IS တိုက်ဖျက်ရေးကို အာရုံစိုက်တဲ့ နိုင်ငံခြားရေးမူ ချမယ်လို့ ထရမ့်ပြော

အစွမ်းကုန် စိစစ် တင်းကြပ်ပြီးမှ အမေရိကန် ပြည်ထောင်စုထဲ ဝင်ရောက်ခွင့် ပေးမယ့် လူဝင်မှု ဆိုင်ရာ မူဝါဒလည်း ချမှတ် ပေးမယ်။
အမေရိကန် ပြည်ထောင်စုမှာ ရီပတ်ဘလစ်ကင် သမ္မတလောင်း ဒေါ်နယ်ထရမ့်က အစွန်းရောက် အစ္စလာမ်မစ် အကြမ်းဖက် ဝါဒ အပေါ် ဘယ်လို နှိမ်နှင်း မလဲ ဆိုတဲ့ သူ့ရဲ့ အစီအစဉ်ကို ချပြ လာပါတယ်။

လာမယ့် နိုဝင်ဘာလ ရွေးကောက်ပွဲမှာ သူသာ အနိုင် ရလာရင် အမေရိကန် ရဲ့ နိုင်ငံခြားရေး မူဝါဒဟာ အစ္စလာမ်မစ် နိုင်ငံ အဖွဲ့ IS ကို ချေမှုန်း နိုင်ရေး အပေါ်သာ အဓိက အာရုံစိုက် လာစေမှာ ဖြစ်တယ်လို့ မစ္စတာ ထရမ့်က ဆိုပါတယ်။

IS အဖွဲ့ ထကြွ လာတာဟာ လက်ရှိ သမ္မတ အိုဘားမားနဲ့ ဒီမိုကရက်တစ် သမ္မတလောင်း ဟီလာရီ ကလင်တန် တို့ ချမှတ်ခဲ့တဲ့ မူဝါဒ တွေရဲ့ တိုက်ရိုက် အကျိုးဆက် ဖြစ်တယ်လို့လည်း မစ္စတာ ထရမ့်က ပြစ်တင် ဝေဖန် ခဲ့ပါတယ်။

အိုဟိုင်အို မဲဆွယ် ပွဲမှာ မစ္စတာ ထရမ့်က အခုလို ပြောကြား လာတာ ဖြစ်ပြီး၊ အစွမ်းကုန် စိစစ် တင်းကြပ်ပြီးမှ အမေရိကန် ပြည်ထောင်စုထဲ ဝင်ရောက်ခွင့် ပေးမယ့် လူဝင်မှု ဆိုင်ရာ မူဝါဒလည်း ချမှတ် ပေးမယ်လို့ မစ္စတာ ထရမ့်က ပြောဆို ခဲ့ပါတယ်။

မစ္စစ် ကလင်တန်ရဲ့ မဲဆွယ်ပွဲမှာ အတူရှိနေတဲ့ လက်ရှိ ဒုသမ္မတ ဂျိုး ဘိုင်ဒင်က တော့ ဒေါ်နယ်ထရမ့် ဟာ နိုင်ငံခြားရေး မူဝါဒ ဆိုတာ ဘာမှန်း သိသူ မဟုတ် ဆိုပြီး တုံ့ပြန် ခဲ့ပါတယ်။

ဒေါ်နယ်ထရမ့် ပြောဆိုတာ တွေဟာ အမေရိကန် အတွက် ပိုလို့တောင် အန္တရာယ် ကြီးစေနှင့်ပြီး ဖြစ်တယ်လို့လည်း မစ္စတာ ဘိုင်ဒင်က ပြောပါတယ်။

ထရမ့်ဟာ နိုင်ငံတကာနဲ့ ချီတဲ့ အကြောင်းခြင်းရာ ပြဿနာတွေ ကို လေ့လာလို စိတ် ရှိသူ မဟုတ် သလို၊ အမေရိကန် သမ္မတ ဖြစ်ဖို့ အရည်အချင်း ပြည့်မှီသူ မဟုတ်ဘူး လို့လည်း မစ္စတာ ဘိုင်ဒင်က ရှုတ်ချ ပြောဆို ခဲ့ပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ