ဆီးရီးယားနိုင်ငံ အလက်ပိုပြည်နယ်က အာရပ်လူမျိုး အများစုနေထိုင်ရာ Manbij ။ |
ဆီးရီးယားဒီမိုကရက်တစ်အင်အားစု (SDF) နဲ့ ဆက်နွယ်တဲ့ အုပ်စုတွေ၊ အမေရိကန်ကျောထောက်နောက်ခံပြုထားတဲ့ ကာဒ့်နဲ့ အာရပ် မဟာမိတ် တပ်ဖွဲ့တွေဟာ - ဆီးရီးယားနိုင်ငံ အလက်ပိုပြည်နယ်က အာရပ်လူမျိုး အများစုနေထိုင်ရာ Manbij ကို ထိန်းချုပ် လိုက်ကြောင်း သောကြာနေ့မှာပဲ သတင်းတွေ ထွက်ပေါ်ခဲ့ပါတယ်။
မန်ဘစ်ဂ်ျမြို့ စစ်ဆင်ရေးကိုတော့ အမေရိကန်ဦးဆောင်တဲ့ ညွန့်ပေါင်း တပ်ဖွဲ့တွေရဲ့ လေကြောင်းထိုးစစ်တွေနဲ့အတူ - IS အစွန်းရောက်အဖွဲ့ ချေမှုန်းရေး ဇွန်လမှာပဲ ပူးပေါင်းတပ်ဖွဲ့တွေ စတင်ခဲ့တာ ဖြစ်ပါတယ်။ ညွန့်ပေါင်း တပ်ဖွဲ့တွေက လေကြောင်းစစ်ဆင်ရေး အကြိမ် ၅၀၀ ကျော်လောက် ဆင်နွှဲခဲ့ကြပြီး - ဒေသခံ တိုက်ခိုက်ရေးသမားတွေ ရှေ့တက်နိုင်အောင်လည်း လမ်းဖွင့်ပေး ခဲ့ကြတာ ဖြစ်ပါတယ်။
အခုအခါ Manbij မြို့ကို အပြည့်အ၀ ထိန်းချုပ်ထားနိုင်ပြီဖြစ်ကြောင်းလည်း SDF အဖွဲ့ ပြောခွင့်ရသူ Shervan Derwish က ပြောပါတယ်။ IS အစွန်းရောက် တပ်ဖွဲ့တွေက ထိုးစစ်နှောင့်နှေးအောင်လို့ မြို့တွင်းမှာ ဖျက်ဆီးဟန့်တားမှုတွေ လုပ်ခဲ့ပေမဲ့ - သူတို့တပ်ဖွဲ့တွေက နယ်မြေတခုလုံးကို သိမ်းပိုက်နိုင်ခဲ့ကြောင်းလည်း - သူက ဗွီအိုအေကို ပြောဆိုခဲ့ပါတယ်။
ဗွီအိုအေ (မြန်မာပိုင်း)
http://burmese.voanews.com
မဟာဗျူဟာကျတဲ့ Manbij မြို့က စစ်သွေးကြွတွေ နှိမ်နင်းနိုင်ပြီ
Reviewed by THITHTOOLWIN
on
08:58
Rating: