ကန်ပိုင်တီလမ်း ဘက်လည်း အစိုးရတပ်နှင့် KIA တိုက်ပွဲ ဖြစ်ပွား


ကချင်ပြည်နယ် အနောက်ဘက်မှာ မြန်မာ အစိုးရတပ်နှင့် ကချင် လွတ်လပ်ရေး တပ်မတော် KIA ကြား တိုက်ပွဲ ပြင်းထန်နေစဉ် ပြည်နယ် အရှေ့ဘက် မြစ်ကြီးနား-ကန်ပိုင်တီ လမ်းကြောင်း ဘက်မှာလည်း နှစ်ဖက် တိုက်ပွဲ ဖြစ်လာနေပါသည်။

ဝိုင်းမော်မြို့နယ် KIA တပ်မဟာ (၅) အောက် တပ်ရင်း (၃) စခန်းများကို အစိုးရတပ်များ ထိုးစစ်ဆင်လာခြင်း ကြောင့် နှစ်ဖက် တိုက်ပွဲ ဖြစ်ပွားလာကြောင်း ဒေသခံများ ဆိုပါသည်။

ယနေ့ သြဂုတ် ၁၇ ရက်က တပ်မတော် စစ်ကြောင်းများနှင့် KIA တပ်ရင်း (၃) တပ်ဖွဲ့များကြား လေး နေရာတွင် တိုက်ပွဲ ဖြစ်ပွားခဲ့သည်ဟု ဒေသခံများ ကချင် သတင်း ဌာန KNG ကို ပြောသည်။

နံနက်ပိုင်းမှာ Sadung (ဆဒုံ) ဒေသရှိ KIA တပ်ရင်း (၃) စခန်း နှစ်ခုဖြစ်သည့် Bum Sen Bum နှင့် Lai Hpawng Bum သို့ တပ်မတော် စစ်ကြောင်းများ တက်လာစဉ် တိုက်ပွဲ ဖြစ်ပွားခဲ့သည်။

ညနေပိုင်းတွင်မူ တရုတ်နယ်စပ် မိုင်တိုင် (၆) အနီး KIA တပ်ရင်း (၃) ၏ Ngwa Le (ငွားလေး) စခန်းကို တပ်မတော် စစ်ကြောင်းများ စတင် ထိုးစစ်ဆင် တိုက်ခိုက်ခဲ့ကြောင်း ဒေသခံများ ဆိုပါသည်။ တချိန်ထဲမှာ ကန်ပိုင်တီလမ်းမ အတိုင်း Sadung (ဆဒုံ) သို့ တက်လာသော တပ်မတော် ယာဉ်တန်းကို ၀ိုင်းမော်မြို့ အလွန် KIA မှ ဟန့်တား တိုက်ခိုက်ခဲ့သည်ဟု ဒေသခံများ ပြောပါသည်။

သေဆုံး၊ ဒဏ်ရာ ရရှိသူများကို ၀ိုင်းမော်မြို့ဘက် သယ်ဆောင်သွားကြောင်း မျက်မြင်များ ပြောပါသည်။

ယမန်နေ့ ကလည်း KIA စခန်း Lai Hpawng Bum သို့ စတင် ထိုးစစ်ဆင်လာသည့် ခလရ (၁၆) အစိုးရ တပ်များနှင့် တိုက်ပွဲ ဖြစ်ပွားခဲ့သည်။

ကန်ပိုင်တီ လမ်းကြောင်းဘက် တိုက်ပွဲ ပြင်းထန်လာချိန် မြစ်ကြီးနား-ဗန်းမော်လမ်း KIA ဗဟိုဌာနချုပ် နယ်မြေဘက်မှာ လည်း နှစ်ဖက်တိုက်ပွဲ ဖြစ်ပွားနေပါသည်။

Kachin News Group
http://burmese.kachinnews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ