Florida ဇီကာဗိုင်းရပ်စ်တိုက်ဖျက်ဖို့ ဗဟိုအစိုးရ အကူအညီတောင်းခံ

Floridaမှာ ဇီကာဗိုင်းရပ်စ်တိုက်ဖျက်နေပုံ
ဇီကာဗိုင်းရပ်စ် ကူးစက်ခံရသူ နောက်ထပ် လူနာ ၁၀ ယောက် ထပ်မံတွေ့ရှိခဲ့ရတဲ့ အမေရိကန် အရှေ့တောင်ပိုင်း ဖလော်ရီဒါပြည်နယ် တောင်ဘက်စွန်းက စတုရန်း ၂ ကီလိုမီတာခွဲရှိတဲ့ အရပ်မှာ ရောဂါကူးစက်မှုကို တိုက်ဖျက်ဖို့အတွက် ပြည်နယ် တာဝန်ရှိသူတွေက ဗဟိုအစိုးရထံ အကူညီတောင်းခံထားပါတယ်။

ဇီကာဗိုင်းရပ်စ် ကူးစက်မှုသစ်တွေ တွေ့ရှိခဲ့တဲ့ မိုင်ယာမီမြို့မြောက်ပိုင်း ဒေသကို ကိုယ်ဝန်ဆောင်အမျိုးသမီးတွေ ခရီးမသွားကြဖို့ အမေရိကန် ရောဂါထိန်းချုပ်ရေးဌာန (CDC) က တနင်္လာနေ့မှာ သတိပေးခဲ့ပြီး နောက်မှာပဲ ဖလော်ရီဒါ ပြည်နယ်အုပ်ချုပ်ရေးမှူး Rick Scott က ကာကွယ်ရေး အစီအစဉ်တွေ တိုးမြှင့်ဆောင်ရွက်ခဲ့တာပါ။

သမ္မတ အိမ်ဖြူတော်ကတော့ အုပ်ချုပ်ရေးမှူးရဲ့ အကူအညီတောင်းခံမှုကို ဖြည့်ဆည်းပေးမယ့်အကြောင်း တနင်္လာနေ့ကပဲ ပြောဆိုခဲ့ပါတယ်။ ဖလော်ရီဒါပြည်နယ် တောင်ပိုင်းမှာ ဒေသခံအစိုးရရဲ့ ရောဂါတိုက်ဖျက်ရေးအဖွဲ့နဲ့ လက်တွဲလုပ်ဆောင်ဖို့ CDC က အဖွဲ့တဖွဲ့ အမြန်ဆုံး စေလွှတ်ထားတဲ့ အကြောင်းလည်း အိမ်ဖြူတော် ပြောခွင့်ရသူ Eric Schultz က သတင်းထောက်တွေကို ပြောဆိုခဲ့တာပါ။

ရောဂါကူးစက်မှု အသစ်တွေ အားလုံးဟာ ဒေသခံ ခြင်တွေကတဆင့် ကူးစက်ခံခဲ့ရတာ ဖြစ်တယ်လို့လည်း အုပ်ချုပ်ရေးမှူး Scott ကပြောပါတယ်။ အခုနောက်ဆုံး အချိန်အထိ ဆိုရင်တော့ ရောဂါကူးစက်မှု စုစုပေါင်း ၁၄ ခု ရှိနေပြီး၊ အမျိုးသား ၁၂ ယောက်နဲ့ အမျိုးသမီး ၂ ဦးတို့ ရောဂါ ကူးစက်ခံထားရတာပါ။ ဖလော်ရီဒါပြည်နယ် ကျန်းမာရေးဌာန တာဝန်ရှိသူတွေကတော့ ဇီကာဗိုင်းရပ်စ်ပိုးပျံ့နှံ့မှုဟာ မိုင်ယာမီမြို့လယ်ရဲ့ မြောက်ဘက်မှာရှိတဲ့ Miami-Dade ခရိုင်က စတုရန်း ၁ ကီလိုမီတာ အတွင်းမှာသာ ဖြစ်ပွားနေတယ် လို့လည်း ပြောဆိုထား တာပါ။ ပြည်နယ်အုပ်ချုပ်ရေးမှူးကတော့ ရောဂါကူးစက်မှု တိုက်ဖျက်ရေးမှာ အများပြည်သူအနေနဲ့ ကူညီနိုင်တဲ့ အထိရောက်ဆုံး နည်းလမ်းကတော့ ရေ၀ပ်တဲ့ နေရာတွေကို ရှင်းလင်းကြဖို့ ဖြစ်တယ်လို့လည်း ပြောဆိုခဲ့ပါတယ်။

 ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ