ကန်သမ္မတလောင်း နှစ်ဦး ပထမအကြိမ် စကားနိုင်လု

ရီပါပလေကန် သမ္မတလောင်း Donald Trump နဲ့ ဒီမိုကရစ်တစ် သမ္မတလောင်း ဟီလာရီ ကလင်တန်တို့ စကားနိုင်လုစဉ် (Credit: Reuters)
အမေရိကန် ​သမ္မတလောင်း ​နှစ်ဦးရဲ့ ​ပထမဆုံးအကြိမ် ​စကားနိုင်လုပွဲအတွင်း ​ဟီလာရီ ​ကလင်တန်က ​Donald ​Trump ​ကို ​အသားအရောင်ခွဲခြားသူလို့ ​စွပ်စွဲပြောဆိုလိုက်ပါတယ်။

အမေရိကန်နိုင်ငံရဲ့ ​နိုင်ငံခြားရေးရာနဲ့ ​စီးပွားရေးရာအကြောင်းအပြင် ​လုံခြုံရေးအကြောင်းတွေကိုလည်း ​စကားနိုင်လုခဲ့ကြတာ ​ဖြစ်ပါတယ်။

Donald ​Trump ​အနေနဲ့ ​အမေရိကန် ​သမ္မတဟာ ​အမေရိကန်နိုင်ငံမှာ ​မွေးတဲ့လူမှ ​ဟုတ်ရဲ့လား ​ဆိုပြီး ​အကြိမ်ကြိမ်ပြောဆိုတာမျိုးတွေ ​ရှိခဲ့ပြီး ​သမ္မတက ​ဟာဝါအီမှာ ​မွေးကြောင်း ​မွေးစာရင်း ​သက်သေ ​ထုတ်ပြန်တဲ့အခါမှသာ ​လက်ခံခဲ့သူ ​ဖြစ်ပါတယ်။

အဲဒီလို ​ပြောဆိုမှုတွေကို ​ကြည့်ခြင်းအားဖြင့် ​Donald ​Trump ​ဟာ ​လူမည်းသမ္မတအပေါ် ​ခွဲခြားမှုတွေလုပ်ပြီး ​သူ့ရဲ့ ​နိုင်ငံရေး ​လှုပ်ရှားမှုကို ​စတင်ခဲ့တာကို ​မြင်ရတယ်လို့ ​ဟီလာရီ ​ကလင်တန်က ​ပြောပါတယ်။

Donald ​Trump ​ကလည်း ​လူမည်း ​အမေရိကန်အတွက် ​ဟီလာရီ ​ကလင်တန်က ​ဘာမှ ​လုပ်ဆောင်ပေးနိုင်မှာ ​မဟုတ်ဘူးဆိုပြီး ​ထိုးနှက်ပြောဆိုလိုက်ပါတယ်။

ဟီလာရီ ​ကလင်တန်ဟာ ​အပြောသာ ​ရှိပြီး ​အလုပ် ​မလုပ်ပြနိုင်တဲ့လူပဲလို့လည်း ​ပြောဆိုလိုက်ပါတယ်။

ဟီလာရီ ​ကလင်တန်ကလည်း ​Donald ​Trump ​အနေနဲ့ ​သူပြောသလောက် ​ချမ်းသာချင်မှ ​ချမ်းသာမယ့်အကြောင်း၊ ​အဲဒီချမ်းသာမှုကနေ ​ပရိဟိတလုပ်ငန်းတွေ ​ပြောသလောက် ​လုပ်ချင်မှ ​လုပ်မှာ ​ဖြစ်သလို ​အခွန်ငွေတွေကို ​ပေးဆောင်တာမျိုး ​လုပ်ရဲ့လား ​ဆိုပြီး ​မေးခွန်းထုတ်လိုက်ပါတယ်။

Donald ​Trump ​ကလည်း ​သူ့မှာ ​ဝင်ငွေများတဲ့အကြောင်း ​ငွေကြေးအကြောင်း ​နားလည်တဲ့ ​လူက ​အမေရိကန် ​သမ္မတ ​ဖြစ်သင့်ပြီလို့လည်း ​တုန့်ပြန်လိုက်ပါတယ်။

အဲဒီနောက် ​ကုန်သွယ်ရေး ​ကိစ္စနဲ့ ​အကြမ်းဖက်မှု ​ကိစ္စကို ​အပြန်အလှန်ထိုးနှက် ​ပြောဆိုကြပြီး ​ဟီလာရီ ​ကလင်တန်ကတော့ ​အနည်းဆုံး ​သူ့အနေနဲ့ ​IS ​အဖွဲ့ကို ​ချေမှုန်းနိုင်မယ့် ​အစီအစဉ်တွေ ​ရှိနေတယ်လို့ ​ပြောဆိုလိုက်ပါတယ်။

ဒီစကားနိုင် ​လုပွဲဟာ ​ဘယ်သူမှ ​အပြတ်အသတ်မနိုင်ဘူးလို့ ​သုံးသပ်မှုတွေ ​ရှိပေမယ့် ​Reuters ​ရဲ့ ​Ipsos ​စစ်တမ်းအရ ​ဟီလာရီ ​ကလင်တန်က ​၄% ​နဲ့ ​အသာရတယ်လို့ ​ဖော်ပြထားပါတယ်။ ​ဒီစကားနိုင် ​လုပွဲကို ​ကြည့်ရှုသူ ​များပြားပြီး ​စံချိန်သစ် ​တင်တယ်လို့လည်း ​သိရပါတယ်။

ABC Radio Australia
http://www.radioaustralia.net.au/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ