ရည်းစားဖြစ်သူအားချိန်းဆိုပြီး ဓားဖြင့်ခြိမ်းခြောက် နားကပ်ချွတ်ယူကာ ကြိုးဖြင့်တုတ်၍ ကမြောကင်းတံတားပေါ်မှ ထားဝယ်မြစ်အတွင်းသို့  ပစ်ချမှုဖြစ်ပွား

သဗျာကျေးရွာနေ မြတ်သူအောင် (ခ) နေထက်လင်း
ထားဝယ် စက်တင်ဘာ ၁၈

တနင်္သာရီတိုင်း ဒေသကြီး ထားဝယ်ခရိုင်၊ လောင်းလုံးမြို့နယ်၊ ကမြောကင်းတံတားပေါ်တွင် ရည်းစားဖြစ်သူမှ ချိန်းဆို၍ သွားရောက်ရာ ဓားဖြင့်ခြိမ်းခြောက်၍ နားကပ်ချွတ်ယူပြီး ကြိုးဖြင့် လက်နောက်ပြန်တုတ်ကာ တံတားပေါ်မှ ထားဝယ်မြစ်အတွင်းသို့  ပစ်ချမှုတစ်ရပ် ဖြစ်ပွားခဲ့ကြောင်း သိရှိသည်။

ဖြစ်စဉ်မှာ စက်တင်ဘာလ ၁၇ ရက်နေ့ ညနေ ၆ နာရီ ၄၀ မိနစ်တွင် မကေကေခိုင် ၁၉ နှစ်၊ (ဘ) ဦးအောင်သိန်း၊ ထားဝယ်တက္ကသိုလ် ၊ ပထမနှစ် ပထ၀ီကျောင်းသူ သည် လောင်းလုံးမြို့နယ်၊ ကမြောကင်းကျေးရွာရှိ သီရိဇေယျာဝင်း ဘော်ဒါဆောင်၌ရှိနေစဉ် လောင်းလုံးမြို့နယ်၊ သဗျာကျေးရွာနေ မြတ်သူအောင် (ခ) နေထက်လင်း၊ အသက် (၁၉)နှစ်၊ (ဘ) ဦးမောင်ဝင်း က ကမြောကင်း တံတားထိပ်ရှိ ဘုရားသို့ လာရောက်ရန် ချိန်းဆိုခဲ့သည်။

တံတားအရောက်တွင် မြတ်သူအောင် (ခ) နေထက်လင်း က ဆိုင်ကယ်ဖြင့် စိုက်ပျိုးရေးပန်းခြံဘက်သို့  သွားရောက် စကားပြောပြီး တံတားသို့ ဆိုင်ကယ်ဖြင့် ပြန်လာရာ ထားဝယ်မြို့ဝင်/ထွက် ဆိုင်းဘုတ်အနီး တံတားပေါ် အရောက်တွင် ဆိုင်ကယ်ထိုင်ခုံအောက် အံခွက်အတွင်းမှ ဓားမြှောင်ကိုထုတ်ယူကာ မကေကေခိုင် ၀တ်ဆင်ထားသော နားကပ်ကို ချွတ်ပေးရန် ခြိမ်းခြောက် တောင်းယူသည်။


မကေကေခိုင် က နားကပ်ကို ချွတ်ပေးလိုက်ရာ မြတ်သူအောင် (ခ) နေထက်လင်း က နားကပ်ကို ၀တ်ဆင်ပြီးနောက် ၄င်းနှင့်ပါလာသော တယ်လီဖုန်းအားသွင်းကြိုးဖြင့် နောက်ပြန်ချည်နှောင်၍ ပွေ့ ချီကာ ကမြောကင်း တံတားပေါ်မှ ထားဝယ်မြစ်အတွင်းသို့ ပစ်ချလိုက်သည်။

မကေကေခိုင် ရေထဲအရောက်တွင် နှောက်ပြန်တုတ်ထားသောကြိုးမှာ ပြုတ်ထွက်သွားပြီး ရေကူးခတ်နေစဉ် သဲစုတ်လှေတစ်စီးရှိသူများမှ မကေကေခိုင်အား ဆယ်ယူကာ ၄င်း၏မိဘနှင့် ဆက်သွယ်ပေးခဲ့သည်။


မကေကေခိုင် က ၄င်း၏ နားကပ်အား ဓားပြ ခြိမ်းခြောက်တောင်းယူကာ လက်နှောက်ပြန် ကြိုးတုတ်ပြီး ရေထဲသို့ ပစ်ချသူ မြတ်သူအောင် (ခ) နေထက်လင်း အပေါ် ဥပဒေအရ အရေးယူပေးပါရန် တိုင်းတန်းသဖြင့် ထားဝယ်မြို့မရဲစခန်းမှ (ပ) ၁၀၈၁/၂၀၁၆၊ ရာဇသတ်ကြီးပုဒ်မ - ၃၈၄/၃၀၇ အရ အမှုဖွင့်လှစ်၍ ဒုတိယရဲအုပ်သိန်းဇော် မှ စစ်ဆေးဆောင်ရွက် လျက်ရှိကြောင်း သိရှိရသည်။

သတင်း - ဦးစိန်ဝင်း ( ဖိုးရွှေသွန်း - ထားဝယ်)
ဓါတ်ပုံ - Naing Lin Tun

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ