တောင်သာ၌ အမျိုးသမီးတစ်ဦး အသတ်ခံရပြီး ရွှေဆွဲကြိုးတစ်ကုံးနှင့် ပစ္စည်းများပျောက်ဆုံး


တောင်သာ စက်တင်ဘာ ၂၇

မန္တလေးတိုင်းဒေသကြီး တောင်သာမြို့နယ် ဖက်တောကျေးရွာအုပ်စု ညောင်ကန် ကျေးရွာ၏ အနောက်ဘက် မြင်းခြံ-ဇဂျမ်း မြေသားလမ်းပေါ်၌ မြင်းခြံမြို့နယ် အမှတ် (၁၆)ရပ်ကွက်နေ ဒေါ်အုန်းမြင့်(၆၁နှစ်) သားဖွားဆရာမ(ငြိမ်း)မှာ လည်ပင်း ထိုးသွင်း ဒဏ်ရာတစ်ချက်ဖြင့် လမ်းဘေး၌ သေဆုံးလျက်ရှိပြီး ကိုယ်ပေါ်တွင် ပါလာသော ရွှေဆွဲကြိုးနှစ်$ကျပ်သားခန့် တစ်ကုံး၊ လက်ကိုင်ဖုန်း တစ်လုံးနှင့် ငွေကျပ် ၃ဝဝဝဝ ပါ ပိုက်ဆံအိတ်တစ်လုံး ပျောက်ဆုံးလျက်ရှိကြောင်း တွေ့ရှိရသည်။

ဖြစ်စဉ်မှာ စက်တင်ဘာ ၂၇ ရက် နံနက် ၉ နာရီက သေဆုံးသူ ဒေါ်အုန်းမြင့်သည် ယာဉ်မောင်း ဝင်းမြင့်ထွန်း မောင်းနှင်သော ဖောကားဖြင့် လည်းကောင်း၊ ခင်ပွန်းဖြစ်သူ ဦးဝင်းမောင်မှာ မော်တော်ဆိုင်ကယ်ဖြင့် လည်းကောင်း၊ ထန်းပင်ခြံကွင်းရှိ ပျက်စီး နေသော မြေသားလမ်းကို ပြုပြင်ရန် ရောက်ရှိခဲ့ကြပြီး ခင်ပွန်းဖြစ်သူနှင့် ယာဉ်မောင်း တို့မှာ ညောင်ကန်ကျေးရွာရှိ ဘက်ဟိုးသွားယူရန် ထွက်ခွာသွားခဲ့ရာ ဒေါ်အုန်းမြင့်မှာ ယင်းနေရာတွင် တစ်ဦးတည်း ကျန်နေခဲ့သည်။

ယင်းနေ့ နံနက် ၉ နာရီခွဲခန့်တွင် ယာဉ်မောင်း ဝင်းမြင့်ထွန်းသည် ဘက်ဟိုး မောင်းနှင်ပြီး ဦးဝင်းမောင်မှာ ဆိုင်ကယ်ဖြင့်ပြန်လာစဉ် မြင်းခြံ-ဇဂျမ်း မြေသားလမ်း ဘေး၌ ဒေါ်အုန်းမြင့်ကို သေဆုံးလျက်တွေ့ရှိရသည်။ အဆိုပါဖြစ်စဉ်နှင့်ပတ်သက်၍ မြို့နယ်ရဲတပ်ဖွဲ့ဝင်များက ပြစ်မှုကျူးလွန်သူကို ဖမ်းဆီးရမိရေး ဆောင်ရွက်လျက် ရှိကြောင်း သိရသည်။

(မြို့နယ်ပြန်/ဆက် )
Myanmaalinn
https://www.facebook.com/MYANMAALINNNEWS

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ