Rio အိုလံပစ်ဆု အမေရိကန် ဦးဆောင်


ဘရာဇီးနိုင်ငံ Rio De Janeiro မြို့မှာ ကျင်းပနေတဲ့ နွေရာသီအိုလံပစ် အားကစား ပွဲတော်မှာ ဒီကနေ့အထိ ဆုရရှိမှုစာရင်းမှာတော့ အမေရိကန် ပြည်ထောင်စု က ရွှေတံဆိပ်ဆု ၅ ခု၊ ငွေ ၇၊ ကြေး ၇ နဲ့ စုစုပေါင်း ၁၉ ဆုနဲ့ ဦးဆောင်နေပါတယ်။

ဆုရရှိမှုစာရင်းမှာ ဒုတိယလိုက်နေတဲ့ တရုတ်နိုင်ငံကတော့ ရွှေ ၅၊ ငွေ ၃၊ ကြေး ၅ နဲ့ စုစုပေါင်း ၁၃ ဆု ရရှိထားပါတယ်။ ထိပ်ဆုံးနေရာမှာရှိနေတဲ့ အမေရိကန် က ရေကူးအသင်း ၂ သင်း ကတော့ တနင်္လာနေ့မှာ နောက်ထပ် စံချိန်သစ် တင်ပြီး ရွှေတံဆိပ်ဆုတွေ အသီးအသီး ရခဲ့ကြတာပါ။

အသက် ၂၁ နှစ်အရွယ် အမေရိကန် ရေကူးချန်ပီယံ Ryan Murphy က အမျိုးသား မီတာ ၁၀၀ ပက်လက်ကူးမှာ ၅၁.၉၇ စက္ကန့်နဲ့ အိုလံပစ် စံချိန်ချိုးခဲ့သလို၊ အသက် ၁၉ နှစ်အရွယ် Lilly King ကတော့ အမျိုးသမီး မီတာ ၁၀၀ လက်ပစ်ကူးပွဲမှာ တမိနစ် ၄.၉၃ စက္ကန့်နဲ့ အိုလံပစ် စံချိန်သစ် တင်ခဲ့တာပါ။

တနင်္ဂနွေနေ့မှာ တုန်းကလည်း အမေရိကန် ရေကူးချန်ပီယံ Katie - လယ်ဒဲခီ- Ledecky - မီတာ ၄၀၀ အလွတ်ကူးပြိုင်ပွဲမှာ သူတင်ထားတဲ့ ကမ္ဘာ့စံချိန်ကိုချိုးပြီး အနိုင်ရခဲ့ပါတယ်။

အမေရိကန်အမျိုးသား ရေကူးအသင်းကတော့ မီတာ ၁၀၀၊ ၄ ကြိမ် လက်ဆင့်ကမ်း ရေကူးပြိုင်ပွဲမှာ ရွှေတံဆိပ်ဆွတ်ခူးခဲ့သလို၊ ပထမဆုံး မီတာ ၁၀၀ ကို ဦးဆောင် ကူးခဲ့တဲ့ ရေကူးချန်ပီယံ Michael Phelps ကိုယ်တိုင် ကတော့ နောက်ထပ် ရွှေတံဆိပ်ဆု ရရှိခဲ့တဲ့အတွက် အိုလံပစ်သမိုင်း တလျှောက် ရွှေတံဆိပ်ဆု အများဆုံးရထားတဲ့ အားကစားသမားအဖြစ် မှတ်တမ်းတင်နိုင်ခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ