို့၊ ရင်ဘတ်၊ ညာလည်ပင်းအောက်ညှပ်ရိုးနှင့် ကျောညာဘက်တို့တွင် မိကျောင်း ကိုက်ဒဏ်ရာ ကုတ်ရာများနှင့်သေဆုံးခဲ့ခြင်းဖြစ်သည်။ ကိုမျိုးထွန်းသည် မွေးချင်းမောင်နှမ ငါးဦးအနက် အကြီးဆုံးသားဖြစ်ပြီး ဇနီးမနှင်းနှင့် သမီးနှင့်သား နှစ်ဦးကျန်ရစ်သည်။

ဘိုကလေးမြို့နယ်အတွင်း ချောင်းစပ်ကျေးရွာများတွင် မိကျောင်းကိုက်ချီ မှု နှစ်အလိုက်ဖြစ်ပွားလျက်ရှိပြီး ချောင်းမြောင်းများအတွင်း သတိထားနေထိုင် ရန် အသိပေးထားသည်။ ယခုရာသီတွင် မိကျောင်းအမများ ဥဥကြပြီး အသိုက် ဆောက် သားပေါက်ချိန်ဖြစ်၍ ရန်လိုနေသည့်အချိန်လည်းဖြစ်သည်။
ယင်းဖြစ်စဉ်မျိုးကို မကြာသေးသော ဇွန်လ ၁၁ ရက် မွန်းလွဲ ၂ နာရီခွဲက ဆင်အိုင်စလောင်းကျ ကျေးရွာတွင်နေထိုင်သော ကိုဇော်မျိုးနိုင်၏ဇနီး မခိုင်ခိုင်ဦး အသက်(၂၄)နှစ်မှာလည်း ဘဲစာကျွေးပြီး ဘဲစာပုံးကို ရေစပ်တွင် ဆင်းဆေးရာ ချောင်းအတွင်းမှ မိကျောင်းနက်ကြီးတစ်ကောင် ကိုက်ချီ ဆွဲယူသွားခြင်းခံရဖူးသည်။

ထိုဖြစ်စဉ်မျိုး မကြာခဏဖြစ်ပွားနေသဖြင့် ရေလုပ်ငန်းလုပ်ကိုင်သူများ၊ ဘဲမွေးသူများ၊ ကဏန်းထောင်စားသူများသည် ယင်းလုပ်ငန်းများကို မလုပ်ကိုင်ရဲ ဖြစ်နေကြသည်။ ယခင်ကာလများက ချောင်းအကျယ်များတွင်သာ မိကျောင်းများ ကို တွေ့ရှိတတ်ပြီး ရေတိမ်ပြီး အလွန်ကျဉ်းသော ရေကျော်ချောင်းကဲ့သို့ ချောင်းများ တွင် မိကျောင်းများကို မတွေ့တတ်ချေ။

''လက်ရှိအခြေအနေအရဆိုရင် ချောင်းလေး ဟိုဘက်ဒီဘက် လယ်ကွက်ခြားနေတဲ့ လယ်သမားတွေအတွက် နေ့စဉ် လယ်ထဲဆင်းဖို့ကိုပဲ အတော်ကြောက်နေကြပြီး လုပ်ငန်းအတွက်အခက်အခဲဖြစ် နေပါတယ်''ဟု မြင်းကအုပ်ကျေးရွာ ရာအိမ်မှူး ဦးသန်းလွင်က ပြောသည်။

သတင်းနှင့်ဓာတ်ပုံ-ဌေးနိုင်(ဘိုကလေး)
MOI Webportal Myanmar
https://www.facebook.com/MOIWebportalMyanmar