ကချင်ပြည်နယ်က တရုတ်နိုင်ငံသားတွေကို နေထိုင်ခွင့်ကတ်တွေ ထုတ်ပေးထား

(အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဋ္ဌာန၊ လူဝင်မှုကြီးကြပ်ရေးနဲ့ ပြည်သူ့အင်အားဆိုင်ရာ ကချင်ပြည်နယ်ဦးစီးမှူး ဦးစန်းလွင် ကို ၂၀၁၆ ခုနှစ် သြဂုတ်လ ၁၂ ရက်နေ့က တွေ့ရစဉ်) Photo: Kyaw Myo Min/RFA
ကချင်ပြည်နယ်အတွင်း လမ်းပန်ဆက်သွယ်ရေး၊ စိုက်ပျိုးရေး စတဲ့လုပ်ငန်းတွေမှာ လာရောက်လုပ်ကိုင်နေတဲ့ တရုတ်နိုင်ငံသား အယောက်နှစ်ရာကျော်ကို တစ်နှစ်ကြာနေထိုင်နိုင်တဲ့ အစိမ်းရောင်ကတ် Green Card ထုတ်ပေးထားတယ်လို့ လူဝင်မှုကြီးကြပ်ရေးနဲ့ ပြည်သူ့အင်အားဦးစီးဌာန ကချင်ပြည်နယ်ဦးစီးမှူး ဦးစန်းလွင် က ပြောပါတယ်။

မြစ်ကြီးနားမြို့က လူဝင်မှုကြီးကြပ်ရေးနဲ့ ပြည်သူ့အင်အားဦးစီးဌာန ပြည်နယ်ဦးစီးမှူးရုံးမှာ တရားမဝင် တရုတ်နိုင်ငံသားတွေအရေးနဲ့ ပတ်သက်ပြီး RFA က မေးမြန်းရာ ဦးစန်းလွင်က ဖြေကြားခဲ့တာ ဖြစ်ပါတယ်။

ပြည်ထောင်စုအစိုးရနဲ့ သဘောတူခဲ့တဲ့ မြစ်ဆုံရေကာတာလို စီမံကိန်းကြီးတွေမှာ လုပ်ကိုင်နေတဲ့ တရုတ်နိုင်ငံသားတွေကိုတော့ အခွန်ပေးဆောင်ဖို့ မလိုတဲ့ အဝါရောင်ကတ် Yellow Card ကို ထုတ်ပေးထားပြီး လောလောဆယ်မှာ အဝါရောင်ကတ် ကိုင်ဆောင်သူ အယောက် နှစ်ဆယ်ကျော် ရှိပါတယ်။

ငြိမ်းချမ်းရေး မရရှိသေးတဲ့အတွက် တရားဥပဒေစိုးမိုးမှု အားနည်နေတာကြောင့် တရားမဝင် ရောက်ရှိလာတဲ့ တရုတ်နိုင်ငံသားတွေကို ဖမ်းဆီးအရေးယူနေပေမယ့်လည်း နည်းလမ်းအမျိုးမျိုးနဲ့ ခိုးဝင်တာတွေရှိနေတယ်လို့ ဆိုပါတယ်။

အဲ့ဒီတရုတ်နိုင်ငံသားတွေကို စစ်ဆေးရေးဂိတ်တွေကနေ ကွင်းရှောင်ပြီး အခကြေးငွေနဲ့ သယ်ယူပေး နေသူတွေရှိသလို တစ်ချို့ဟာ အစိုးရဝန်ထမ်းတချို့နဲ့ လက်နက်ကိုင်အဖွဲ့တွေရဲ့ အကာကွယ်ယူပြီး ဝင်ရောက်လာကြတာဖြစ်ပါတယ်။

ဒီလို တရားမဝင်ရောက်ရှိလာပြီး ရွှေတူးဖော်လုပ်ကိုင်နေတဲ့ တရုတ်နိုင်ငံသား ၁၆ ယောက်ကို စက်ယန္တရားတွေနဲ့အတူ ပြီးခဲ့တဲ့ ဇူလိုင်လကုန်ပိုင်းက ဖားကန့်မြို့နယ် ရှဒူဇွတ်ကျေးရွာအနီးမှာ အစိုးရတပ်မတော်စစ်ကြောင်းက ဖမ်းဆီးနိုင်ခဲ့ပါတယ်။

ပြီးခဲ့တဲ့ ၂၀၁၅ ခုနှစ် ဇန်နဝါရီလအတွင်းကလည်း ဝိုင်းမော်မြို့နယ်အတွင်းမှာ လက်နက်ကိုင်အဖွဲ့တွေ ပါဝင်ပတ်သက်နေတဲ့ သစ်ခိုးဂိုဏ်းတွေကို တပ်မတော်စစ်ကြောင်းက နယ်မြေရှင်းလင်းခဲ့ရာမှာ တရုတ်နိုင်ငံသား အယောက်တစ်ရာ့ငါးဆယ်ကျော်ကို မူးယစ်ဆေးဝါးတွေ ယာဉ်ယန္တရားတွေနဲ့အတူ ဖမ်းဆီးရမိခဲ့ပါတယ်။

RFA Burmese
https://www.facebook.com/rfaburmese
ကချင်ပြည်နယ်က တရုတ်နိုင်ငံသားတွေကို နေထိုင်ခွင့်ကတ်တွေ ထုတ်ပေးထား  ကချင်ပြည်နယ်က တရုတ်နိုင်ငံသားတွေကို နေထိုင်ခွင့်ကတ်တွေ ထုတ်ပေးထား Reviewed by THITHTOOLWIN on 19:31 Rating: 5
Powered by Blogger.