ဟီလာရီကို နယူးယောက်တိုင်းမ်စ်နဲ့ အယ်လ် အေ တိုင်းမ်စ် သတင်းစာတွေ က ထောက်ခံလိုက်ပြီ

အမေရိကန် နိုင်ငံခြားရေး ၀န်ကြီး ဟီလာရီ ကလင်တန်၏ ပထမဆုံး မြန်မာနိုင်ငံ ခရီးစဉ် အဖြစ် ၂၀၁၁ ခုနှစ် နိုဝင်ဘာလ ၃၀ ရက်နေ့က နေပြည်တော်လေဆိပ်ကို ဆိုက်ရောက်လာစဉ်။ Photo:AFP
သြဇာကြီးမားတဲ့ New York Times နယူးယောက် တိုင်းမ်စ် နဲ့ L A Times အယ်လ် အေ တိုင်းမ်စ် သတင်းစာ အယ်ဒီတာအဖွဲ့တွေက လာမယ့် နိုဝင်ဘာ ၈ ရက်ကျင်းပမယ့် သမ္မတ ရွေးကောက်ပွဲမှာ ပါဝင်ယှဉ်ပြိုင်မယ့် ဟီလာရီကလင်တန်ဟာ အမေရိကန်သမ္မတဖြစ်သင့်ကြောင်း စနေနေ့ မနေ့က ထောက်ခံလိုက်ပါတယ်။

ဒီမိုကရက်တစ်ပါတီ သမ္မတလောင်း ဟီလာရီဟာ နိုင်ငံရေးအတွေ့အကြုံနဲ့ လက်တွေ့ကျတဲ့ အတွေးအခေါ် ရှိသူဖြစ်ပြီး ရီပတ်ဘလီကင်ပါတီ သမ္မတလောင်း ဒေါ်နယ်လ် ထရမ့်ကတော့ ခိုင်ခိုင်မာမာ စီမံကိန်း တစ်ခုတလေမှ ချပြနိုင်သူမဟုတ်တဲ့အတွက် သူတို့ ၂ ယောက်ကို ချိန်ခွင်ထိုးဖို့ မလိုတော့ဘူးလို့ နယူးယောက်တိုင်းမ် အယ်ဒီတာ အဖွဲ့ကပြောပါတယ်။

လော့စ်အိန်ဂျယ်လစ် တိုင်းမ်စ် သတင်းစာကလည်း ဒေါ်နယ် ထရမ့်ဟာ အမေရိကန်လူထုနဲ့ ကင်းကွာပြီး ရွေးချယ်ခံ အုပ်ချုပ်ရေး အတွေ့အကြုံမရှိကြောင်း ဟီလာရီ ကလင်တန်ကတော့ အစိုးရအုပ်ချုပ်ရေး ယန္ဒယားနဲ့ ကျွမ်းဝင်ပြီး သမ္မတ ရာထူးအတွက် နှစ်ပေါင်းများစွာ စနစ်တကျ လေ့ကျင့်ပျိုးထောင်ခဲ့သူဖြစ်ကြောင်း ပြောပါတယ်။

တနင်္ဂနွေနေ့ညမှာ သမ္မတလောင်း ၂ ဦး ပထမဆုံးအကြိမ် စကားစစ်ထိုးပွဲပြုလုပ်ဖို့ ရှိနေစဉ်အတွင်း အခုလို နာမည်ကျော် အမေရိကန် သတင်းစာ ၂ စောင်ရဲ့ ထုတ်ပြန်ချက်တွေ ပေါ်ထွက်လာတာဖြစ်ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ