ရွှေတူး စက်ယန္တရား သိမ်းယူလာသော အစိုးရတပ်နှင့် KIA တိုက်ပွဲ ဖြစ်

ကန်ပိုင်တီ တွင် တွေ့ရသော အစိုးရ စစ်သား တစ်ဦး
ဟူးကောင်းချိုင့်ဝှမ်းဒေသ ရှထူးဇွပ် (Shahtu Zup) မှ ရွှေတူး စက်ယန္တရား သိမ်းယူလာသော အစိုးရတပ်နှင့် ကချင် လွတ်လပ်ရေး တပ်မတော် KIA ကြား လီဒိုလမ်း ဒွမ်ဘန် (Dumbang) နှင့် ခွမ်စိုင်ယန် (Hkum Tsai Yang) ကြား သြဂုတ်လ(၂၀)ရက်နေ့ က တိုက်ပွဲ ဖြစ်ပွားခဲ့သည်။
ရှထိုးဇွပ် (Shahtu Zup) ကျေးရွာ၏ အနောက်ဘက် ခဒဇွပ် (Hkada Zup) အနီး လော့ဒ်ဂျာ (Lawt Ja) ရွာ ရွှေမော်မှ တရုတ်လူမျိုးများ၏ backhoe ရွှေတူး စက်ယန္တရား ကား (၄) စီးကို အစိုးရတပ်မှ
သိမ်းယူပြီး နမ္မတီး (Namti) ဘက်ကို ဦးတည် သယ်ယူလာခြင်း ဖြစ်သည်။

အဆိုပါ ယာဉ်တန်းသည် နံနက် ၉ နာရီခန့်မှာ တိုက်ခိုက်ခံရပြီးနောက် အစိုးရတပ်နှင့် KIA တပ်ရင်း ၁၄ တိုက်ပွဲသည် မွန်းလွဲ ၁ နာရီခွဲခန့်အထိ ဖြစ်ပွားခဲ့သည်ဟု ဒေသခံများက ကချင်သတင်းဌာန KNG ကို ပြောပါသည်။

တိုက်ပွဲအတွင်း အစိုးရတပ်ဘက်မှ ၅ ဦး သေဆုံးပြီး ထိခိုက် ဒဏ်ရာရသူ များသည်ဟု ခွမ်စိုင်ယန် (Hkum Tsai Yang) ရွာသားများ ပြောပါသည်။ KIA ဘက် ထိခိုက်မှု ရှိ မရှိကို မသိရသေးပါ။

တိုက်ခိုက်မှုနှင့် ပတ်သက်ပြီး လိုင်ဇာ ဗဟိုဌာနချုပ် ကချင် လွတ်လပ်ရေး အဖွဲ့ KIO သတင်းနှင့် ပြန်ကြားရေး ဌာန တာဝန်ရှိသူ ဒုဗိုလ်မှူးကြီး နော်ဘူ က “တိုက်ပွဲ ဖြစ်ပွားကြောင်း ဒါပေမယ့် အသေးစိတ်ကိုတော့ မသိရသေးကြောင်း” ကချင် သတင်း ဌာန KNG ကို ပြောပါသည်။

ခွမ်စိုင်ယန် (Hkum Tsai Yang) ကျေးရွာသည် နမ္မတီးမြို့နှင့် မိုင် ၄၀ ခန့် အကွာမှာ ရှိပြီး ၎င်းရွာအထဲ တွင် အစိုးရတပ်များ စခန်းချနေပြီး စစ်ကူများကို စောင့်နေသည်ဟု ဒေသခံများမှ သိရသည်။

ယခုလ လဆန်းပိုင်းမှ KIA တပ်မဟာ ၂၊ တပ်ရင်း (၁၄) ထိန်းချုပ် နယ်မြေ ရှထူးဇွပ် (Shahtu Zup) ကျေးရွာအနီး ရွှေမှော်များသို့ တပ်မတော်မှ ထိုးစစ်ဆင် တိုက်ခိုက်မှု စတင် ပြုလုပ်ခဲ့သည်။ နှစ်ဖက် တိုက်ပွဲများ ပြင်းပြင်းထန်ထန် ဖြစ်ပွားကာ အစိုးရတပ်မှ တနိုင်း ဒကစ မှူး သေဆုံးပြီး အကျအဆုံး များကြောင်း ဒေသခံများ ဆိုပါသည်။

သို့သော် အစိုးရနှင့် တပ်မတော် သတင်းများတွင် တပ်မတော်ဘက်မှ ထိခိုက်သေဆုံးမှု သတင်းများ မဖော်ပြဘဲ ‘ရှထူးဇွပ် နယ်မြေအတွင်း တပ်မတော် စစ်ကြောင်းက နယ်မြေ ရှင်းလင်း ဆောင်ရွက်စဉ်တရားမဝင် တူးဖော်လျက်ရှိသည့် ရွှေဖောင်များ၊ ရွှေတူးဖော်ရာတွင်အသုံးပြုသည့် ယာဉ်ယန္တရားများနှင့် တစ်ဖက် နိုင်ငံသားများအား ဖမ်းဆီးရမိခဲ့’ စသည်ဖြင့် ဖော်ပြထားသည်ကို သာ တွေ့ရသည်။

ကချင် လွတ်လပ်ရေး အဖွဲ့ KIO ကို တနိုင်ငံ လုံးဆိုင်ရာ ပစ်ခတ် တိုက်ခိုက်မှု ရပ်စဲရေး NCA စာချုပ် လက်မှတ် ရေးထိုးရန် ဖိအားပေးသည်ဟု ယူဆရသော တပ်မတော်၏ လုပ်ရပ် ‘ရွှေမှော်မှ KIA ၏ ၀င်ငွေ ဖြတ်တောက်ပစ်ရန် ထိုးစစ်ဆင် တိုက်ခိုက်ခြင်းကို KIA ဘက်မှ ဆက်လက် ခုခံ သွားမည် ဖြစ်ကြောင်း’ KIO သတင်းနှင့် ပြန်ကြားရေး ဌာန တာဝန်ရှိသူ ဒုဗိုလ်မှုးကြီး နော်ဘူက ပြောသည်။

Kachin News Group
http://burmese.kachinnews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ